الاخ تركي اللي عنده رغبه يقدم على زين بالرياض وفاته التقديم الاول وين يروح بالضبط اتمنى افادتي

للمقابله الشخصيه كانت خفيفه و حلوه و لله الحمد

اللي كانت اليوم الموافق 2008-1-8 الساعه 02:15 الظهر في فندق Radisson SAS اللي قدام وزارة الدفاع والطيران قبل الجميح للسيارات

الدور الرابع (اتبع الإرشادات)

مدة المقابله كانت 10 الى 20 دقيقه

اللي أجرى معي المقابله اثنين من الاخوه السعوديين

المقابله كانت حول شهاداتك؟
خبراتك؟
هل تعرف وش الوظيفه اللي انت مقدم لها؟
هل عندك خلفيه عن وظيفة البائع؟ (اللي هي الوظيفه اللي كانت المقابله بخصوصها مو مشرف المبيعات!)
هل راح تتركنا في حال جاك عرض أفضل من جهه ثانيه من الجهات اللي انت مقدم عليها و تنتظر الرد منهم؟
هل تشوف انك ممكن تتكيف مع هالوظيفه؟ و تنتج فيها؟
هل تعرف كم راح يكون راتبك؟
كبف لغتك الانقليزيه؟
هل عندك سياره؟
و غيرها من هالأسئله الخفيفه

ملاحظات:

- الوظيفه اللي انا سويت المقابله بخصوصها هي بائع و حسب تأكيدهم لي في المقابله! لانه انا قدمت عليهم عن طريق جهتين... الجهه الأولى هم برنامج عبداللطيف جميل اللي هي لوظيفة بائع... و الجهه الثاني هي مركز الحلول الممتازه اللي هي لوظيفة مشرف مبيعات...

- الراتب ممكن يكون 5000 ريال أو أقل أو أكثر هذا كله راح يتأكد بعدين... و وبالتأكيد + العموله و البدلات

- اللي ما عنده أي خبرات راح يعطونه دورات إلا اذا قد اخذ دورات تساعده في مجال المبيعات!

- اللي ما عنده أي خبرات ما راح يحطونه كمشرف مبيعات! صعبه لافتقار المتقدم للخبرات... يعني راح يحطونك كبائع و اذا أثبت نفسك واجتهدت راح تكون مشرف مبيعات مستقبلاً ان شاء الله

- لازم تكون اجتماعي أو قابليه لانك تكون اجتماعي علشان التواصل المباشر مع الزباين والعملاء!

- وظيفة البائع راح تكون وظيفه مكتبيه مثل اللي في موبايلي اذا طلعت لهم تبي تستخرج مثلاً شريحه جديده مو تروح للموظف اللي على المكتب علشان يساعدك؟ هي نفسها

- المقابله كانت في الغالب بالانقليزي يوم عرفو ان المتقدم كان مقيم لسنوات كثيره في بريطانيا لاختبار اللغه... أما في الأول طلبو مني أتكلم لو بس عن نفسي بالانقليزي قبل ما ينتبهون لنقطة بريطانيا...

- السيره الذاتيه و صور الشهادات احتفظو بها في آخر المقابله

- المقابله كان فيها الجد و الضحك يعني خفيفه و مسليه و ما تخوف!

هذا اللي عندي اللحين و علشان وقت الغدا

و أي استفسارات انا موجود

موفق اخوي تركي

انا توني طالع من الاختبار

والله كان اختبارهم لحســة مخ شوي
المهم اننا قدمنا الللي علينا والباقي عند رب العالمين


ادعولي بالتوفيق
محتاج لدعائكم والله يوفقني واياكم

الله يوفقكم يارب ..


أخواني أنا قدمت عن طريق برنامج عبد اللطيف جميل الأسبوع اللي فات بالرياض وسوو لي مقابلة بالمركز وقالوا انتظر منا اتصال بعد فترة والا اللحين ما حصل شئ ودي أعرف هل باقي مجموعة ثانية ولا لا ؟؟؟


أتمنى أحد يفيدني ......والى الأمام .

بالتوفيق اخوي

تركي اليوم اختبرت غي العالميه متى المقابله بتكون ياعسل

بالتوفيق اخوي تركي ..

وهل قالو لك متى رح يكون الرد؟