نقاش (خاص) بين الفتيات ومشاريعهن..

غرك غرورك · #**871** (**permalink**) 10-02-2012, 06:31 AM

اشجعك احس الفكره مربحه بس روجي لاكلاتك..عن طريق البرودكاست والمدارس والمنتديات ولاتقولين انك مبتدئه انتبهي

الراآسيه · #**872** (**permalink**) 10-02-2012, 07:23 AM

اقتباس:

المشاركة الأصلية كتبت بواسطة الأمل الطائر

مرحبا اختي حجابي نجاتي ... انا شفت " المهفات" الصغيرة عند محل اسمه " الافكار الذهبية " في شارع السويلم عنده كمان كم نوع شعبي للتوزيعات واكياس شعبيه ... انا شفت هااحاجات قبل سنة تقريبا او حولها ... عموما انتي روحي وبتحصلين ... اذا ما لقيتي تلقين فيه شارع فرعي قبل الاشارة في نفس شارع السويلم الرئيسي فيه كمان محلات هدايا وتوزيعات بس ماني متاكده اذا فيها شي شعبي ... الله يوفقك

الأفكارالذهبيه اذكره ومحلات الهداياوالتوزيعات كلها نمرها ونشتري منها لكن للحين
ماشفت شعبيات واخر عهدي بهم من سنه يمكن فيه بعدي وحاولنا في اخوي لكن طلعته ثقيله لانه رايح جاي للرياض لعمله مل من المشاوير..
مالي الا العاطل

<<وخروا عنها لي تحمست

الأمل الطائر لك شكري وتقديري لتعاونك

الراآسيه · #**873** (**permalink**) 10-02-2012, 07:30 AM

اقتباس:

المشاركة الأصلية كتبت بواسطة منآآل

السلام عليكم
ان شاءالله الكل تمام
بنات انا يطلع مني باصناف الحلى والكب كيك والخ
يعني اشوف محلات كب كيك اسعارهم مبالغ فيهم والطعم مو قد كذا ومع ذلك الناس خاقين عليهم !
فكرت ابدا مشروع بسيط اني اسوي فالبيت وابيع كتجربه بس ماتحمست كثير
وفيه ناس قالولي روحي لعبداللطيف او جمعية نوره اعتقد كذا اسمها يساعدونك بمشروعك وتفتحين لك محل وتجيبين عماله والخ
بس حسيته مجازفه !

شرايكم ابي تشجيع واراء مختلفه علما اني لاتحمست قلت يوه كسل وش لي بالشقا

وعارفه ان الكسل مايوكل عيش

واكيد دعوه للي بترد

وعليكم السلام ورحمة الله وبركاته
توكلي على الله ولا تخافين وانتي الصادقه الناس اكثر اقبالهم على الأكل
حاولي اولاً بالإمكانيات اللي عندك يعني من رأي ماتستعجلين لعبداللطيف جميل ولا غيره
تابعي البازارات والملتقيات اللي عندكم بالدوروالكليات والمعارض وشوي شوي
الناس تحب شغلك وتطلب التواصل معك ساعتها تحبين الشغله وتقدرين تقدمين على اي جهة ممكن تساعدك
وربي يوفقك ويرزقك من حيث لا تحتسبين .

حنايا · #**874** (**permalink**) 10-02-2012, 06:11 PM

الله يوفقك الجميع

Hejabi Najaty

تذكرت تحصلي طلبك في الجنادريه المهرجان فرضه توه بادي كثيرررررررر مره شفت مهفات وسلات اذكر المهفه ب5 ريال اذا مااني غلطانه

استغفرو الله واتوب اليه

الراآسيه · #**875** (**permalink**) 10-02-2012, 08:41 PM

هلاحنايا .. الجنادريه ماعمرنا رحنا لها وشلون الحين الله يسترعلينا والجميع
عندنا محل المهفات فيه 5ريال لكن الصحون باحجامها اهم شيء عندي شرينا كميه من محل بالخرج
متعاملين معه لكنه صار يغلي المهفات تستعمل كتوزيع كيس صغيرفيه حلويات اي شيء وندبسه فيها
بالمعارض والملتقيات يحبون هالحركه يعني ياكلون ويهفون
ربي يوفق الجميع لكل خير

يارب فرّج همي · #**876** (**permalink**) 13-02-2012, 11:18 PM

[align=justify]

السلام عليكم ورحمة الله

جزاكم ربي الفردوس الأعلى من الجنة ع طرحكم هذا الموضوع , ياليتني عرفت المنتدى من قبل ..

عندي خبره بالتصميم والتطريز وكمان برامج الـ Office , اللي تدلني كيف استفيد من خبراتي الله يرضى عليها
ويغفر لها ولأهلها اللهم آمين يارب العالمين ..

[/align]

ريحانة غلا · #**877** (**permalink**) 14-02-2012, 04:25 AM

اذا سمحتوا كم تكلفة فتح صالون تجميل بفيزة العاملات والادوات والديكور اللي عندها خبره ياليت تتواصل معي لاني ناويه باذن الله افتح صالون

شغل يدوي · #**878** (**permalink**) 16-02-2012, 01:45 AM

أنا هالفترة مررررة مشغولة و مضغوطة بس ما حبيبت ادخل من دون مااقول موفقاااااات خواتي و الله يحقق طموحاتنا و أحلامنا الكبيرة

ياااارب!!!!

نسائم الود · #**879** (**permalink**) 16-02-2012, 03:22 AM

بنات احد يعرف خياطات يتعاملون معي بحي العزيزية بالرياض

عندي مشروع واحتاجهم شاكرة لكم

الأمل الطائر · #**880** (**permalink**) 16-02-2012, 10:36 PM

بنوتات أنا عندي بضاعة نسائية حصرية ودي أوزعها على المحلات النسائية بالجملة .. كيف أقدر أحصل أرقام أصحاب المحلات التجارية في الرياض وخارجها (( خصوصاً في القرى )) ؟؟

بحثت عن الأدلة التجارية ما لقيت الأرقام اللي أبيها ... فيه حد عنده خبرة بالموضوع ؟؟؟

شكرااا