12-10-2011, 12:17 AM
|
|
|
|
تاريخ التسجيل: Oct 2010
المشاركات: 4,542
معدل تقييم المستوى: 17578255
|
|
اقتباس:
المشاركة الأصلية كتبت بواسطة محير العشاق
اولا يسعد مساكم
والف مبروك لكل من قبل بالدفاع المدني
انا لي اربعة سنوات وانا عاطل وهذي الخامسه والله يفرجها
كل يوم اقدم بالدوائر الحكوميه ويوعدون وماعنك احد
1429 قدمت بالامن العام بعسير وقبلت نهائي ودخلت الدوره واخذت فيها شهر وربي الشاهد ياجماعه شهر
جاني عسكري ونادا باسمي وقال تعال في لجنة تبيك قلت انا وش هي لجنته قال لجنة تقاس الطول
قاسو طولي وكان 167 وبعدها قالو مع الباب حاولت يمين يسار قلت لهم انا كملت شهر وتجون تطردوني
قالو من الامير نايف الكلام هذا ويعلم الله اني صادق ولما طلعت مع الباب ورب الكعبه الا وانا اشوف البديل الي بيدخل مكاني وربي دخلوها وبعدها جتني حاله نفسيه وخلوها على ربكم
وبعدها كل ما يجي تقديم واقدم ولما اروح يقولون طولك قصير ليش وش يسوي الطول بيوديني القمر ولا شنو
انا باعمل كذا ولا كذا طولي 167 وش تبون بعد وش هالحاله
واليوم بالدفاع المدني انا خلصت كل شي اختبرت سواقه وسباحه وغوص ونجحت فيها ولما جا الكشف الطبي اليوم بالشـــــــــــــرقيه قاسو طولي قالو انت راسب طيب ليش مو من البدايه لاني خسرت مبالغ كبيره للطايرة والشقه ولتدريب على السباحه والله قهر ياعالم ابوي كبير سن وقلت لهم انا والله محتاج ياعالم 5 سنوات عاطل ومعي خبرة لكل شي من حاسب وشهادة غوص وسباحه ورخصه نقل ثقيل وسلامتكم
ادري ان الرزق بيد الله بس ابي مساعده والي يرحم والديكم الي يعرف احد بالشرقيه تكفون يالربع
5 سنوات عاطل وقالو الوطن بيوظفني ولا شي كله عشان طولي
وربي ابوي طفش مني واهلي طفشو مني والجماعه يعايروني وانا بحاله لا يعلمها الا ربكم
علما انــــآ معي ( شهادة حاسب الي رخصه دوليه - شهادة سباحه وغوص - رخصه نقل ثقيل - شهادة دورة تاهيليه للوظيفة )
وسلامتكم
.........
|
اخوي الله يعوضك بخير من هالوظيفة
الكلام الي قالوه لك صحيح
الطول في كافة قطاعات وارة الداخلية 168 سم بالضبط
ولا ينقص حتى لو ربع سم .
عموماً جرب حظك في قطاعات وزارة الدفاع والحرس الطول عندهم 165سم .
الشي الثاني الي ودي اقولة لك تعليق على كلامك .
(( الا وانا اشوف البديل الي بيدخل مكاني )).
الكلام هذا مو صحيح لسبب
الوظائف باقي ما تحددت عشان تقول بديل
يعني لو كانت وظيفة وحدة وانتم تتنافسون عليها يمكن اقولك صح كلامك
لكن الوظائف كلها ما تحددت
واساساً ما زال فيه نقص في المتقدمين وبيسحبون مرة ثانية
فكيف حكمت على اللي بعدك انة بديل لك
وكانك تقول مصرفيني عشان يدخلونة مكاني .
هذا الي حبيت اوضحة لك
لا تحط في ذمتك شي الا وانت متاكد منة 100%
عشان ماتظلم احد وانت ما تدري
والله يعوضك باخير من هالوظيفة
|
العرض العادي
