السلام عليكم ورحمة الله وبركاته
ياخوان اليوم جاني رقم من تلفون
المهم كنت ناوي وشفت الرقم واتصلت عليه طلع عبداللطيف العيسى للسيارات
هل في احد قدم عليهم وواتصل فيهم اليوم
قد مرة قريت موضوع بالمنتدى وقدمت بس نسيت والله
المهم اللى دقو عليهم يقولون لي وش قالوا لهم


للتنبية / اذا راتبها اقل من 4000 ريال راح ارفضها رفض

تعاونو معنا يا اخوان

نعم أخوي أنا قدمت عليهم وتصلوا علي ورحت لهم وقابلت موظف وقالي فيه تدريب منتهي بالتوظيف وقالي التدريب ستة أشهر وبعده ياخذون الناس المميزين ووظفونهم أستشاري مبيعات في صالات البيع والبقيه يعطونهم شهاده معتمده من شركة جنرال وأثناء التدريب يعطون مكافاه 1500ريال ولهم من هذا كله أن دوام فترتين للي يتوظف عندهم أنا تبغى الصدقا من يوم قال دوام فترتين وأنا أشيلها من راسي والله لو يعطوني راتب 10000ريال مادخلها وموقع المعهد في شارع التخصصي إذا تبي الكروكي موجود عندي وأي أستفسار أن حاضر .
تحيااااااااااااااااااااااااااااااااااااااااااااااا اااااااااااتي

لا حبيبي التدريب ماهو فترتين التدريب فتره لاكن العمل بعد التدريب فترتين .

إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا

يعطيك العافية يالغلا ماقصرت