وييييييين اهل الهمـــــــة ؟؟ وين اللي يبغى يشتغل ويكسب ؟؟؟

تسويقار · #1 (**permalink**) 09-07-2011, 09:06 PM

بسم الله الرحمن الرحيم

السلام عليكم ورحمة الله وبركاته

الكل منا يروح السوبرماركت

وندف ذي العربية ونعبيها اغراض ..

لحد ما تمتلي بالكامل .. و احنا ما ننتبه على اشياء بسيطة قدامنا ...

لما ناخذ ونحط بالعربيه احد فيكم انتبه لحاجه مهمه ؟؟؟ مثل ماهو موجود بالصورة ادناه ؟؟

مو واضحه ؟؟؟

طيب نشوف وحده اوضح :

شايفين كيف لاصقين العلبتين مع بعض ؟؟؟

مين اللي لصقها ؟؟؟ هنا السؤال ....

انا اقولكم مين لصقها ....

شوية فلسطينيين مع شوية يمانيه ياخذون العقود من التجار ويلصقون ...

الطريقة ...

اما ان الشركة تزودك باللاصق وعليه المطلوب .. وانت بس تلصق

او انك انت تصمم الملصق عن طريق المطبعة وتنفذ الملصقات عند نفس المطبعة

وبعدها تبدأ تستلم البضاعه من التاجر وتلصق زي ما طلبوا منك

طبعا كل هذا يتم بعد ما تتفق مع الشركة الموردة للمنتج او التاجر ...

ومعاك كم بنقالي يلصقون ... قد تحتاج من 2 الي 10 عمال ( لان الكميات كبيرة جدا ) ... وتطلب منهم لصق عدد معين باليوم .. وانت تكون على رأسهم

انت تكون على رأس شغلك ... يعني ما تنام لا يسرقونك العمال ويسرقون بضاعة التاجر

او تأخر البضاعة وما تسلمها بموعدها للتاجر وبعدها يحسبها على ظهرك لانك ضيعت عليه الموسم

الشغله مو محتاجه الي اجهزة .. فقط جهاز يدوي صغير واللي نركب عليه الشطرطون ونلصق فيه الكرتون وهو بنفسه يقطع اللاصق ..

يعني مو محتاج لرأس مال ... فقط مكان تنزل فيه البضاعه وتاخذها على دفعات من التاجر وتسلم وتستلم بضاعه جديده ...

المشروع مربح جدا وربحه عالي جداااااااااااااا

المشروع موجه لاهالي الرياض وجده بأعتبار معظم ادارات الشركات والتجار هناك ...

الان الموسم على الابواب وهذا وقت الشغل

شدوا الهمه يا اخوان .. موسم رمضان فيه خير كثير للي يعرف يستغله ....

الله يوفقكم يارب ...

حمدالعضيب · #2 (**permalink**) 09-07-2011, 09:35 PM

مساء الخير كيف اشتغل باهشغلة

محاسبـ · #3 (**permalink**) 09-07-2011, 09:47 PM

مشكور ياخوي تسويقار بس اعتقد ان لو اي احد يروح لهم وخصوصا سعودي (يزحلقونه)

ابراهيم المطيري · #4 (**permalink**) 09-07-2011, 09:50 PM

شي خطير جدا وفكره حلوه

تسويقار · #5 (**permalink**) 09-07-2011, 10:06 PM

اقتباس:

المشاركة الأصلية كتبت بواسطة حمدالعضيب

مساء الخير كيف اشتغل باهشغلة

مساء النور اخوي حمد ...

روح لادارات الشركات خصوصا شركات وتجار المواد الغذائية فهذا موسمهم

قدم لهم عرضك .... وان شاء الله تتوفق معاهم بعقد

وفقك الله

تسويقار · #6 (**permalink**) 09-07-2011, 10:08 PM

اقتباس:

المشاركة الأصلية كتبت بواسطة محمّد

مشكور ياخوي تسويقار بس اعتقد ان لو اي احد يروح لهم وخصوصا سعودي (يزحلقونه)

اخوي محمد ..

لو كل شغله قلنا انهم بيزحلقون السعودي معناته ما اشتغلنا .... لا وانا اخوك روح لهم وقلبك قوي

انزل بسعرك عن سعر السوق .... وبتلاقي خير

السعر راح يفرق مع التاجر ومعاك انت ... خصوصا ان الكميات كبيرة جداااااااا

لاتنسى انهم يشتغلون للسعودية كلها مو لمنطقة واحده فقط ... اذا الكميات كبيرة وراح تفرق معاك

ازهلها · #7 (**permalink**) 09-07-2011, 10:12 PM

يا ليت توضح الفكره بمثال ..

وجزاك الله خير

تسويقار · #8 (**permalink**) 09-07-2011, 10:12 PM

اقتباس:

المشاركة الأصلية كتبت بواسطة ابراهيم المطيري

شي خطير جدا وفكره حلوه

اخوي ابراهيم ...

الفكره ممتازة ومجربه واعرف شخص فلسطيني يشتغل فيها ومعين خير من وراها ...

لكن نصيحه للجميع ...

اللي راعي سهر بالليل ونوم بالنهار او بيترك الشغل للعمال ..

نصيحه لا يتوهق بالشغله .. لان لو تأخر بالتسليم راح يحمله التاجر قيمة البضاعه كلها

وعادة البضاعه بالملايين ....

والا يسرقوها العمال وهو نايم .....

وفقكم الله جميعا

تسويقار · #9 (**permalink**) 09-07-2011, 10:16 PM

اقتباس:

المشاركة الأصلية كتبت بواسطة ازهلها

يا ليت توضح الفكره بمثال ..

وجزاك الله خير

اخوي ازهلها ...

الفكرة واضحه .. لكن ابشرررررر ...

لو تروح مثلا لوكيل فول حدائق كلفورنيا ... وعادة يسوي تخفيضات على بعض منتجاته

وبطريقة : اشتري واحد والثاني مجانا .. ويقوم يلصق علبتين مع بعض وهي بسعر علبة واحده

هنا التاجر يحتاج لناس تلصق العلبتين مع بعض .. وهنا يجي دورك

انت تاخذ العقد منه .. ويبدأ يسلمك البضاعه على دفعات وانت تقوم بلصق العلبتين مع بعض

وترجع تسلمها للتاجر مره اخرى ويسلمك بضاعه اخرى وهكذا الي ان تنتهي الكميه كامله

وبعدها يحاسبك على كامل شغلك ....

اتمنى تكون واضحه الان