ياشباب ودي اقول نصيحة الحقيقة


9 سنين من حياتي ضيعتها ورى سابك وانا احلم اني اشتغل فيها

واخرتها بدخل العسكرية


تدرون ان عرضت علي وظائف بالقطاع العسكري من والدي واخواني واقاربي

منها حرس وطني امن عام امن منشات

واقل رتبة كانت جندي اول وافضلها عريف

طيب

9 سنين وانا ما زلت مثل ما انا اشتغل بشركة واطلع منها وادخل الثانية

اعلى راتب كان في معان 6450 ريال مقاول انكرف كرف غربة وقطعة بمدينة جديدة وهي راس الزور



لو اني دخلت العسكرية بذاك الوقت من 9 سنين وش بتكون رتبتي الان


انا ابغى اوصل رسالة

مو مشكلة ان تحاول تجتهد وتحقق حلمك

لكن الرسالة الي ابغى اوصلها لكم يااخواني
ان ماحصلت لك الوظائف المدنية او القطاع الخاص بالشركات الكبيرة

عندك طريقتين :

الاولى : يا ادخل العسكرية ولا تجلس تشترط

الثانية : كمل دراستك لين تقلى الوظيفة الي تحس انها تناسبك واسحب

بس مو تسحب وانت باخر سنة عاد

لا تجلس تقول السنة الجاية او الي بعدها وقتك وعمرك بيروح منك على الفاضي

والله ياخوان تندومون مثل ماندمت وتبهذلت

قطاعات كثيرة جدا حلوة بالعسكرية لا تضيعون الفرصة السنة هذي يااخوان سنة خير باذن الله

قدموا على كل قطاع يفتح التقديم والي يقبلونك فية توكل على الله والله يسهل امورك

حبيت اني اوجهة هذي الرسالة

الله يكون في عونك وان شاء الله الكل ياخذ عبررره ..

ياخذون كلآم من وآحد مجررب

شكرا على النصيحه والله يوفقك بالوظيفه اللي تعوضك تعب هالسنين بالتوفيق

والله أنك صادق يروح عمرك و أنت جالس غش والله
أنا الحين لي جالس سنة وخايف لا أكمل بالثانية
ودعواتكم لي بإجتياز الكشف الطبي بحرس الحدود

شكرا لك على النصيحه
وعسى ربي يرزقك يالوظيفه الزينه

نصيحة مسموعه وجزاك الله خير وبالتوفيق لك

اخوي لاتسجل عسكري والله تكره حيآتك

خلك على المدني واذا على الراتب انت ماتطول بالشركه عشان راتبك يزيد

والله لتكرهـ يوم سجلت فيه عسكريه

ونصيحة لك لاتتحطم انت وصلت لمرحله ماتتحمل تخبــــط

[align=center]ي رجال شفني أنا معي دبلوم صيدله وقسم م خليت مكان م سجلت فيه
كل م رحت مكان قآلوا لي مافي أماكن شاغره إذا فيه دقينا عليك
لا ويتشرطون بكالوريوس وإلا دبلوم خبره 3 سنوآت طيب هو أحد قبلني عشان أجيب لكم الخبره وقسم قهر
وإلين يومك م لقينا شي عاطل بالبيت
قلت دام كذآ وش أسوي نبي نكون أنفسنآ عمرنا يضيع وإحنا م سوينا شي
وآخرتها هذآني مقدم ع العسكريه واذا الله كآتب لي الخير فيها رحت لها
وبعد أغلب القطاعات م يقبلون الدبلوم حقي وآخرتها جندي ورآضي فيها
لأني بصرآحة تعبت وضآق النفس فيني

الله يكتب اللي فيه الخير [/align]