استفسآرآت الدفاع المدني (شروط + مستندات + روابط) الجزء الثاني 1432

محمد حاسب · #**3471** (**permalink**) 06-09-2011, 08:56 PM

اقتباس:

المشاركة الأصلية كتبت بواسطة زيرز

اخوي محمد حاسب كل عام و انت بخير انا رحت لهم مو لاجل اطبعها لا انا رحت لهم لاجل اعرف وش سالفة الثلاث سنوات بس يعني ليه ما يطلعون نتائجنا للدفاع المدني اذا طلب استفسار منهم عن المتقدمين و الا كلامك سليم عن طريق الموقع اطبعها و الله يكتب لنا ما فيه الخير و الصلاح .

وانت بصحه وسلامه ان شاء الله ..
والله غريب امرهم .. اجل على كذا انا كيف بيكون وضعي .. 7 سنوات تاريخها ..

شوف يا غالي ان شاء الله الامر ما يتعقد أكثر .. وبأذن ما يطلبوها من الاساس , لأن المستندات المطلوبه غير موجوده فيها اشتراط شهادة القدرات .. والله يكتب اللي فيه خير ان شاء الله .

معتصم الحربي · #**3472** (**permalink**) 06-09-2011, 09:00 PM

بسم الله الرحمن الرحيم

شباب ساعدوني بموقع لجنة الدفاع المدني بمنطقة المدينة المنورة

اين يقع بالتفصيل لو سمحتم

الله يوفق الجميع لما يحب ويررضى وحسبنا الله سيؤتينا من فضله إنا لى الله راغبون

منار الوجه · #**3473** (**permalink**) 06-09-2011, 09:01 PM

الخبر الاكيد يبين يوم السبت
والشي ذا نصيب كاتبة الله ولا احد يقول واسطه ولاشي اللى كاتبة الله بصير

alhoote · #**3474** (**permalink**) 06-09-2011, 09:01 PM

اقتباس:

المشاركة الأصلية كتبت بواسطة محمد حاسب

يا شباب انا محتار بين الدفاع المدني او المباحث !!
علماً بأني بكالوريس تخصص حاسب آلي .
وودي اسأل عن المباحث واللي له خبره فيها . هل بما ان تخصصي حاسب آلي , أضمن وظيفتي اداريه ؟؟
لأن الدفاع المدني مكتووب بأن الوظائف ميدانيه فقط .. هل الميدانيه متعبه ؟ علماً بأني اتمنى المركز الي قريب عندنا بنفس القريه اللي اقطنها ؟ أرجو الافاده يا أخوان ,
ويا ليت ما يجاوب الا اللي عنده خلفيه او خبره في هالامور ..

وانا محتار , والله يكتب لي ولكم الخير والتوفيق ...

شف وانا اخوك المباحث حلوة من عدة نواحي ( رواتب اكثر - دوام بالثوب )
عيوب المباحث ( السمعة بين ربعك - طبيعة العمل صعبة - دوامات زي الزفت )
و لاتتوقع المباحث بيحطونك في مكتب ويصكون عليك .
بتكون اعمالك كلها ميدان رصد وتحري وتقارير ومتابعة
يعني يمكن تستلم 6 ساعات في اليوم وتريح 18 ساعة .
الدفاع المدني ( رواتب مقبولة مقارنة مع باقي القطاعات - طبيعة الدوام جيدة - امكانية العمل في اي قرية او هجرة بها فرقة دفاع مدني - دورات على مدرا السنة - المجال مفتوح لمتابعة التحصيل العلمي للدرجات العليا سوى خارج او داخل المملكة )
لازم تستخير
وانا اقول قدم هنا وهناك وكمل اجراءات القبول هنا وهناك وشف
وش بيصير معك .

محمد حاسب · #**3475** (**permalink**) 06-09-2011, 09:02 PM

اقتباس:

المشاركة الأصلية كتبت بواسطة alhoote

ما شاء الله عليك
بخصوص الوظيفة
طالماً انت رقيب فالوظيفة ان شاء الله مضمونة لك
فقط عدي الطول ومستشفى قوى الامن
وبعدها شهر 8 السنة الجاية وانت مداوم باذن الله .
الفرق بين العمل الميداني والمكتبي فرق الراتب
حوالي 1800 ريال زيادة في البدلات .
العمل الميداني يمكن يكون استلامات يعني
تستلم يوم كامل وتريح يومين كاملة
يعني تستلم السبت وتريح الاحد والاثنين وتجي تستلم الثلاثاء .
واشوفهم يسوون حركة يستلمون يومين وراء بعض ويريحون اربع ايام طبعاً لازن تنسق مع احد عشان يسوي نفس الحركة معك . اتمنى فهمت !!!

موضوع تحويل الوظيفة الى ادارية هذي صعبة
الا في حالة وحدة انهم يحولنها قبل التعيين
يعني يعينونك اداري وانت في الدورة
وانا اشوف ان هذا ممكن خاصة انهم متمسكين بحقين البكالوريوس مرة
وصايرين يقدمون تنازلات عشانهم .
يعني من قدكم مرغوبين .
الله يوفق الجميع .

الله يعزك ويبارك فيك على هالرد ..

فاهم عليك بأمر الاستلام والتسليم .. لكن تتوقع احتمالية الراتب كم للميداني ؟ وش رأيك بالعمل كميداني خصوصا واني مقيم في قريه وهالقريه فيها مركز تابع للدفاع

والسؤال الاهم هل يوجد وظيفه اداريه بالدفاع يداوم بثوب وشماغ ؟

والله يوفقك ويوفقني ويوفق الجميع لكل خير .

alhoote · #**3476** (**permalink**) 06-09-2011, 09:06 PM

اقتباس:

المشاركة الأصلية كتبت بواسطة زيرز

السلام عليكم ورحمة الله وبركاته مساء الخير أخوي الحووت سؤال لو تكرمت و لا يهونون الاخوان انا عندي اختبار قدرات له الان 4 سنين و شهادته موجوده معي الان المهم رحت انا لمركز اختبار القدرات و قالوا لي الدفاع المدني كل سنه يرسل لنا ارقام المقبولين و يستفسر عن نتائج قدراتهم و احنا نعطيهم الى ثلاث سنوات مضت قلت طيب و انا قالوا انت ما نقدر نفيد الدفاع المدني عن وضعك فسؤالي الان وش الحل هل يمكن يقولون لي الدفاع المدني مع السلامه و لا لك قبول عندنا و الا وش الوضع بالضبط اللي في مركز القدرات لخبطوا تفكيري وش رأيك أنت بالموضوع ذا و شكرا .

موضوع القدرات لا تشيل له هم ولا تعطي له بال
محد راح يطلب منك قدرات ولا قياس
اذا معك خذوة واذا ما معك بيكملون اجراءات القبول لك عادي جداُ
نفس الشي لحسن السيرة والسلوك .
يعني ريح بالك ولا تشيل هم وانا اخوك .

alhoote · #**3477** (**permalink**) 06-09-2011, 09:09 PM

اقتباس:

المشاركة الأصلية كتبت بواسطة رعد عوضه الغامدي

ـألحوت انا شهادتي (( الشهاده الجامعيه المتوسطه ))

على اي رتبه .. ؟ ؟

دبلوم سنتين وستة اشهر
بغض النظر عن محتوى ما كتب في الشهادة ( جامعة متوسطة )
الرتبة المستحقة له هي عريف .

رتبة وكيل رقيب لحملة البكالوريوس فقط .
طبعاً الكلام هذا في الدفاع المدني

محمد حاسب · #**3478** (**permalink**) 06-09-2011, 09:11 PM

اقتباس:

المشاركة الأصلية كتبت بواسطة alhoote

شف وانا اخوك المباحث حلوة من عدة نواحي ( رواتب اكثر - دوام بالثوب )
عيوب المباحث ( السمعة بين ربعك - طبيعة العمل صعبة - دوامات زي الزفت )
و لاتتوقع المباحث بيحطونك في مكتب ويصكون عليك .
بتكون اعمالك كلها ميدان رصد وتحري وتقارير ومتابعة
يعني يمكن تستلم 6 ساعات في اليوم وتريح 18 ساعة .
الدفاع المدني ( رواتب مقبولة مقارنة مع باقي القطاعات - طبيعة الدوام جيدة - امكانية العمل في اي قرية او هجرة بها فرقة دفاع مدني - دورات على مدرا السنة - المجال مفتوح لمتابعة التحصيل العلمي للدرجات العليا سوى خارج او داخل المملكة )
لازم تستخير
وانا اقول قدم هنا وهناك وكمل اجراءات القبول هنا وهناك وشف
وش بيصير معك .

شوف ترى فيه قطاعات بالمباحث فيها راحه .. والبعض كرف .

انا اخوي موظف فيها .. سألته عن عمل اللي رتبهم رقيب عنده ؟ يقول والله يجون يوقعون ويمشون .. ونقولهم اذا صار شيء اتصلنا فيهم , يقول ما عندهم شيء ..

بس هذا على حسب القسم حقهم . لأن بعض الاقسام كرف مو طبيعي ...

لكن مثل ما قلت انا ماشي هنا وهناك .. وأستخرت حتى في الأثنين .. وان شاء الله ربي يكتب لي اللي فيه خير ..
---

لكن بخصوص الدورات في الدفاع المدني ؟ هل توجد دورات خارجيه ؟؟
وبالنسبه اذا بغيت اكمل ماستر بالخارج ؟ هل توجد احتماليه والا أبطي :D

alhoote · #**3479** (**permalink**) 06-09-2011, 09:12 PM

اقتباس:

المشاركة الأصلية كتبت بواسطة محمد حاسب

________

يا أخوي انا مثلك كنت افكر اروح أطبع القدرات .. علماً بأن تاريخها يعود لـ 1425 !!

بس ما رحت لا الى مقهى ولا أي مكان عشان أطبعه .. فكرت اني اروح بدون شهادة القدرات . لأنها ماهي موجوده بالمستندات المطلوبه .. الله يستر ان شاء الله ما يدققون .

المهم انت وش لك تروح لمركز القياس ؟ روح من الموقع على النت طلع نتيجتك وسوي لها طباعه .. مو لازم أصليه ..

صحيح رابط القياس تقدر تسحب منه النتيجة
وما عو مطلوب اصل .
وهذا رابطهم :
http://www.qeyas.com/Qiyas/results/

alhoote · #**3480** (**permalink**) 06-09-2011, 09:13 PM

اقتباس:

المشاركة الأصلية كتبت بواسطة زيرز

اخوي محمد حاسب كل عام و انت بخير انا رحت لهم مو لاجل اطبعها لا انا رحت لهم لاجل اعرف وش سالفة الثلاث سنوات بس يعني ليه ما يطلعون نتائجنا للدفاع المدني اذا طلب استفسار منهم عن المتقدمين و الا كلامك سليم عن طريق الموقع اطبعها و الله يكتب لنا ما فيه الخير و الصلاح .

اللهم آمين

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

استفسآرآت الدفاع المدني (شروط + مستندات + روابط) الجزء الثاني 1432

إستفسارات ونتائج الوظائف العسكرية

بسم الله الرحمن الرحيم السلام عليكم ورحمة الله وبركاته / هذا الموضوع خآص بإستفسآرآت الدفاع المدني لعام 1432 هـ الجزء الثاني / الجزء الاول اصبح مرجع...

استفسآرآت الدفاع المدني (شروط + مستندات + روابط) الجزء الثاني 1432

تسجيل الدخول

استفسآرآت الدفاع المدني (شروط + مستندات + روابط) الجزء الثاني 1432

إستفسارات ونتائج الوظائف العسكرية

بسم الله الرحمن الرحيم السلام عليكم ورحمة الله وبركاته / هذا الموضوع خآص بإستفسآرآت الدفاع المدني لعام 1432 هـ الجزء الثاني / الجزء الاول اصبح مرجع...

استفسآرآت الدفاع المدني (شروط + مستندات + روابط) الجزء الثاني 1432