السلام عليكم ورحمة الله وبركاته

ماشاء الله حمستوني يابنات

انا بسراحه بعد الفشل الذريع في عدم ترشيحي بالقطاع التعليمي

بديت افكر جديا اتلاحق عمري 4 سنوات وداخلة الـ 5 بطاله

بديت مشروع مقصف مدرسي مسكته ترم كامل اتعلمت اشياء كثيره

المقصف كان شراكه وللاسف اذا كثر الشركاء كثرت المشاكل والاتكالية

الشمروع كان حيستمر لولا بعض الاخطاء اللي حاولت قدر المستطاع تفاديها

الا اننا فشلت لإتكالية الشريكه الاولى وانشغال الاخرى بإكمال دراستها

صحيح كانو يحاولون قد مايقدرون بس سبحان الله ماكتب الله لنا الاستمرار

اشياء كثيره اتعلمتها التعامل مع الناس بكآفة اطباعها واخلاقها وامانتها

المشروع كان حيكبر ويتوسع وكنت اخطط انو اسس شركة تمويلية

لتشغيل المقاصف وتمويلها بس امر الله كان فوق كل شيء

....

الحين انا افكر ثم افكر افتتح مشغل خياطة فقط لا غير اجيب معدات

وفلبينيه وانا وصاحبتي تخصصنا ,, انا اقتصاد منزلي عام .. وهي دبلوم خياطه من معهد

حنكون نحن الثلاثي اساس ومبدئياً للمشغل

افكر برأس مال المشروع هل تنصحوني بصندوق المئوية ..ام .. عبد اللطيف جميل ..؟

انا الحين جالسه ادور وراء الممولين هذولا واحاول اتعمق اكثر بتفاصيل المشروع

وافكر في الهدف الحين وبعد سنه وبعد 5 سنوات يعني الحين تركيزي على السنه الاولى بس .

لو بأخذ قرض حيكون بإسم صاحبتي لانو شهادتها ماتحتاجها زي مااحتاج شهادتي

انا لو جاني التعيين فرضا حيكون المشغل لها لوحدها ولو حبت تواجدي معها

لايمنع اجيب بدالي خياطه ..

بس والله يامخي له كم يوم متآكل اثر التجاره مب هينه

مع ان لي سابق خبرة كنت تاجره بالمنتديات من قبل وتاجره محليه عند اهلي وبعدين مقصف والحين ان شاء الله بحول الله وقوته افتتح المشغل

بنات طلبي منكم الدعاء بالتوفيق ومن ثم نصائحكم حول المشروع

من اي ناحيه واي جانب خبراتكم نظرتكم عن المشروع لاتبخلون علي فيه والله يجزاكم الجنه ومن تحبون

اختكم نوآر

بسم الله الرحمن الرحيم
اخباركم حبيباتي وش مسووووووين
حبيت اطرح لكم فكرتي وابغى منك تنصحوني
انا خريجة كلية المجتمع حاسب الي

بس للاسف مالقيت لي وظيفه كان حلمي اتوظف بنك ماكنت اخطط على القطاع التعليمي

بس للاسف حتى البنوك مايشتغل فيها الابنات الواسطه

وماقدرت اتوظف

وجلست اربع سنين باليت من غير فايده بالمجتمع

وذبحني الملل والطفش

بعدها كنت اتابع المبوبه وشفت اعلان مطلوب بائعات
ويوم اتصلت قالوا بالمقصف وراتب 900

صراحه تحمست لاني بطلع من البيت والملل
بس بعد 3 سنين الشغله تعب وراتب مايسوى
والملك طالب بتحسن الوظايف وشركتنا مطنشه
قررت استقبل الطالبات وهذا الي سويته

قلت للمعلمات المدرسه اذا تعرفون حد يبغى يدرس عياله

ارسلوهم علي بالبدايه كنت اخذ منه 250
وبعدها 300
والحين 400 لانه بجد تتعبين معهم خاصة انهم اطفال
والحمدلله صباح اداوم والعصر ادرس بس كان التعب
ماعندنا شغاله وكنت احاول ماقصر بيت هلي
ومازعج امي
وهذي السنه ولله الحمدلله

صرت ادرس مدرسات بمدرستنا حاسب يجوني البيت

وصرت اشتغل معا المعلمات على الحاسب ومايطلبون مني
من اوراق عمل مطويات عروووض
لوح للفصل اي شي يبغونه حاسب

وربي فتحها بوجهي معا راتب المقصف صرت حوالي استلم الحين 4000ريال

وحده من المدرسات تبغى تسوي معي مشروع اني اسوي بيتنا مكتبه صغيره خاصه لشغل المعلمات
واحس اني محتاااره وش رايكم تنصحوني اشاركها او لا

نوار الله يوفقك

واهم شي اذا فتحي مشغل راعي الاسعاااار

وان انتي تكوني موجوده بمحلك لاتعتمدين على حد

نورا


مادري بس الحين الناس اتجهت للجاهز بجميع الفئات العمرية اخاف بس تاخذين قرض وتتوهقين لو تستاجرين ركن بمركز او مشغل وتجربي لان الركن موغالي مايتجاوز 500 بالشهر





جنون وامل اكبر



الفكرة جدا ممتازة وناجحة لكن يبغالها تسويق بين طالبات التطبيق والمعلمات لانهم يحتاجون لوسائل باستمرار وخاصة الوسائل الي تكون مجسم وععروض البوربوينت



الله يوفقك

موفق بإذن الله ... لك مني أجمل تحية .

بالتوفيق للجميع
ولي عوده

انا عندي راس مال ..
وافكككار كثير

بس مافي عزيمه

بناااااااااااااااااااااات سلام اول مره اشارك في هذا الموضوع وان شاء الله استفيد واصير مليونيره خخخ

بنات ساعدوني وين احصل الحاجات للاعمال اليدويه في الشرقيه الدمام الخبر الاحساء يعني الكلبسات والاطواق وهالامور ساعدوني مع العده انا مشكلتي نقص في الافكار

واماكن تبيع المنتجات الصينيه وييييين في نفس المناطق^^
وشكرا للي ترد علي من الان انسى دايم ^-^