27-08-2011, 07:32 AM
|
|
|
|
تاريخ التسجيل: Oct 2010
المشاركات: 4,542
معدل تقييم المستوى: 17578255
|
|
اقتباس:
المشاركة الأصلية كتبت بواسطة ALnoffy
بسم الله الرحمن الرحيم
اولأ اشكر الحوت على رحابه صدره وعلى تجاوبه معا الجميع وهذا في ميزان اعماله والله يوفقه ويتمم عليه بالخير
ثانيا فيه بعض الناس يعيدون نفس السؤال والجواب ومعناه واحد اتوقع لو يرجعون الى صفحات الي قبل راح يحصلون زي السوال ونفس الاجابه مدري ليه او الهدف من زياده الصفحات بالموضوع نبغى نسفد اكثر واكثر من اشياء اضافيه
ومدري انا دورت ابغى احصل زي السؤال اللي ابغى اقوله بس ماحصلت اذا في احد طرح زي سؤال العذر والسموحه مانتبهت بالردود
س : بعد اليوم الاول من المقابله راح يرسلون رساله بالجوال عن الموعد الجديد وتقريبا الموعد الجديد يكون بعد كم يوم سبوع شهر اقل من اسبوع .؟
اول يوم المقابله مدتها ساعه او تزيد ثلاث ساعه وجري والخ ؟
س: الموعد الثاني وش راح يكون فيه ؟ وهل فيه مواعيد اخرى ؟ وكم عدد المواعيد والمقابلات الشخصيه .؟
س: فيه اختبار مشفى دم وتحاليل .؟ واذا خلصت منهم هل يعتبر اني مقبول او فيه مفاضله بالمقبولين ؟
وكأني عرفت انك احد المقبولين بدفاع المدني صح او لأأ هل عندك فكره متى موعد الدوره
|
اولاً : اشكرك على الكلمات الطيبة .
سئوالك الاول : بعد انتهاء اجراءات اليوم الاول اللي هي طول ووزن + تسليم الملف + المقابلة راح يبلغونك بتعليمات المطلوبة منك عشان موضوع المسبح . ويمكن يقولون لك موعدك بكرة
( طبعاً كل سنة لهم خطة في القبول يمكن يكون خطتهم انهم يخلصون رتبة رقيب في الاسبوع الاول بعدين رتبة وكيل رقيب في الاسبوع الثاني وهاكذا . ) لكن انا لاحظت ان مواعيدكم متقاربة
كيف يعني تلاحظ البكلريوس علمي موعدهم يوم 12 . بكلريوس ادبي موعدهم يوم 13 دبلوم موعدهم 14 و 15 .
فمن خلال هالمواعيد اللي انتم تتكلمون عنها الظاهر ان خطة القبول هي كالتالي :
الاسبوع الاول : انهاء الطول وتسليم الملفات والمقابلة للجميع ( كل المتقدمين )
الاسبوع الثاني : لياقة بدنية و اختبار سباحة وغوص للجميع ( كل المتقدمين )
الاسبوع الثالث : تحليل السموم ( مخدرات ) تحويل لمستشفى قوى الامن للجميع (كل المتقدمين )
هذا فيما يبدو لي .
طبعاً رسايل الجوالك تجي حسب الخطة اللي وضحتها فوق . بمجرد وصول الرسالة دليل على اجتياز المرحلة .
سئوالك الثاني : المواعيد حسب الخطة بس فس الغالب 5 مواعيد لان بعد انهاء المستشفى بتراجعهم لاستلام ورقة للاحوال المدنية وخطاب طلب البصمات .
سئوالك الثالث : فية تحويل لمستشفى قوى الامن وفيه تحاليل واشعة ونظر .في الغالب بعد المستشفى يرتاح الواحد لان ما يبقى الا الادلة الجنائية ( البصمات ) وبرنت الاحوال .
وهذي نادر ما يرسب فيها الا اللي علية سوابق او ما هو سعودي الاصل .
سئوالك الرابع :انا من حقين تقديم العام الماضي ( احتياط ) موعد دخول الدورة انا و300 طالب ان شاء الله يوم 10/12 بعد العيد في مركز تدريب الرياض .
|
العرض العادي
