انا ضد الحجز اول شي الولد ما يعرف مستفبله هو كيف والبنت كذالك وفيه حاجه غافلين عنها الي هي جواز الاقارب بنت عمي بنت خالي واكيد لاحضناء الي متجوزين من الاقارب عيالهم كيف مهو شرط يكون معوق احيان يكون الولد في البدايه سليم وبعد كم سنه تبدا عليه الاثار ضعف في القلب او سكر او خباله والخباله منتشره شوف واحد متجوز من بعيد وواحد من قريب وقارن بين عيالهم وحكم بنفسك وشكرا علئ الموضوع الجميل

هذي ماهي من عاداتنا وتقاليدنا هذي اخطاء مجتمعنا العادات بريئة من الحجز لانه ظلم

و عليكم السلام و رحمة الله و بركاته

من وجهة نظري الشخصية .... في النهاية كل شيء قسمة و نصيب
و الأفصل إننا لابد نفكر في عواقب الأمور
خلنا نفرض إن البنت ما تبغى هالشاب اللي هو قريبها و خلنا نقول العكس إن هالشاب ما يبغى قريبته
و زوجوهم غصب عنهم وش بتكون النتائج ... تبون تعرفونها
راح تعرفونها في البلاك بيري و الشات و المحاكم و دوم نسمع هالعذر اللي نسمعه كثير ... أبغى أنتقم من ... و أبغى أنتقم من لأنهم زوجوني غصب عني ... و آخر حاله ... كانت لزوجه " فتاة " صغيره بالسن عمرها 18 سنة ما فيها عيب ولا فيها أي شيء سبحان من خلقها لكن المشكلة في زوجها لأنه ما يحبها ما كمل زواجهم 6 أشهر و إلا و الرجال يخونها ... طيب ليش
لأنه يحب فلانه من العائلة لكن اهله زوجوه هالمسكينة اللي مالها ذنب غصب عنه و هذي حاله حقيقية

و خلنا نقول إنه مو شرط الخيانه لكن الحياة راح تكون كلها كآبه و مشاكل زوجية على اتفه الأسباب و الضحية الأطفال و في النهاية محاكم و ضرب و طلاق و خلع
ولا حول ولاقوة إلا بالله العلي العظيم


و الي أعرفه و الله أعلم إن الفتاة في الشرع و الله تعالى أعلم يحق لها أن ترفض قبل بلوغ الـ 20 بحكم إنها صغيره و بعد سن الـ 20 مره ترفض و مرا يحق للأهل الرفض أو القبول و لكن بعد سن الـ 30 غالب الأمر أن توافق على من يتقدم لها إن كان ذو دين و أخلاق من دون ان تشترط عليه كالفتاة الصغيرة


و الله تعالى اعلم

أرجوا من الله تعالى أن تكون مشاركتي مفيدة

ضد / والله يعطيك العافيه الموضوع اذكر طرح من قبل
لكن مايمنع نشارك تغيير جو من سالفة جدارة

السلام عليكم ورحمة الله وبركاته

كنت أول لما اسولف مع صاحباتي من مختلف القبائل , أسمع إن عندهم نظام الحجز وكذا .

فأقول (الحمد الله ) ان احنا ما عندنا هالعادة

أكيد (ضد)

تذكرت وحدة متبهذلة مع ولد عمها , زوجها وهم عارفين أن اخلاقة منتهية

إيش يقول أبوها : دقيقنا في .. , مدري ثوبنا (المهم هذيك المقوله الخايسة حقت هالمجتمع )

والبنت زين بس ما تنتحر ..

يا سلام ... وليه يوم تاخذه بوساخته وسكرة واخلاقة الخايسة ! ليه هي اللي تتحمل كل هذا

إن شاء الله فيه أمل بالمجتمع

وقال إيش قطار الزواج وما قطار .. الحين فيه بنات ما عاد تفرق معاهن القعدة بلا زواج من اللي شافوه في بيوتهم ومجتمعهم .

رحماك يا الله .