مرحبا اخباركم شباب ان شاء الله تمام ؟...





بصراحة يا جماعة انا توني متخرج من الجامعة تخصص ادارة أعمال جامعة الملك فيصل و محتار وش اسوي هل اقدم على وظيفة و لا اكمل دراستي !!!

وعندي كم سؤال و اتمنى انكم تجاوبون كل سؤال بالتفصيل الممل عشان توصل الفكرة ...







نبدآآآ::

س1/ لو أني قدمت على وظيفة و طلبو مني السيرة الذاتية بس المشكلة اني ما عندي لا دورات ولا شهادات غير شهادة الجامعة .. فحاب أخلي سيرتي الذاتية ثرية وش ممكن اشارك في دورات مثل ايش .. ابي اكثر شي يطلبونة الشركات هل شهادة في التصوير الفتوغرافي ولا مثلا دورة في ادارة الوقت ولا ايش .. ابي تعطوني أهم الدورات يعني عددوهم طبعا أقصد الي مطلوبة بقوة ..




س2/ في حالة اني كملت دراستي هل يفرق الراتب كثير بين حامل البكالوريوس و الماجستير بالنسبة لادارة الأعمال .. اتمنى انكم تقولون كم رواتبهم يعني لو مثلا الي معاة بكالوريوس راتبة 4000 كم يكون راتب الماجستير و اذا راتب البكالوريوس 5000 كم يكون راتب حامل الماجستير و كذا ...
و هل يفرق واجد بين البكالوريوس و الماجستير من ناحية الراتب..؟؟




س3/ لو كانت بيدي الوظيفة و اكمال الدراسة اياهم اختار؟؟ .. لازم تختارون من خبرتكم لا تقولون على كيفك ..










وشآآآآآآكر ومقدر اجاباتكم الي بتجي

الراتب مافي شي محدد ممكن تكون عندك شهادة دكتوراة وشركة تعرض عليك الفين وشركة تعرض عليك ثلاثين الف

يعني هذا امر يتبع تصنيف وسلم الرواتب الخاص بأي شركة

ثانياً بالنسبة للعمل ام الدراسة فهو شي ينبع من رغبتك الخاصة؟ لكن عن خبرة شخصية بما اني عندي ماجستير فأنا اقولك ايام ماكنت فقط ببكالريوس كانت العروض الي تجيني اكثر وكان الحصول على وظيفة اسهل .. الحين نص العالم تقولي فوق المطلوب..

فلو لقيت لك وظيفة توكل على الله وان شفت نفسك ميال للدراسة كمل

انصحك تقدم على الشركات الموضحه بتوقيعي ..

الله يوفقك ..

اولا مبروك التخرج
ثانياً كوجهة نظر لك انك تاخذها او تتركها على راحتك...اعتقد ان الافضل لك تبحث عن وظيفة افضل من انك تكمل ماستر لان اغلب الشركات تبحث عن الخبرة يعني ايش يفيد ماستر ومامعك خبرة كذا تفكيرهم.وبعد اذا حاب تاخذ ماستر ادارة اعمال ترى صعب القبول لان الناس هابة فية ففيه تنافسية كبيرة اذا معدلك مو مرتفع ولامعاك واسطة احس صعبة.
بماانك خريج جديد ابداً لاتنحرج انك تقدم السي في من دون دورات عادي اهم شي قدم بكل مكان وخذ دورات وكل ماخذيت دورة رح وحدث السي في حقتك في الاماكن اللي قدمة عليها.توظف باي وظيفة ولو بارت تايم اهم شي ماتروح عليك الايام وانت قاعدعشان اذا جو يعملون لك مقابلة مايقولون ليش جلست من دون وظيفة راح يحسون ان فيك تكاسل وبعد حتى تجمع فلوس لدورات.
الدورة الاهم في سوق العمل ولتخصصك بالذات هي الانجلش .وبعد في دورات خاصة للادارة الاعمال بس صراحة ناسية اسمها حاول تبحث عنها.فيه اماكن تقدم دورات قصيرة (ادارة الوقت-والتطوير الوظيفي-دورات تطوير الذات)مجانا مثل اكاديمية العثيم ويمكن فيه اماكن غيرها.اذا الله رزقك بالوظيفة اللي تتمناها وثبت وضعك ممكن تطلب من عملك تفرغ وتدرس ماستر او تاخذ ماستر موازي او ابتعاث خارجي.
وبماانك من جامعة فيصل فحتمال انك تكون من سكان المنطقة الشرقية وعندكم شركات ماشاء الله مثل سابك ارامكو-حديد وغيرها بعد قدم على البنوك بس الغير ربوية والهيئات مثل هيئة سوق المال وهيئة الاستثمار-هيئةالسياحة -هيئةالاتصالات- قدم على المستشفيات مثل الحرس والعسكري .
وضع السيفي تبعك بمواقع التوظيف
مثل بيت دو ت كم وغيرها .
انت طلبت اننا نجاوبك بناء على خبرتنا وانا جاوبتك بناء على الشي اللي لو الزمن رجع فيني كان سويته
موفق باذن الله.

مشكورين يا شباب و ما قصرتوووو يا..
لا للعطالة و خريج ثانوي و إباء و الله يقدرني و أرد جميلكم .





و ننتظر باقي الردود

up up