بسم الله الرحمن الرحيم ...

السلام عليكم ورحمة الله وبركاته ....

تعرفون حاجه بالدنيا اسمها ثلاجه ؟؟ << لا يا شيييييخ !!!! بالمره ما يعرفونها

جد يا اخوان ويا اخوات

الثلاجة العادية اللي في بيوتنا هذي صورتها :







بقولكم على سر خطير جــــــدا يكمن داخل هذه الثلاجه المحندئــه ... وممكن تربحوا من وراها الاف الريالات ...

اولا :

رأس المال المطلوب :

من 3000 ريال فما فوق وانت وشطارتك << اعرف انو فيه كم واحد احبط من هالكلام تاااابع القراءة لا تهتم ولا تتوقف

المخاطر من الاستثمار :

صفر % .. لا يوجد اي مخاطر ....

جنس المستثمر :

رجــــــــال / نســـــــــــاء

الفكــــــرة .....

كلنا نعرف ثلاجات كلفيناتور .. و LG وما اعرف ايش كمان ...

طبعا هذي شركات عالميه لها وكلاء هنا بالسعودية .. مثل الجفالي و الناغي وكثير شركات

الثلاجات هذي تجي من المصانع والشركات الام في الخارج ...

والوكلاء هنا عليهم التوزيع والبيع والصيانة ....

المصنع دوما يرسل كميات كبيرة جدا للوكيل ... وطبعا مثل هذه الاجهزة يتم شحنها عن طريق البحر ...

لما توصل الميناء .. يتم استخراجها من الكونتينر او الحاويه ... ومثل هالاجهزة ما يخرجها عمال تحميل

بل يتم استخراجها عن طريق الرافعة ... اللي هي هذي :






والرافعه هذي عـــــــادة تسوي مصيبة ... وانتبهوا هنــــــــــــــــــــــــا

الرافعه في بعض المرات تضرب الثلاجة بدون قصد من سواق الرافعه ... ويسبب عاهه بالثلاجة

لكنها عاهه خفيفة جدا لان كرتون الثلاجة يحمي جسمها من الخدوش لكن يسبب لها طعج بالبودي او عفطه او اللي تسمونها

او ممكن تسبب لها خدش او فتحه بالبودي

وكمان ممكن تصاب الثلاجة اثناء تحميلها من مستودع الوكيل وهي رايحه لموزع او رايحة منطقة اخرى


هنا الوكيل لا يمكنه بيع الثلاجة المضروبه لانها معيوبه واحنا ما نشتري شي فيه عيب ..

وكمان الوكيل ماعنده الا صيانه للاعطال الميكانيكية والكهربائية للثلاجه لكن ماعنده فريق يسمكر الثلاجات ...

وبنفس الوقت ما يقدر يرجعها للمصنع الام في كوريا او امريكا مثلا ...

لان الثلاجه وصلت السعودية بمواصفات سعودية ولو رجعناها ما راح تمشي بكوريا وامريكا لان مواصفاتهم غير مواصفاتنا

اضافة الي ان لها تكلفة بأعادة شحنها و ارجاعها على الشركة الام ...

طيب ايش الحل ؟؟ وايش بيصير على الثلاجة المضروبه والمعووجه ؟؟؟

هنا الشركة الام تطلب من وكيلها التخلص فورا من الثلاجات اللي فيها عيب .. بأي سعر ...

لانه لو رجعها للمصنع .. فالمصنع راح يتلفها او يحرقها ..لانها ما راح تمشي .. ولو عدلها وصلحها ورجعها السعودية بيكون تكلفة عاليه وبيرتفع سعرها

فـــ يا وكيل بيع الثلاجات اللي فيها عيب بأي ثمن وتخلص منها ..... لكن بيع خارج نطاق معارضك وموزعينك

عادة الوكيل يبيع الثلاجة على المستخدم العادي وليس التاجر اللي يبغى يتاجر فيها ..

يبيعها عليه بناقص ممكن يصل الي 40% من قيمتها الاصليه وكل عيب له سعر

يعني لو قلنا الثلاجة قيمتها 3000 ريال وباعها بأقل 40% = 1200 ريال فرق عن سعرها الاصلي ...

انت تشتريها ... وتاخذها على سمكري سيارات يكون شغله ممتاز ويده حرير .. وتقوله عدل لي الضربه او الاصابه اللي بالثلاجة ...

بيسويها لك و لو ضحك عليك ورفع السعر بيسويها لك بــ 50 ريال ...

وبعد كذا ترجعها بالكرتون وتقفله صح .. وتوديها على محلات بيع الثلاجات ... ( الموزعين )

انزل معاه عن سعرها الاصلي وبيع وطلع ربحك وانت واقف ... وانت وشطارتك

الشــــروط :

1 / انا اقول ثلاجات .. مو شي اخررررر .. لا احد يشتري غساله

2 / الشي الاخر والاهم .. الثلاجات هذي ما راح تلاقوها معروضة بمعارض الوكلاء والموزعين

هذي بتلاقوها في مخازن الوكيل ... روح شوف مدير مبيعات الشركة وقوله ابغى ثلاجه معيوبه ابغى اشتريها

3 / لا تقول له ابغى كميه .. خذ حبه حبه وصرفها .. لانه لو عرف انك راح تتاجر فيها ما راح يبيعها عليك لانه بالنهايه هو الوكيل ومسئول عنها ...

انت اشتري وحده وبكرا اخوك وحده وبعده اخوك الثاني وهكذا .. وممكن تقوله محتاج حبتين كأقصى شي قوله وحده لبيتي والثانيه لبيت الوالد .. وهكذا استمر معاه

4 / شباب / بنات ... اشتروا الثلاجات اللي تجي من برا السعودية مو واحد يروح مصنع الجزيرة الوطني للثلاجات ويشتري منه ويسوي فيها مخاوي الذيب ؟؟

5 / لا تشتري الا اللي فيها ضربه بالبودي .. انتبه تشتري شي فيه عيب داخلي ....

كمان بعضها يجي مضروب من ورى .. لا تشتريها لان معظم الثلاجات الكمبروسر يجي بالخلف

6 / قبل عملية الشراء .. روحوا لمحلات التوزيع واعرفوا الاسعار بكم عندهم .. وبكم من الوكيل عشان تعرفوا الفرق وهامش الربح ..

7 / ممكن تواجهون مقاومة شرسة من بني شاااااام بالموضوع هذااااا ... لا تهتموا سعرك بيفرق بكل شي ...

لو ترجعون لبداية الموضوع انا كتبت : المخاطر صفر % ..

وهذا صحيح لو افترضنا خسرت ... بالتأكيد راح تبيع ثلاجتك برأس مالها ..

لانها ثلاجة ما ينزل سعرها ولا فيها تاريخ صلاحيه وبتبيع بسعر مشتراك الرخيص يعني راس مالك بيرجع

بس لا تنسون تاخذون الضمان والفاتورة من الوكيل لما تشترون منهم

ركزوا على اول نوع ثلاجة انا كتبته .. وركزوا على اول وكيل كتبت اسمه بالموضوع

بس لا تقولون تسويقار قال ؟؟ ترى مالي شغــل

ياللا انا مسافر للصين اخر الاسبوع ... ابغى ارجع الاقي الكل مشتري ع الاقل اربع ثلاجات

دعواتكم لي بالتوفيق والوصول بالسلامة