بسم الله الرحمن الرحيم

صبآح القبول والكشف الطبي

اليوم سويت الكشف الطبي في مستوصف قوى الامن الداخلي بالدمام

الساعة 8 اعطيناهم الاوراق حقت الكشف الطبي اللي اخذناها امس

وبدأو ينادون بالاسماء

تدخل اول شي عند طبيب النفسيه ويسألك : تعاني من امراض نفسيه ؟ قول لا , ويكتب سليم

وترجع برا

وينادون اسمك مرة ثانية وتدخل تفصخ ملابسك وتبقى بالسروال القصير

وتبدأ مراحل

1- الطول والوزن
2- العيون < الاختبار العادي اللي هو لوحة ويقول لك وين متجه الحرف ؟ + اختبار عمى الالوان تقرأ رقمين ثلاثه عنده
3- اختبار الباطنية < يضغط على بطنك بيده كم مرة ويحط السماعة على صدرك
4- اختبار الجراحة والاذن والاسنان > كلها دكتور واحد . يقول لك فصخ السروال وخذ لفة ( يكحل شوي ويقول البس ) خخخخ
ويقول افتح فمك يشوف اسنانك , ويشوف اذانيك < في ناس قالو لهم روح نظف اذنك وتعال بكره اوقع لك سليم
5- خلاص عاد تطلع تلبس وتروح للأشعه > غرفة ثانيه تسوي الاشعه
6- الدم والبول اكرمكم الله

وخلاااص يقولون لك الله يستر عليك تعال بعد يومين خذ النتيجة


يا اخوان , اهم شي تجيبون ورقة الكشف الطبي اللي اخذتوها امس + بطاقة الاحوال + صورتين شخصية

وترى سهالات بس الله يعينكم على الحرر والانتظاار

والله يوفقكم وفالكم القبول جميعا , وانا معكم

الله يجزاك الخير يالغلا وماقصرت وفالك القبول بأذن الله

مشكووووور

أكوس نفر الله يبيض وجهك

ترا امس حطيت موضوع وسألتك سؤال ولا رديت يمكنك مشغول الله يعينك لاكن اللحين لآزم ترد مزوح مزوح ..

بس حبيت أنشدك عن الاسنان انا اسناني فيها سوس شوي ... هل يردوني ولا وش وضعهم ..

وبيض الله وجهك والله يوفقك..

ياااااااااااااريت عندنا بجده تكون سهاله مثلكم

اخوي بالنسبه للاسنان الي ظروسه رايحه يدقق عليها ولا اهم شي الواجهه

موفق اخوي وفالك القبول

ليش يطلبون منك تحليل دم

طيب وش الاشعة ذي على اي منطقة تكون ؟

بخصوص الاسنان , انا أسناني مخربطه من قدام , والضروس مسوسه , يعني حالتها يرثى لها
بس طالع فيها وكتب سليم

بس مدري عندكم كيف , يمكن يدققون , يعني اذا يمديك تسوي شي ما بتخسر شي سوه , والرزق على الله

اما بخصوص الدم , والله مدري , بس يعبي علبه صغييره عنده اكيد للمخدرات والاشياء هذي


وبخصوص الاشعه , عشان تبين اذا في كسور او شي , وهي وحده لعظام الحوض ووحده للصدر

وبالتوفيق