[align=center]

اقتباس:

المشاركة الأصلية كتبت بواسطة بنت ابوي07 بنات شلون اشغل هالمكينه شرينها ولا عرفنا لها والاسبوع الجاي عندنا معرض كوفي شوب شي ثاني شلون اطلب كميات فطاير ومشلتت من المخابز ومحلات الحلويات لانهم يسألوني كم الكميه واتوهق ما اعرف اجاوب المعرض مدة اسبوع كامل من 10 الصبح لين 2 الظهر مشروعنا كوفي شوب ( فطاير مشلتت + كاب كيك + سندوشات + شاي + قهوه + كابتشينو وشلتها ) انتظر ردكم

اهلين بنت ابوي
حبيت فكرة معرض كوفي شوب <<مدمنة كوووفي
وافكر اسوي بالرياض معرض مشابه بعد 6 شهور تقريبا
عطيني فكرتك واش يخدم المعرض وهل هو تابع لجامعه او مؤسسه ..؟
ويستهدف اي شريحه

اذا كنتي من الرياض اقدر افيدك بمحلات بالكميه
بس انتي سرالك الان عن الكميه المطلوبه لمدة اسبوع
اول شي راح نحسب كل يوم بيومه ماراح نطلب كميات لاسبوع كامل
وراح يعتمد على عدد الحضور
مثلا لو فرضنا راح يحضر المعرض 100 شخص
راح تطلبي لليوم الواحد \
20فطيرة مشلتت
50 كوب كيك
20ساندوتش لبنه
20 ساندوتش مرتديلا
20ساندوتش حلوم وعتر
20ساندوتش فلال
مجموع الساندوتشات 80 وطبعا حجم صغير
الشاي والقهوه امرها سهل
كل يوم 2 كرتون ليبتون شاي
و واكياس نسكافيه نفس الكميه
قهوه اذا عربيه تكون جاهزه 6 ترامس قهوه
هذي الحسوبيه ليوم فقط

اما الاله الي ارفقتي صورتها ماعند علم عنها والله حطي اسمها وموديلها في اليوتيوب يمكن تلاقي فيدوهات عن طريقة استعمالها

وبالتوفيق



[/align]

[align=center]

اقتباس:

المشاركة الأصلية كتبت بواسطة هيبة أنثى اللهم صل على محمد وآل محمد

اقتباس:

المشاركة الأصلية كتبت بواسطة هيبة أنثى السلام عليكم ورحمة الله وبركاته عندي راس مال تقريبا 4000 الاف وناويه اسوي فيهم مشروع صغير وان شاءالله يكبر مو عارفه من وين ابتدي ابغى اعرف محلات يبيعون منتجات صينيه او يابانيه المهم اسيويه يبعيون بالجمله عطوني افكار ومقترحات ورحم الله والديكم

وعليكم السلام والرحمه

ماقلتي منتجات اي نوع ؟
لو قصدك عندنا هنا ماتوقع فيه الا اذا تطلبي كميات من برا
اذا انتي من الرياض تقدري تزوري السوق الصيني مخرج 5 وتسألي اصحاب المحلات الصينين اذا يقدرو يوفرون لك بضاعه لانو فيه كذا نوع اكسسوارات وشنط وهدايا والعاب اطفال ومفارش

بس عطينا فكره عن مشروعك عشان نعطيك افكار اكثر وياليت تشوفي لينك الموقع الي ارفقته
ف افكار كثير لمشاريع متنوعه

والله يوفقك ويفتح لك ابواب رزقه من حيث لاتحتسبي


[/align]

احييكم على نشاطكم

هرم النجاح هو البدايه ورمي كل المخاوف وتجاهل المثبطين

دائما اجعلوا شعاركم لا للخلف مهما كان والى الاماااااام

ابي نصايحكم وخبرتكم تكفون
فيه كوافيره شامله عندي بتشتغل بمجهودها وانا بفلوسي من تاجير مشغل ورخصه والمعدات تقول النص بالنص يصير كذا اخاف تضحك علي ماعندي سالفه
واذا طلعت الرخصه ابيها باسم امي لازم شهاده او لا
ولو طلعت له الرخصه بس وخليته هي تستاجر وتشتغل ويكون لي مبلغ كل شهر كم بيكون واذا بالنسبه كم نسبتي مع العلم انه بيكون بمحافظه مافيها نهائي مشغل والسكان كثير

مليت ادور اسم يعني هي مو باسمك ؟؟؟

اذا مو باسمك فانتبهي لان مريت بهالشي وكل دقه بتعليمه

انصحك اذا بتشتغل عندك في مشغل تكتبين بينك وبينها عقد وانتي حددي المده اللي تبينها تشتغل معك

وحددي الشروط اللي تناسبك

مو تشتغل لين تشتهر وبعدين تطنشك وتروح لغيرك واانتي تكونين في حاجتها

وبعدين حكاية النص بالنص كثير نسبة 35 او 40 بالميه كفايه

لاتترجينها اعرضي عليها النسبه وقولي لها تو المشغل جديد وانا متكلفه فيه وكل شي عليه من اجار وكهرب وادوات وغيره

وبعدين ياقلبي مدام الوضع بمحافظتكم كذا مافيه مشاغل انتي تعلمي الاستشوار والمكياج وتنظيف البشره مو تخلينها تسوي كل شي وتتمنن عليك

لما تشوفك تسوين بتعرف انك بتتعلمين ويمكن تستغنين عنها باي وقت


وعلى فكره انتي باي منطقه ؟؟ ان صرتي حولي ساعدتك ببعض الامور المهمه

والله يرزقك ويفتح عليك ابواب الخير