يالحوت تعبناك معنا اليوم مستلمينك من الصبح لا عاد تعطينا وجه مره ثانيه ( خخخخخخ امزح خلك معنا كل يوم والله اننا ننبسط اذا شفناك

مساكم الله بالخير , احب اقولكم " الصبر مفتاج الفرج"

ومثل ماقال الشاعر

الصبر زين ومكسبك فيه ثنتين .. جميل وتاخذ الحق وافي

الله يوفق الجميع , لما يحب ويرضى



ويالله ان كان هالوظيفة بيجي منها شر لي ان الله يمنعني منها
وان كان بيجي منها خير وصلاح فالله يرزقني اياها

مساء الخير على الجميع ...
اخواني بعد جهد جهيد الحمد لله لقيت هالمنتدى الي بيقدر يفيدني بالاجابه لاساله براسي
انا عندي كم سوال وممكن يكون فيها اساله مكرره لاني ما قدرت اقراء كل الصفحات الي طافت
اتمنى تتحملون ثقالة الدم وتجاوبوني وابي الاجابه من الانسان الي متاكد من كلامه لاني تعبت من الاشاعات

انا قدمت شهر 8 عام 1432 وجاتني رساله بتاريخ 25/1/1433 بالقبول المبدأي
رحت الطايف اجتزت المقابله والطول والوزن واختبار السباحه والغوص واللياقه البدنيه ولله الحمد
بعدها حولونا على مستوصف قوى الامن وسوينا الكشف الطبي تحليل دم وبول اكرمكم الله ووووو الخ..
وبعدها انهيت اوراق الشيخ والبصمات والمعرفين وسلمت جميع اوراقي لمركز التدريب بالطائف وللحين ما ردو خبر

اسألتي ...

جميع اوراقي وفحوصاتي وتحاليلي سليمه ولا عندي اي سوابق هل اعتبر نفسي من المقبولين قبول نهائي ؟

سمعت ولست متاكد انو باقي فيه تحليل بول وكشف ثاني عندنا فهل الكلام هذا صحيح ام يكتفون بالكشف والتحاليل الاولى؟

متى راح يكون موعد الدوره تقريبا؟

كم رواتب الجنود بعد التخرج من الدوره؟

كم مدة الدوره ووين ممكن تكون مع العلم ان فيه دوره بمركز الطايف وفيه دوره بمركز مكه؟

هذا كل الي عندي واتمنى تجاوبوني وخصيصا اخوي الحوووت دون قصور في الباقين ولكم ارق التحايا..

دمتم بود,,,

عندي استفسار ابحث عن من يفيد

السلام عليكم ورحمه الله وبركاته

اولا : الطلبه الذين دخلو الدوره المقامه في الطائف " ام السباع" دخلو في 28/4 وقيل لهم ان تخرجهم في 28 /4 هل هذا صحيح ام لا
ثانيا : قيل ان الذين سجلوا من الرياض انهم سوف يقضون الفرد الأساسي الذي هو تقريبا 4 اشهر في الطايف وبعدها سيكملون الدوره في الرياض هل هذا صحيح

وشكرا

السلام عليكم ورحمة الله وبراكاته

عندي سؤال قديم الله يعنكم علي,

انا عندي شهادة ثانوية فقط |+ رخصة عمومي ثقلي
السؤال هل في القبول المبئدي شرط السباحة و الغوص

لاني رقمي في الاحتياط يمكن انقبل
ارجو ان التفاعل من الجميع
والشكر لكم .