السلام عليكم

راح اتكلم في هذا الموضوع عن المقابله الثانيه في شركة اكسترا زين... بعد ما تكلمنا عن طريقة التقديم و عن المقابله الأولى اللي كانت تحت عنوان "بدء التقديم على وظيفة بائع في شركة زين" على هذا الرابط:
http://btalah.com/showthread.php?t=31598

و للتذكير بطريقة التقديم على شركة اكسترا زين هي عن طريق إما برنامج عبداللطيف جميل أو عن طريق مركز الحلول الممتازه أو بشكل مباشر من دون أي وسيط... أو يمكن فيه طريق ثانيه ما عندي علم فيها!

اللحين نجي للمقابلات في شركة اكسترا زين.. المقابله الاولى قد بدت على مستوى المملكه من تقريبا شهر وانتهت (قبل العيد)..

و جا وقت المقابله الثانيهاللي قد بدت هالاسبوع.. واللي قسموهم ل مجموعتين.. المجموعه الاولى للحين ما بعد انتهو منهم.. اذا انتهو منهم راح يجي دور المجموعه الثانيه اللي راح يتصلون عليهم قبل نهاية هالاسبوع حسب الضغط والظروف.. وانا اسمي مسجل مع المجموعه الثانيه..

نصايح:
- قبل لا تطلع للمقابله الثانيه جمع معلومات عن شركة اكسترا زين (يعني مثلا متى بدأت شركة زين؟ وش كان اسم الشركه قبل زين؟ في كم دوله هي موجوده؟ وش مجال هالشركه؟ وش اهدافها المستقبليه؟ و من هالملومات...)

- اذا سيرتك الذاتيه مو واقعيه؟ غيرها و عدل عليها علشان تصير واقعيه (يعني لا تحط معلومات غلط أو صفات مو موجوده فيك أو نقاط انت منت فاهمها و يمكن ما قريتها!!!!! و من هالأمور) لانهم راح يدققون في سيرتك الذاتيه و يمكن يسألونك عن كل نقطه فيها...

- خذ معاك وانت رايح سيرتك الذاتيه... لا تقول انا أعطيتهم سيرتي الذاتيه في المره الأولى لانهم راح يطلبونها منك...

- خلي مظهرك مرتب و نظيف واكشخ... لانهم راح يدققون على المظهر و أي واحد تشوفه مو مرتب أو مو نظيف جنبك هذا اعرف انه ما راح ينجح في المقابله...

- خلك واثق من نفسك... و هم راح يختبرون مهاراتك في الكلام والاقناع...

- راح يطلبون منك انك على الأقل تتكلم عن نفسك بالانقليزي (يعني اسمك, عمرك و من هالمعلومات الشخصيه) أما اذا كان يمديك تتكلم بالانقليزي من أول المقابله الى آخرها هذا أفضل طبعا...

هذي هي أهم الأشياء اللي ركزو عليها و لا تنسون التوكل على الله تعالى قبل كل شي...

مبروك للي نجحو في المقابله الثانيه (المجموعه الاولى)
و بالتوفيق ان شاء الله للي توهم ما طلعو للمقابله الثانيه

أخوكم/ تركي