ضاع عمري


التاجره ام ناصر ورورو ماقصرو


اقترح بالبداية تبدون مشروعكم بصنفين او ٣ وتوزعونهم مجاني اما بمحل حلويات يذوق الزباين واذا عجبهم يتعاقدون معاكم
او انتي تزورين زميلاتك مثلا وتقدمينه لهم واذا سألو قولي طلبته من وحده تبيع

وانتو بأي منطقه !! مستعده انشره لكم بس اعرف وين مكانكم وهل فيه توصيل ولا لا

موفقين

جرافيك

يعطيك العافيه ياقلبي

كلامك في مله يابعدهم

اما بالنسبه لي انا من الرياض

ياقلبي

ومشكوره على كلامك ودعمك ماتقصرين الله يجزاك الف خير

تسلمين

كيفكم يا حلوين

الله يبارك لكم ويرزقكم

نفسي اكون تاجره وابيع واشتري بس كذا شغله تعيقني اهلى يتريقون على منتي بناجحه وووو

ابي ابدى بالشنط تقليد درجه اولى بس على مين ابيع علاقاتي محدوده ربة بيت يعني بيتتوتيه


الله يوسع عليكم دنيا واخره

اسعد الله مسائكم بكل راحة بال وتوفيق يارب...

تاخرت بردي في الموضوع وعلى الخاص... وهالمره ماعندي عذر يستاهل
تواجدكم وسؤالكم في غيابي...

قبل ابدا بالرد على بعض الغاليات في الموضوع
حابه اكتب سطور مهمه لاخواتي الغاليات

كل وحده فينا عندها ظروف غير عن الثانيه... والبعض فينا عندها عقبات ممكن تعيقها
وممكن تحبطها لا قدر الله

وباجتماعنا في هذا الموضوع انا حريصة ان مايكون الجوانب الي نهتم فيها ونتكلم فيها ونذكرها ونحلها فقط محاور تجارية بحته

فجتمعنا في هذا الموضوع على مبدا الاخوة والمسنادة في كل شئ...

سبق و وعدت اخواتي انه مهما كانت ظروفي صعبة وخاصة اني بدات ارتب للمشروع بشكل فعلي
ماراح اتخلى عن اي وعد بالمساعدة ان شاء الله

لكن حبيباتي تقبلوا مني هذي السطور وان اطلت الحديث والكتابة

مهما واجهتكم عقبات ومصاعب او عدم تفهم للي حوالينا لطبيعة بعض المشاريع والافكار
وغيرها كثير...
ان كنتي مع الله فسيكون معك ومع ابسط احلامك وامنياتك مهما كانت...

لن تجدي نفسك موقنه بان الله ما ان ياخذ الا ويعطي افضل مما اخذ وبكل ثقة وايمان..
الا وان تجدي نفسك في شدة الازمة تنفتح لك ابواب على مصرعيها بالفرج.. واي فرج !!

فانتي لم تسالي بشر او مخلوق المعونة والمساعدة...
سؤالك كان لرب هؤلاء كلهم ..
فبيديه ان يقلب مقادير الكون في سجدة منك..ودعاء خالص
ويسخر كل الامور بين يديك...

ما ان تكوني معه في الشدة والرخاء...
الا وكان معك بالتوفيق والسداد ويكرمك نور البصيرة
والحماية من كل شئ...وتسهيل الامور وتذليلها لك اينما ذهبتي...

مانبغى اي وحده فينا لا تستسلم ولا تياس ولا تتعب ولا توقف طموح مهما كانت اصعب الظروف
ونتذكر اعظم امر ... ان الله مع كل وحده فينا...

وكل عقبة راح نتجاوزها
وكل مشكلة راح نلاقي لها الاف الحلول
وكل تاخير راح يعقبه الف خيره وخيره
وكل صعوبة راح يتبعها تسهيل وتيسير
وكل بداية صعبة راح يجي منها كل بركــــــــــــة وثبات

مادمنا نوجه تلك الدعوات والسجدات لرب الاكوان ومسهل الامور ومسخرها لمن شاء


حبيت اكتب احساس بداخلي وما ابخل فيه على اخواتي

على اساسه نجتمع وان كتب الله.... نفترق

وقلوبنا تتذكر الباقيات بالدعاء والذكر الطيب

اقتباس:

المشاركة الأصلية كتبت بواسطة ضاع عمري خساره مسائكمرضا وسعاده رورو وروعه رديت علكم برساله بس مادري هي انرسلت او لا والله مادري وان شاءالله. تكون وصلتكم ومشكورين للجميع

طبعا وصلت ياغالية

من اليوم ورايح ماعاد بناديك بضاع عمري
لانك غاليه عليه ولا احب اناديك بهذا الاسم الي يعور قلبي

ولا اصلا لايق على انسانه مثلك طموحة وقوية وتعرف ان مافي شئ يضيع عند الله تعالى


وصلت رسالتك.... وكل حرف فيها انا اتشرف فيه وافتخر فيه بعد

لاني انا بعد بوجودكم واجتماعنا احس انا متكاتفين ومتشاركين الصعوبات والافكار والنجاح ان شاااااااء الله


ربي يوفقك ياغاليه

اقتباس:

المشاركة الأصلية كتبت بواسطة سحر انثى بنات انا اعمل خلطه لليدين تخليها رطبه مرا من اول استخدام ومجربه ومضمونه راح ابيع العلبه ب 35 سؤالي .. كيف اسوق لها مع العلم اني اكره البيع وثاني شيء ابغى اضيف للكريم ريحه عطر من ديور او شانيل او اي ماركه المهم ريحه حلوه هل في عطور اقدر اضيفها للكريم بدون ماتسبب حساسيه ؟ ووين اجدها ؟

ربي يوفقك ويسهلك الامور للخير...


ماينفع انك تدخلين بشئ ماتحبينه... لان عقباته او مشاكله الا اي انسان ممكن يواجها راح تكون صعوبتها الضعف عليك

حبك للعمل يدفعك للتحدي والانجاح وتخطي العقبات واصلاح الاخطاء وعدم الاستسلام

وكل مشروع وعمل لازم نواجه مثل هذي الامور

انصحك اختي انك تعيدين النظر في عدم حبك لهذي الفكرة


الخلطات الطبيعة بما اني مهوسة فيها واعرف كثير عنها
اقلك لا تضيفين اي ماده عطرية
لان مافي ماده عطرية تخلو من كمية كحول من البراند الي ذكرتيها
الي هي تسبب الجفاف ومشاكل البشرة المعروفة

وعشان كذا وقت الي نستخدم الحمامات التركية والمغربية تلقين اول نصيحة انك تستخدمين نوعية معينة من الصوابين الغار ومشتقاتها
الي ماتكون حتى صابونية بدرجة كبيرة


ان شاء الله اني ساعدتك ولو بالقليل
موفقه يارب
لا تنسين الاستخارة

اقتباس:

المشاركة الأصلية كتبت بواسطة طوبى للغرباء ايش رايكم بمشروع كل ماافكر نتايجه احسه يحتاج لمديرة قياديه أمييييييييييييينة مو عبدة الدينار والدرهم مشروعي اني افتح مكتب عقار للسيدات يعني اعمل مؤسسة للمقاولات خاص بالنساء بحت مايتعامل فيه اي رجل ايش رايكم؟؟ من جد فيه موظفات مطلقات وارملات وممكن في نساء اعمال يحتاجون يتعاملون مع نساء مو مع رجال في هالشغلات وقرات فيه عقارات خاصى بالنساء بس تسويقه ضعييييييف نعمل عقار موحد لجميع المناطق وش تقولون عليه اعطوني رأيكم؟؟؟ لو ما سويته اقل شي اي وحدة تقرأ هالفكرة وتعملها

والله الفكرة بمجملها روعة وتساعدنا كثير
حلو يكون لنا جهات نسائية بمشاريعنا
جدا حلووووووو ومريح

بس بكل صدق... نادر ماتدخلوحده في مجال رجل وتكون ناجحه
ولكن مو قاعده طبعاً

انا الان في فترة بحث عن موقع وفعلا انا انتظر الوالد دائما عشان يجي ويتصل ويستفسر عن الاعلانات

الي القاها في النت وغيره

اقدر اتصل عادي ولكن في امور مانعرف تفاصيلها مثل الرجال

ومره شفت وحده بالتلفزيون بمنطقة جازان على قنات mbc

نفس فكرتك


حلوة الفكرة خاصة ان راس مالها بسيط وغير مكلف

ربي يوفقك

اقتباس:

المشاركة الأصلية كتبت بواسطة ورد الهوى انا عندي مشرروع عمل البخور والمخلطات وحابه اعمل دوره تدربيه في صتاعه البخور للي راغبه تتعلم مقابل رسووووم زمزيه بسيطه وراح اتابعها خطوه بخطوه عن طربق اما الرسائل الخاصه او الايميل او الهاتف بنات فرصه لاتفوتك مررره منها ضمان لريحه البخور الى تصنعيها بنفسك بالاضافه راح اعلمك طريقه عمل الرشوش المفارش

حلوة فكرتك ربي يوفقك

كان هنا عضوة اظنها شغل يدوي او جرافيك

تبغى تبدا بالبخور ان شاء الله تستفيد منك

وتكون فاتحة خير عليك يارب

اقتباس:

المشاركة الأصلية كتبت بواسطة رورو كاندي حبيبتي الصور مادري ليش ماتطلع بس لقيت مقطع باليوتيوب مسوين نفس الاشكال الخامات المعدات اللي استخدمها من امريكا لاني احرص على التميز ماابغا نفس اشكال ملتقى الخبازين وتاوفولا وديكور الكيك هادا بالنسبة للقوالب وبالنسبة للفوندان انا اسويه لان الجاهز اللهم يالك الحمد الطعم سيء الالوان الصناعية المميزة من امريكا جبتها لو مشي الكوكيز راح ادخل مجال الطباعه على الكيك والكوكيز والتشوكليت بس حاليا ميزانيتي محدودة بس المشكلة بالتصوير كلمت كم مصورة عشان اتفق على موعد تصور اعمالي تقولي ماتصور الامناسبات والله اتحطمت انا حاروح مشغل وحاكلم قسم التصوير عسى ولعل الاقي لان ابغا تصويرااحترافي زي اللي بالمقطع اللي وريتك هوا وابغا اعمل كليب بسيط لاعمالي بدون موسيقى بدون تصوير احترافي حينظلم شغلي والله يوفق الجميع

لانها من موقع مركب شئ اسمه (هاك) فائدة يحفظ حقوق الصور للموقع الي هوا فيه...

طبعا لو سويتيه راح يكون احلى مليون مره كثير نذوق انواع مافيها اي حلاوة وكانها قطعة سكر
حتى تتحكمين بالنكهات

انا عندي مجلد كامل لها ولبعض الانواع...احب هالمجال
ودائما احب اتابع المواقع الاجنبيه الي تبيع التولز حقتها

وانا افكر ادمج هالشئ في مشروعي ان شاء الله ..


رورو لازم تشترين بعض الامور الي موجوده هنا حتى تبدئين تشتغلين منها
لانه مو معقوله تسوين العينات من خامات مميزة وانتي بتصورينها بس مو طلبيه لاحد

جربي اشتغلي بالي موجود هنا عشان لا تخسرين الي جبتيه من هناك مميز حرام تستخدمينه عشان التصوير بس
خاصة ان الكميات قليله حتى مو كثير من عندهم



انا طلبت وردات السكر ابغى اجربهم اتوقع هاليومين وصلت بس انشغلت بكثير امور ولا اخذتهم من الشحن


بخصوص المصورات بحثت لك عن ارقام بس ما اعرفهم برسلك هيا على الخاص

ان شاء الله وحده فيهم ترضى تصور لك

في جدة عندنا كثيييييييييير يرضوا عادي

موفقه يارب

اقتباس:

المشاركة الأصلية كتبت بواسطة جمعتنا حلوه .. نفسي اقولكم على فكرتي ومشروعي بس اخاف تضحكون علي

ليـــــــــــــــــــــــــــــــــــــــــــــة؟؟ ؟؟؟؟؟؟؟؟؟
زعلتيني منك

ليه الضحك وليه مايكون حلو
اي شئ انتي تبدعين فيه راح يكون افضل مشروع
خاصة اذا درستيه دراسة معتمده على حاجة الي حواليك


حمستييييييني اسمع فكرتك بانتظارك
جد متحمسة

ومافيها شئ نتساعد ونعدل ونضيف الين يسير افضل شئ تتمنينه ان شاء الله

اقتباس:

المشاركة الأصلية كتبت بواسطة ضاع عمري خساره مساء الورد ياوردات اخباركم وياحياالله هالجمعه دوم مجتمعين على الخير يارب وموفقين من عند رب العباد وياهلا ومسهلا بام ناصر انورت واسفرت واسفعلت وامطرت خخخخ فقدناك يابعدهم ياطويله العمر طريقتنا بالتفصيل الملل هي تطبخ وانا اشتري لها الاغراض من نقاضي حتى العلب للتوزيع وتخسرت ووزعت الرقم عند وحده كنت اعرفها تطبخ وماشاء الله مشهوره عكيتها الرقم وتوقعت بتفزع معي بس اكتشفت اننا مكانك سر ماتغير فينا شي المشكله لامجتمعي ولامجتمعها يرضى بالطبخ بياخذون بس دون فلوس مساله البيع مرفوضه فعشان كذا كان ودنا بناس تتقبل هالشي وعطيت وحده الرقم وقلت وزعيه برودكاست عند مدرسات كانت تعرفهم وانتي خابذه ياقلبي المدرسات يحبون هالنوعيه من الطلبات ماودي احط بذمتي واقول ان هالثنتين ماوزعوا الرقم واحبطوا الشغل من البدايه لهم ربهم يحاسبهم بس كنت متامله خير وهي بصراحه احبطت احباط ذريع وكنت اصبرها بعدها بكل صراحه قالت خذي الاغراض لاتخرب مده صنعها انتي عارفه هاذي مواط غذائيه لها مده وبعدها تكون غير مناسبه لكن الحمد لله متامله برب العالمين خير ثم انتوا وانا حريصه ان الرقم مايطيح بيد ناس ماتخاف الله وبالاخص رجال انا ماحب انها تتعامل معهم ماودي اتسبب لها بشي اكيد الكثير فيهم خير بس الاحتياط واجب لي عوده

في اول رد ليه على اول رد لك

كتبت لك كثير خطوات ممكن تكون هيا سبب في فشل المشروع لانه اصلا مشروع ناجح

وطلعنا بان التسويق هو سبب فشل هذا المشروع الناجح اصلا


ابغى اقلك شئ

حتى لو انتي عليك بس تشترين الاغراض

خلي التسويق من جهتك
وبطريقتك وباشرافك

لا تسوين شغله وتتركين البنات بدون متابعه للي سوووه وتقولين استامنتهم وبيني وبينهم الله\\ياحبببببببببيبتي يالغاليه انتي
وربي الثقة في هذا الزمن سار نااااااااااااااااااااااااااااااااادره اذا ماقربت تنعدم الا من رحم الله


خليك على شغلك حتى لو ملوا من اتصالك ومواصلتك واسالتك
هذا يحثهم اصلا على الاخلااااااااااااااااااص ويسون شغلهم على اتم وجه


لا تشترين الاغراض وتتركين كل وحده في حال ماتدرين ايش تسوي

صح منتي متفرغه بس لازم ترابطين على روسهم بكل معنى الكلمة


وانا قلت لك برسلك وراح توصل باذن الله لعدد مو بسيط ولكن مو كلهم من الرياض
مختلفه مناطقهم

ياكثر المنتديات التسويقيه


وكمان لازم تسوين اعلانات ورقيه تتوزع حواليك وبالمدارس وبكل مكان تقدرين عليه

الصور بس ارسلي لي خاص وراح اديك اميل شغلي وانا عليه 24 ساعة وراح احط الحقوق حقتك عليها
وارتبها لك


وبس تكتبين الاعلان كامل بالصور انا انتظرك وارسله لكل البنات

وتامرين امر ياغاليه وياليت اقدر اسوي لك الي يفيدك لانك غاليه عليه

اقتباس:

المشاركة الأصلية كتبت بواسطة رورو كاندي ممكن تقولولي ايش الدورات عن بعد ؟؟؟؟ انا ابغا دروة انجليزي عن بعد ياليت احد يفيدني

الدورات عن بعد او التعليم عن بعد عبارة عن كلاسات تتابعينها ومحاضرات عن طريق النت\مفيده للي خروجها للدوام صعب
وتفيدك ان تسجيلها لو ماكنت فاضيه وترجعين لها في وقت ثاني


انا بصراحة ما اعرف الا الي تخص الجامعات
لاني السنة الي تجي بسجل بحول الله ادارة او موارد بشرية بجامعة الملك عبد العزيز


في المعهد التقني حكومي حتى اظن بمكافات

كل ترم يفتح التسجيل فتح الثاني ب 12 الحج

لكن يكون حكومي ومجاني اذا المنزل اجار الي عايشه فيه

والشروط الباقيه بسيطة

في اكثر من مجال اكتبي بقوقل واقري

اقتباس:

المشاركة الأصلية كتبت بواسطة حنايا كيفكم يا حلوين الله يبارك لكم ويرزقكم نفسي اكون تاجره وابيع واشتري بس كذا شغله تعيقني اهلى يتريقون على منتي بناجحه وووو ابي ابدى بالشنط تقليد درجه اولى بس على مين ابيع علاقاتي محدوده ربة بيت يعني بيتتوتيه الله يوسع عليكم دنيا واخره

هلا فيك..وربي يوفقك ويرزقك

حبيبتي اهلك قولي على عيني وراسي لهم
ولكن مو معناته ان كلامهم يكون عائق امامك


خلي كل واحد يتكلم مثل مايحب

وخلي هالشئ تحدي لك انك تكونين فوق توقعاتهم

وهوا الي يدفعك للنجاح والتميز

حبيبتي لو فكرة الشنط جات ببالك لان الي حواليك يبغونها بس مو متوفره لها يعني (احتياج) فتةكلي على الله


لو انك مجرد شفتهيا ناجحه وتبغين تقلدينها لان مشروعها ناجح...فانا اقلك هذا السبب ممكن يكون سبب خسراتك لا قدر الله

خلي مشروعك اساسه احتياج المنطقة الي بيكون فيها مشروعك


وذكرتي ان معارفك قليل هذي نقطه لازم تشوفين لها حلول وبحث وافكار


مشروع بدون تسويق وعملاء كيف ينجح؟؟

اذا بالاول لازم نحل هذي المشكلة
ونختار مشروع على اساس مدروس وهو حاجة الفئة الي تستهدفينها

ودراسة كل شئ يخصهااااا
مستواهم المادي
ذوقهم
احتياجهم
كيف راح تتواصلين معاهم وكيف راح توصلين لهم
التسويق والاعلان

خذي دفتر خاص ودوني فيه افكارك وادرسيها وحده وحده على هذي الاسس وغيرها كثير


وربي يوفقك وتوصلين لافضل فكرة تكون فاتحة خير عليك يارب

ضاع عمري خساره
كتبت رد لك وماشفت اي تعليق عليه ؟مستغربه صراحه ؟؟
ابي اشوف ردك هل تايدين كلامي ؟
عشان اكمل الباقي اللي عندي
وايش قررتي الا الان ؟
ياليت تستعجلين بالرد لان لي يومين انتظرك
وانا الفتره الجايه ماراح ادخل النت يمكن يومين ثلاثه اخر دخول لي
وابغى اعرف اخر تطوراتك قبل مانقطع عن المنتدى