مشروع خاص للجنس الناعم في شهر رمضان

عزوبي ومتزوج · #1 (**permalink**) 11-07-2011, 04:29 AM

السلام عليكم ورحمة الله وبركاته

اخواني واخواتي

اليوم جايب لكم مشروع خاص بالنساء الطباخات اللي طبختها ودك تاكل اصابعك وراها هع

المووهم الفكره خاصه بشهر رمضان

نبدا بالفكره والله مدري من وين ابدا لاكن بقول لكم

الفكره كلكم عارفين ان فيه شقق عزاب وفي شهر رمضان يبلشون بالفطور

فانا اقترح فكره على بنات حواء اللي عندها اخوها او عندها سائق خاص

ماعليها الا تمر على شقق العزاب وتحط لها اعلان مكتوب فيه (نحنوا نخدمك في افطارك وتحط رقم اخوها للتواصل )

والشغله ماهي مكلفه ماعليك الا تجهزي الفطور كل مغرب قبل الاذان بربع ساعه يكون عند باب شقة العزوبيه

وتكاليف الشغله هي حافظة 4 اطباق وحده تحطين فيها شوربه والثانيه مكرونه والثالثه ايدام ان وجد والرابعه سمبوسه عاد اذا متشرطين فيه اشياء اخرى على حسب الاتفاق معهم

واهم شي تاخذين ثلاجتين خاصه لهم وحده للقهوه ووحده للشاي وبعد العشاء يروح السائق وياخذ من عندهم االحافظات والثلاجات عشان من البكره تحضرين لهم فيها

الاطباق مثل هذي اللي بالصوره او النوع اللي تجي فوق بعض

يلا شدوا الهمه

واللي من حفر الباطن قريبه من الذيبيه انا مستعد اساعدها بالبحث عن عزوبيه يتعاملون معها

واللي من الجبيل الصناعيه انا مستعد اساعدها بالبحث عن عزوبيه يتعاملون معها

واللي من تبوك انا مستعد اساعدها بالبحث عن عزوبيه يتعاملون معها

على كل تعامل اخذ نسبه 100 ريال وهي تتفق معهم على حسب العدد والسعر لايقل عن الف ريال لمدة 30 يوم او لمدة 28 يوم حسب الاتفاق

محاسبـ · #2 (**permalink**) 11-07-2011, 04:33 AM

اجل عزابيه يشترون هههه
الله يخليك حنا في بلد الخير بلد الطيب والكرم والجود
لايخلو منزل أو حي بالسعودية إلا وفيه مشروع افطار صائم .........
وحتى لو مافيه العزوبيه الغير سعوديين واللي تقصدهم بموضوعك انسى انسى انسى يشترون افطار

عزوبي ومتزوج · #3 (**permalink**) 11-07-2011, 04:41 AM

اقتباس:

المشاركة الأصلية كتبت بواسطة محمّد

اجل عزابيه يشترون هههه
الله يخليك حنا في بلد الخير بلد الطيب والكرم والجود
لايخلو منزل أو حي بالسعودية إلا وفيه مشروع افطار صائم .........
وحتى لو مافيه العزوبيه الغير سعوديين واللي تقصدهم بموضوعك انسى انسى انسى يشترون افطار

اخوي انا مانزلت هالمووضوع الا بعد ماناقشة العزابيه فيه

وخاصه انهم الليله كلهم متجمعين عندنا في المدينه لان عندنا مناسبه يوم الاربعاء وقبل قليل

كنا نتكلم عن الافطار في رمضان وفيه واحد قال العام كنا متعاملين مع وحده ب 1200 ريال وكانوا اخوانها يجيبون الفطور لنا كل يوم

وقلت لهم انا اقدر اساعدكم بالبحث عن حريم يتعاملون معكم بالفطور وكلهم قالوا تم

صدقني انا عششت العزوبيه وعرفت طعم رمضان بدون اهل اقسسسم بالله عيشه مدري كيف والمطاعم ياربي لك الحمد بس اكلهم كله زيوت

وان رحت للوجبات افطار صائم الحمدلله متوفره في كل مكان بس ماهي مثل ماتبي

واكثر وجبات افطار الصائم زبادي +دقه + شريك

وبعد التراويح الله يعينك تروح تدور مطعم تتعشى فيه

ولاكن انا اشوف هالفكره ناجحه 100%

عباادي العاطل · #4 (**permalink**) 11-07-2011, 04:52 AM

صدقت اخوي متزوج انا عزوبي وارغب باكل البيت احسسسن من اكل الفطور الخيري

اخت دحومي · #5 (**permalink**) 11-07-2011, 05:59 AM

والله الفكرة حلوه اكيد هي طابخه طابخه لعائلتها بس لو قريبين من بيتها احسن عشان التوصيل

قهوةتركي · #6 (**permalink**) 11-07-2011, 08:05 AM

يعطيك العافية على الفكرة الرائعه..انا بدأت فيها استفدت من موضوعك بخصوص الشقق ..انا في جدة وبحاول ادور جنبنا ..اللي يعرف عزاب في الصفا 1 يبلغني لوسمح..

تسويقار · #7 (**permalink**) 11-07-2011, 12:48 PM

اقتباس:

المشاركة الأصلية كتبت بواسطة محمّد

اجل عزابيه يشترون هههه
الله يخليك حنا في بلد الخير بلد الطيب والكرم والجود
لايخلو منزل أو حي بالسعودية إلا وفيه مشروع افطار صائم .........
وحتى لو مافيه العزوبيه الغير سعوديين واللي تقصدهم بموضوعك انسى انسى انسى يشترون افطار

لا حمووودي ..

السعودي ما راح يجلس بمشروع افطار صائم مع العمال والبنقاليه ...

والدليل وانا اخوك شوف المطاعم فترة العصر والسمبوسه كيف شغالين فيها ...

يا رجال من بعد صلاة العصر تلاقي الشوارع في حالة استنفار قصوى وكأنه مافي مطابخ بالبيوت

نقاط مهمه للعمل بهذا المشروع :

1 / الاهتمام بالنظافه .

2 / الطعم المتميز .

3 / وهو الاهم : تحديد نوعية الوجبات المقدمه ...

يعني لا تفتح المجال قدام الشباب باختيار الوجبات على كيفهم ...

لانها بكذا راح تشتت نفسها باطباق كثيرة ومنوعه وما راح تلحق الوقت ... لان كل واحد بيطلب ع مزاجه

لو نتخيل شقة فيها اربعه عزاب وكل واحد له طلب مختلف عن الثاني .. ايش بيكون حالها ؟؟؟

وتخيل لو عندها اكثر من شقة واكثر من عميل ؟؟؟ بتشد بشعرها وتنهار

المفروض تحدد كل يوم وجبه : وتكون الوجبه مكونه من ثلاثة الي اربعه انواع

ومن بكرا وجبة مختلفه عشان تغير شوي وما يكون فيه ملل .. وهكذا ......

4 / الاهتمام بتزيين الاطباق ...

كلما كان الطبق طالع كشخة ومرتب ومغلف صح .. تأكدوا ان الشباب راح يجيبون شباب اخرين ...

عبدالرزاق السعيد · #8 (**permalink**) 11-07-2011, 12:51 PM

شكرا لك

فكرتك رائعة

ويمكن ان يستفيد منها الكثيرين

بشرط : الطبخ الطيب والسعر المناسب

والعزابية يمكن ان يقوموا هم بالتوصيل
لانهم عندهم فراغ ولتقليل التكاليف

تقبل شكري

AL Shemali · #9 (**permalink**) 11-07-2011, 01:36 PM

مشاريع تفطير الصائمين
والله ماقد شفت سعودي فيها
إلا الأخوان المتبرعين و المتطوعين للعمل

أما سعودي يجي يفطر فما في أمل ..

وهالمشروع تقريبا نفسه ذكرته لأحد الأخوات في أحد ردودي
والله انه مكسب ذهب ذهب
ياكل اكل بيت نظيف وحلو
بدل ماياكل من تخبيص الهنود الله يكرم النعمة ..

ومو بس العزوبية
واجد االرجال اللي متزوجين من حريم ماتعرف تصلح شاهي .

وانواع كثيرة من الناس ممكن تشتري منهم ...