21-07-2013, 04:14 AM
|
عضو متواصل
|
|
تاريخ التسجيل: Oct 2012
المشاركات: 86
معدل تقييم المستوى: 25
|
|
ياهلا ومرحبا بك اختي .. بداية تاجرة واشواق سعد
اول شي بداية تاجرة حابة اقولك شي ...
انا بين فترة وفترة تجيني عروض تصميم داخلي او معماري وما شاءالله الامور ماشية
اول عرض جاني بعد التخرج بكم شهر
جاني عرض اصمم لشركة .. جزء من مقرهم الرئيسي
طبعا الوالد قال توك ببداية مشوارك يمكن المشروع كبير عليك وصعب
والوالدة نفس الشي
انا استخرت وارتحت ووقعت معاهم عقد ...
والحمدلله طلع لي خير فيها فوق ال 20 الف ريال من ورى التصميم
طبعا المحيط انصعق وما تخيل اني واثقة من نفسي وامسك شي زي كذا وخصوصا اني توني متخرجة
وبنظرهم توني بسيطة ومالي خبرة وبفشل لا محالة
والحمدلله قدمت الشغل للشركة واعجبوا بشغلي كثير
والحين تغيرت نظرة الوالد والوالدة لي .. وصاروا يلمسون الجدية بفكري وقدراتي ..
لان سبحان الله مهما كان بيحطون لك العقبات قبل ما يطيرونك بالسما بس انتي اثبتي لزوجك ومحيطك العكس
لا تقولين احبطوك .. انتي لك كيانك ... وانتي بامكانك ما تتاثرين فيهم ...
وياهلا اختي اشواق سعد ..
والله بخصوص التوفير للمشاريع .. حاليا ما اصرف من راتبي الا الربع وهو اللي انا عايشة عليه ...
والباقي كله ادخار ما شاء الله ..
بس الموضوع سهل علي .. لان الماكل والمشرب والمسكن على الاهل ومازلت عازبة هههههههه.. فما فيه مصاريف واجد ... واحسب اتفه مصروف اصرفه ... وصراحة الادخار مثل ما يقولون اكبر استثمار ممكن نسويه ... والحمدلله ....
فالله يوفقك بادخارك ... وربي يقدرك ودايما وابدا ادعي ربك يطرح البركة بمالك .. والله لو مية ريال تاخذينها ادعي ربك تنطرح البركة فيها والصدقة ما يحتاج اوصي هالكلام بس للتذكير لان ما شاء الله بدون مبالغة كنت حاطة لي خطة توفيرية لهالعام وحاطة تقدير لكم ممكن اوفر ... وسبحان الله جاني رزق فوق راتبي ... ووفرت اكثر مما اتوقع ..
خلونا نذكر بعض بتجارب ناجحة بحياتنا ... بايجابياتنا ..
نبي نكسر قاعدة مجتمعية ليس عند الكل بس عند البعض ... اللي هي الكلام السلبي والتحبيط والتثبيط من عزم اي فرد طموح
خل كل وحده فينا تفكر بصوت عالي هنا بدون اي تردد
يمكن لو عرفنا هالاشياء عن بعضنا بنصير نعرف كيف نقترح افكار على بعض وكيف ندعم بعض
الله يوفقنا ويرزقنا من حيث لا نحتسب
|
العرض العادي
