اهليييييييين سحر أنثى..


أنا بداياتي مع الفن بصورة عامة قديمة من ايام الروضة و التمهيدي..كنت احب ارسم و تستمرين ارسم الى نهاية المتوسط..


على بداية المتوسط بديت بالرسم عالزجاج..الى حول الثانوية!..و باخر الثانوي بديت فالتطريز و شغل الاكسسوارات بصورة عامة!

و بعدما تخرجت من الكلية اتجهت الى الشنط و تصميمها...

********>مابقى شي ما جربته

كنت أتعامل مع واحد فالمنطقة اللي أنا فيها و يسوي لي الشنط و الأحزمة..بس لاحظت من تجربة شخصية ان الشنط

ما تتحمل الاستخدام الكثير ففكرت بالمصانع و دورت عن طريق النت و أخذت وقت كثير لما لقيت الشي اللي أنا مقتنعة فيه

من حيث الشغل و الجودة..و بنفس الوقت ما يشترطون كمية مهولة..صحيح السعر شوي غالي لكن لان مثل ماهو

معروف اذا زدتي الطلب ليطلع السعر انسب و أنا مااقدر اطلب كمية كبيرة و أنا توني فالبداية!

البحث بين المصانع عالنت و غيره استغرق مني حول ثلاث شهور و التفاهم مع المصنع اللي اخترته حول شهر و التفاوض

معه ..و الطلب الاولي مع التعديل عليه حول شهر...و اتوقع الطلب الثاني مع التفاهم معهم حول شهر!

طبعا لازم اللغة الانجليزية تكون جيدة مع العلم ان التفاهم بيكون زي التفاهم مع الاصم!

يعني تعيدين المعلومة اكثر من مرة و تتاكدين انهم فاهمين...

اضرب لك مثل...

مثلا ارسل لهم رسالة فيها اطلب حجم الشنطة قياس معين و مثلا ارسل له صورة توضح اللون اللي ابيه و أني أبغى سير

ذهبي و جيب خلفي مع سحاب ...

و يرجع يسألني عن السحاب و اللون واطلب أنا مثلا اضافة رجل صغيرة فالشنطة


بعدين ارجع اذكر له كل الامور اللي ذكرتها بالاضافة الى الأرجل اللي ذكرتها فالأخير!

و تشوفين الطلب و تلقين الشنطة فيها اشياء مابغيتيها و اللون حق البطانة مختلف و خامة الجلد عكس ما طلبتي!

يعني اربط راسك و تفاهم و طول بالك كثيييير!


اتمنى افدتك و اذا عندك اي استفسار حاضرة!

توني انتبه لاستفسارراتك الثانية معليش اعذريني! (:


اول شي طلبت عينات عشان أشوف تشطيبهم و موادهم..قلت لهم يصورون العينات و بعدين طلبت تعديلات..العينات غالية..ممكن تكلفك

٣ شنط حدود الف ريال..بس اعتقد ضروري العينات مش تطلبين مئة حبة و تنصدمين من الجودة..

و بعدين الطلب الكبير قدرت أقنعهم بحدود ٥٠ ينطو...بعض المصانع ما تقبل اقل من ٢٠٠ او ٥٠٠ شنطة !..خصوصا أني طالبة تصميم خاص

فيني مش من موديلاتهم...اصلا بعضهم يرفض يسوي لك تصاميمك..

طبعا لان العدد اللي اطلبه يعتبر نوعا ما قليل..فالسعر يعتبر غالي بالنسبة لشغل مصنع..لان كلما طلبتي اكثر صار السعر انسب و العكس

صحيح!..

ممكن ٥٠ شنطة تكلف ما لا يقل عن ٥٠٠٠ ريال..طبعا تتفاوت الأحجام بين صغير و كبير و الأسعار ممكن تزيد او تنقص حسب المواد و الأحجام...و طبعا لان الشنط حسب الطلب تكون اتوقع أغلى من الموديلات الجاهزة عندهم...

التصريف بيكون عن طريق محل أنا متفقة معاه...ان شالله ما يكون استجد شي لأني تأخرت بسبب البحث و التقصي!

و حاطة فبالي بدور محل في مجمع ثاني..بالاضافة الى النت و الفيسبوك و البلاك بيري..

و الله يوفق الجميع!

صراحه انا من الناس الي تجيني فكرة العمل واتحمس
بس مدرى يجيني احباط بسرعه واتراجع فكرت اطبخ وابيع بس ترددت
خفت من الناس واذواقهم وانتقاداهم نويت ادخل مجال التصميم وصممت واستغلوني لا قدرو قيمة عملي ولا تعبي
نفسي بمشروع اشغل وقتي فيه ويكبر شوى شوي ويصير مصدر دخل اضافي لي
بس ماني لا قيه احد يشجعني ويكون بجنبي مشكلتنا الخوف من الفشل

تسلميييين سحر أنثى....كلك ذوق!!!

على فكرة أنا فالبدايات زي باقي البنات حالي حالكم!

بخصوص بيع التصاميم ما عندي و الله خلفية!...بس اذا تعتقدين انها ممكن تنجح ليه ما تخلينهم يسوون لك إياها؟

*الله يوفقنا بمشاريعنا ان شالله!

اعجبنتي حكاية المصانع
بس عندي سؤال
هذي المصانع اللي تقصدونها بالسعودية ولا برا
بس والله سعرها غالي جدا جدا جدا وخصوصا للمبتدئات
يعني خسارة لو شغلها مامشي بالسوق