10-07-2011, 01:37 AM
|
عضو متواصل
|
|
تاريخ التسجيل: Nov 2009
المشاركات: 70
معدل تقييم المستوى: 1703
|
|
|
التلاعب الوظيفي لحملة الدبلومات الصحيه الى متى يستمر
السلام عليكم ورحمة الله وبركاته
قد يكون المكان غير مناسب لاكن حاولت اكتبه بقسم المشاكل ويقولي لايوجد تصريح
وقفنا ننتظر كثير لي ثلاث سنوات والان ببدأ بالسنه الرابعه من العطاله
والسبب لااملك واسطه تعبنا وتعبت نفسيتنا
اليكم القصه :.
انا متخرج من معهد السباعي الصحي بشهادة دبلوم تمريض واجتزت اختبار الهيئه السعوديه للتخصصات الطبيه وللاسف لم اتوظف
عانيت كثير بسبب عدم وجود واسطه قدمت بالعسكريه وماانقبلت بسبب الوزن ناقص والسبب
هموم الوظيفه والله بكينا دم بسبب الوظيفه ناس جالسه على كرسيها وتعقد توظيفنا
ولايعلمون ظروفنا والله بنتقابل يوم الحساب تعبنا نتحمل ونقول بكره تزين تعبنا نكذب على بعض
ونقول بتعدل الامور ثلاث سنوات عطاله وديوان الخدمه لم يتحرك ساكن الملك يامر بالتوظيف
خلال ست اشهر والى الان كل الاسماء والارقام الي نزلت وهميه واكبر دليل رد الموظفين على
صحيفة عاجل بانهم موظفين من سنتين ويتفاجئون بخبر توظيفهم وهم على راس العمل
حنا ابناء البلد الاصليين عيال قبائل ولاتوظفنا وعيال طشكندي وطرطشني كلهم توظفو انا مااتكلم
بالتعصب القبلي لاكن حنا اولى بالوظائف حنا السكان الاصليين ودرسنا واجتهدنا رغم كل العوائق
ورغم كل التعقيد من اصحاب القرارت الظالمه الا انا نجحنا بفضل الله والملك ماقصر وامر بالتوظيف
ليه التعقيد وليه الكذب يقلون فقط 14 الف نجحو والباقين راسبين للعلم قبل مايقارب 8 اشهر
نزل توظيف في صحة المدينه والمتقدمين بكلام احد الاطباء فقط على صحة المدينه 14785
فقط صحة المدينه اكثر من 14 الف تقدمون تخيلو الشمال والجنوب ونجد والشرقيه كم يكون العدد
بتقولون لي توظفو طيب اوك كلنا متابعين الي توظفو السنه هذي بنقول بالكذب 5 الف مع انهم
ماوصلو الفين بس بنقول خمس الف طيب بقي فقط من المدينه 8300 واكثر بعد بس بنقول كذا
يعني مناطق المملكه كلها مابقى غير 5700 ليه النصب ذا ليه
ترى ملينا وطفشنا الى متى وانتم تعيشون بكذب تبونا نسرق عشان نعيش
ابوي له سنتين يحاول يزوجني رفضت قالي بزوجك والرزق على الله بصرفك هو على نيته
بس مايدري كلمة بصرفك وش بتسوي بعاطل
مايدري بكره اذا جبت لي مولود وقالي ابي حليب او ابي لعبه مااقدر اوفرها له لاني عاطل
مايدري اذا قالت زوجتي ابي لبس مااقدر اوفره لها وانتم ماتدرون بعد اني فصخت خطبتي بسبب العطاله
بنت عمي قالي ابوها ياولدي تاخرت علي والخطابه يدقون بابي قلت الله يوفقها مابحجر على بنت عمي
والسبب الربيعه وامثاله والحين متزوجه وعندها ولد عمره شهرين والسبب الوظيفه
الى متى بنصبر الى متى بنكتم الى متى بنقول بكره تتحسن
الى متى بتستمرون بالنصب علينا يا مجمع ديوان الخدمه والى متى بتستمرون بتلاعب بدون
حسيب ولارقيب
اذا انتهت فترة 6 اشهر بدون وظيفه فـ انتم تسببتم بقتلنا
|
العرض الشجري
