16-07-2013, 12:47 AM
|
عضو متواصل
|
|
تاريخ التسجيل: Oct 2012
المشاركات: 86
معدل تقييم المستوى: 25
|
|
اقتباس:
المشاركة الأصلية كتبت بواسطة بداية تاجرة
اهلا اختي معمارية سعيدة لتواجدك ونصائحك القيمة 
المشكلة يا اختي اني ولا مرة طلبت من اي موقع لا صيني ولا امريكي
فمتخوفه شوية 
بالنسبة لي حابه اول اشتري اشياء بسيطه لي ولبيتي واشوف جودتها ان كانت جيدة عرضتها على جيراني واقاربي وان اعجبتهم اطلب لهم من الموقع
طبعا باعمل موقع خاص بي واعرض بعض الاشياء الي باشتريها واحاول نشر البضاعة في المواقع الاجتماعية
اختي معمارية طيب مادام توك طالبة من الموقع فخبريني ايش مطلوب مني عشان اقدر اطلب منهم 
ايش هي الخطوات الصحيحة عشان اطلب من الصين وايش احسن وارخص موقع صيني |
هلا يا قلبي .. وانا اسعد فديتك ..
امممم .. بخصوص المعلومات اللي يطلبونها .. ان شاء الله اني ما انقص شي بالشرح ...
1- عادة لا سويتي اكاونت واخترتي البضاعة وانحطت بالسلة تروحين لخيار اكمال عملية الشراء ,,,
2- تطلع لك خانة معلومات المختصة بالحساب او الفاتورة وخانات لمعلومات الشحن .. وقد يكونون مدموجين مع بعض يعني ممكن يطلبون كل تفاصيل الشحن بمعلومات الحساب ويحطون خيار تحت انه ( معلومات الفاتورة مطابقة لمعلومات الشحن ) وهذا يفيدك لو كان العنوان بينرسل لك ... بس ممكن باوقات تبين تطلبين على عنوان مختلف عن عنوان الفاتورة فرضا بتطلبين لصديقتك فتخلين كل قسم لحاله وتلغين خيار المطابقة
3-
معلومات الفاتورة
- اسم صاحب البطاقة اللي بتتعاملين فيها بالحساب
- نوعية البطاقة اللي عندك فيزا والا ماستر كارد وباوقات فيه خيارات ثانية
- وتضعين رقم البطاقة ( اللي موجودة على وجه البطاقة )
- الرقم السري المكون من ثلاث ارقام موجود بالبطاقة من الخلف
- تاريخ انتهاء البطاقة تحددين الشهر والسنة
معلومات الشحن
- الاسم وممكن تكون باسم صاحب البطاقة
- هي العنوان الصندوق البريدي - الرمز البريدي للمدينة اللي انتي فيها
- الدولة , المنطقة هل هي المنطقة الشمالية او الشرقية او غيره , والمدينة
- الايميل , رقم الجوال او اي رقم ممكن يتواصلون معاك فيه
- باوقات يتيحون لك تختارين كيفية الشحن مثلا شحن اكسبرس ويكون اسرع والا شحن نموذجي عندهم ... او تبين شحن مجاني او شحن بفلوس وهكذا
هذه اهم المعلومات
وباذن الله اذا اتممتيهاالامور ممتازة
والروابط ابشري يا قلبي بشوف انا وش مجمعة من روابط وبدرجها
|
العرض العادي
