سلام عليكم ورحمة الله وبركاته

كيفكم أخواني اخواتي

كتبت كم موضوع في هذا المنتدى الراقي بخصوص أفكار لمشاريع .. والاعضاء ما قصروا لكن ما تيسرت أفكارهم .. فلهم مني جزيل الشكر ..

ما أبي أطول في السالفة راح اندرش في صلب الموضوع ..

موضوعي هو الصناديق الاستثمارية ..

شرايكم فيها .. هل فيه أرباح ؟ هل فيها خساير ؟ وكيف طريقتهم ؟

وياليت الي جربوا خصوصاً يحكوا لنا تجربتهم .. والموضوع للجميع ..

معقوله ولا نفر ؟

اللي اعرفه ان الصناديق كلها نصب في نصب

لانهم في حال الربح يكون لهم نصيب الاسد وفي حال الخساره أنت من يتحمل وحدك الخساره

الله يوفقنا واياك

حياك اخوى الصناديق انواع اسهم محليه او اسيويه او عالميه وتعتبر مخاطره قريبه من خطره
وفيه صناديق عقاريه ثقيله لكن بطيئه بالارتفاع
وفيه صناديق عملات وكل شي وله نوع وسعر وفيه صناديق مقفله لمده سنوات معينه

نبدا بالصناديق المنتشره عندنا والغالبه بالسوق الاسهم وهى اشتراك من اى فرع بنك او شركه اسهم مثل فالكم وغيرها طبعا لهم اتعاب مبدائيه مثلا اول الاشتراك نسبه او مبلغ مقطوع مره فقط وهو حول 1500 ريال
ترى معلوماتى من سنوات ممكن زاد او نقص الاشتراك

2 == التقيم اسبوعى الغالب فيهم يعنى انت شريت الوحده بعشره ريال تشوف بعد كم شهر اذا زاد ربع ريال وانت عندك 5000 وحده يعنى الاجمالى المبلغ المشترك فيه 50 الف لو زاد ربع مثل ماقلت لك مربحك حول 1500 ريال تقريبا وهكذا واذا زادت ريال يعنى الوحده 11 ريال = مربحك 5 الف وهذا شويه ترتفع وخاصه الاسهم صايره ثقيله وترى التقيم الغالب يوم الاربعاء ادخل سوق تدوال السعودى قسم الصناديق وتحصل كم ارتفع وكم كان السعر الاصلى لكل صندوق اتمنى لك التوفيق وان شالله انى شرحت زين لانى مستعجل و اى شي تبيه بالاسهم او صناديق انا حاضر واشرحه لك

ازهلها .. مشكور ع النصيحه أخوي

..

سنباع .. بيض الله وجهك أخوي كلام شافي وافي .. لك مني كل الاحترام أخوي ..

والله استثمار بطاقات سوا ربح لو مع واحد امين

[align=center]
الصناديق الاستثماريه جيده لا بأس بها

لكن اذا دخلتها انسها مثلاا

بعد عشر سنوات رح شف وش صار عليها اما كل اسبوع تدخل النت او تدور كم كان سعرها ما اتوقع بتكون مفيده

انا مشترك في صندوق استثماري في بنك ساب بمبلغ 7500

والله ثم والله ما قد سالت بكم وصلت الوحده لاني حاطها وحاط في بالي انها مو لي هذا لولدي تركي اذا كبر وبغاء يتزوج بطلعها له سواء خسرت فيها او كسبت فيها بس حاط في بالي انها بتكون فتره طويله يمكن فوق العشرين سنه

طبعااا هذا مبلغ بسيط وحطيته زي الى يقول فلوس ومدري وين راحت


بالتوفيق يالغالي
[/align]