السلام عليكم ورحمة الله وبركاته

صباحكم / مسائكم رحمة ورضاء

اخواني انا عندي راس مال تقريبا 5000 الاف ريال وودي بفكرة حلوة ويكون مكسبها حلو يعني تصريفها علي لاني املك اسلوب حلو وماعندي مانع الف بين المدن انا فكرت اشتري من حقين الجمله عطور او العاب او خردوات وبسعر جمله واتكسب فيها وابي افكاركم او احد جربها يقولي كيف يفيدني ولكم جزيل الشكر



لاتبخلون علي بافكاركم وارائكم بحاجتها

[align=center]
اهلين اخوي مجودي

الله يوفقك يارب ويرزقك الرزق الحلال


عندي لك فكره مدام رأس مالك قليل

تبغاء نصيحة اخوك

سوق التمر اشتر من القصيم

وعلى جده او على الشرقيه او دول الخليج اذا كانت عندك امكانيه

ترى سوق التمر بتحصل منه ذهب

سوق التمر في القصيم تقريبااا راح يبداء بأذن الله مع اخر شهر شعبان او مع بداية رمضان

كل الى عليك تشتري تمر نوع محدد مثل سكري

وتطمر فيه للكويت وبدقيقتين تبيعه وترجع طبعااا مصاريف االروحه والجيه حطها في بالك

بس حط في بالك كمان انك ترجع ثاني يوم للسوق وتشتري وتروح اي مكان تبيعه

وترى سوق التمر ما يطول يمكن في الغالب شهرين بالكثير


بالتوفيق يالغالي


[/align]

الله يوفقك
اذا ما عتدك محل تعرض فيه بضاعتك من الخردوات لا تغامر
لان الخردوات اشيائها كثيرة ومتناثره يبلها طريقة عرض مرتبه وفي محل منظم

وعليكم السلام ورحمة الله وبركاته



هلا اخوي


لو تشوف موضوع العطور اعتقد انه مشروع ناجح

عطور التعبئة وصناعة اللوشنات ..اطلع عليه خذ فكرة


والله يرزقك

اهلين منورين اخواني ربي يسعدكم ويحميكم


اخوي الثليماء التمور صعبه خصوصا اني جربتها قبل كذا ومامشت معاي افكر بالعطور الصغيرة الي تجي على شكل هدايا اشكالها روعه وتصريفها سهل اي احد يقدر ياخذها


اخوي امل فاشل ادري ان الخردوات صعبه وبتتعبني وافكر ابعد عنها

اخوي سرقتو طموحي هذا الي افكر فيه ولو القى احد يدلني على هذا الطريق بنفس فكرتي بعين خير خصوصا اني انسان راعي كرف وتعب

كل شئ بينجح معاك اذا انت كريف لكن ارجع لموضوع اخونا دماغ راح تستفيد منه كثير وهو مثبت في اول قسم المشاريع
والله يسهل لك ويبارك لك برزقك

اهلين اختي سرقتو طموحي ..

اوك بشوف الموضوع انا وبنفس الوقت لو القى احد يعرف مسوال جمله يدلني عليه بس اهم شي انه يخاف الله

وابي موضوع خاص بهذا الشي اذا احد يعرف

اهلين اخوي وئام الشمال نورت وانشالله الحين بشيك على الموضوع