استفسآرآت الدفاع المدني (شروط + مستندات + روابط) الجزء الثاني 1432

فرانشسكو · #**7431** (**permalink**) 22-12-2011, 09:24 PM

اقتباس:

المشاركة الأصلية كتبت بواسطة عفريت

بسم الله الرحمن الرحيم
السسسسسسلام عليكم مسسساكم الله بالخير
يالربع تكفوووون هدوووو شوي
ترى وربي الحاله اللي انتوا فيها الحين وربي كنا فيها وربي الغالي ويمكن العن من الشيء اللي انتوا فيه

بالنسبه لموضوع الدوره ابي افهمكم على شغله حنا مافهمناها الا بالدوره وبعد الدوره فيه بالدفاع المدني قسم اسمه قسم التخطيط والتدريب هذا قسم لحاله ماله شغل بمركز التدريب طبعا التخطيط والتدريب عقب مايسوي الخطه يرسل خطاب لمركز التدريب يقول له الدوره باليوم الفلاني ويرسلون عليكم رسائل تحضرون عندهم في مركز التدريب ويعيدون قياس الطول والوزن لكم ويكون فيها طرد لاي شخص ماهو بالطول المطلوب او عدوه بالواسطه ويكون مشرف عليها قائد المركز شخصيا عقب الطول مطابقة اوراق عقبها محاضره عقبها يعطونكم الطلبات

عقبها الغوص الغوص شيء مهم لك انت يالشخص لانك اذا مانقذت احد تبي تنقذ نفسك واختبارها يكون كالتالي في مركز التدريب

كرول يعني تسبح على البطن الين توصل عقبها ترجع على الضهر عقبها توقف في المويه عقبها تطلع يدك اليمين عقبها اليسار عقبها الثنتين يسمونها حركة السيكل
عقب كذا تركب جهاز الغوص وتلبسه انت والمرافق اللي معك يعني زميلك يساعدك عقب تنزل المويه على ضهرك وتفرغ الهواء وتلبس النضاره تحت المويه وتفرغ الهواء منها وتغوص تحت وتطلع دميه
وترى كل حركه محسوبه عليك واهم شيء ان الواحد منكم يكون واثق من نفسه يعني لايفكر بالضباط او الرتب يسوي ان مافيه احد قدامه وتراها وربي الغالي سهله بس تبي لها ثقه بالنفس ويكون الشخص ايمانه بالله قوي
بالنسبه للطول والوزن ترى يدققون بالطول اكثر من الوزن الوزن يقدرون يتغاضون منه
بالنسبه للمقابله اساله عاديه اراكان الايمان الاسلام الفاتحه من الملك من النائب ويش عاصمه الكويت اذا ماحد عارف مثل هذي الامور الله يعينه يعني اساله تعتمد على سرعة البديهه او ويش لون الجدار اللي وراك يعني لا حد يناضر وراه عشان يعرف لون الجدار اكيد الغرفه كلها لونها واحد

اللياقه يخلونك تهرول بالميدان بالعرض تروح وتجي يعني اركض ولا تركض مره يعني نص ونص لانك بسوي الضغط وتمرين البطن بعدها مباشره

بالنسبه للسواقين لازم تعشق اربع نمر وانتبه لازم تربط حزام الامان اول شيء عقب اذا بتلف تدق اشاره وانتبه لا ترتبك وكلمتين حلوه للمرافق اللي معك مايقصر
بالنسبه للي يقول الفرز النهائي معا احترامي له غلطان الدفاع المدني هو القطاع الوحيد اللي مافيه فرز نهائي فيه دوره اساسيه ودوره اضافيه يعني لاحد يقول فرز اللي الله بيوفقه بيدخل اساسي اللي غير كذا بيدخل بالاضافيه ولا حد يلعب بعقولكم

انا شخصيا خلصت اوراقي وانتضرت سنه ونص الين دخلت الدوره الاضافيه

بالنسبه للي يقول افلان قالي وعلان قالي والله وربي الغالي ان العقيد حق المركز انه مايعرف متى تنعقد الدوره يمكن انه يخمن او يقولوها يبي يريحكم لانها تجي من التخطيط والتدريب يقولون لهم الدوره اليوم الفلاني بالمنطقه الفلانيه وخذوا كلام واحد كان قبلكم بالدوره والحين متوظف وعارف الشغل كله

بالنسبه للدوره حاول او ماتجي يكون عندك لياقه لانك بتدخل الساعه 6 الصباح والباكستانيه بيشتغلونك من 6 الا 8 ونص اجلس انهض واللي يقول غير كذا يقابلني وبتتذكرون كلامي اول ماتدخلون

القبيله والرجله وهذي احذفها عند البوابه لانك تنتقل من حياه مدنيه لحياه عسكريه الباكستاني لو كتب فيك محضر اكلك تراب يعني لاحد يقول باكستاني وماعلي منه مدرب مثله مثل السعودي بالرتبه وبكل شيء وانتبهوا لاحد يقول له ياصديق وتراهم عارفين كلامنا كله ويعرفون يقرون ويكتبون عربي يعني الحذر ويجازيك باي جزاء ماحد يقدر يقول له اي شيء والي جندي او عريف او وكيل رقيب او رقيب كلكم في المركز التدريب في عين وحده يعني مافيه فرق الخمسه والاربعين بتاخذونها كامله تكون كلها ميدان عقبها يكون عندكم حصه صباح وحصه مساء والباقي دراسه يعني راحه تامه ماعندكم غير النوم

بالنسبه للراتب للجنود بالدوره يستلمون 5500 وهم بالدوره عقب الدوره 7400 والسواقين والغواصين بالدوره نفس الشيء بس تختلف اصنافهم بعد التخرج وانتبهوا وانتوا داخل الدوره في الخمس والاربعين من الاشاعات بنطلع بعد شهر بعد عشرين يوم بتاخذونها كامله يعني لاحد يلعب بنفسياتكم لانها اهم شيء بالدوره
اتمنى اني قدرت افيدكم او اهون عليكم شيء وعسا فالكم التوفيق دنيا ودين واشوفكم معي بنفس المركز عشان اسوي قديم عليكم واجازيكم

الحـــــوت الله لا يهينك وش رايك بذا الكلام

نايم طول السنه · #**7432** (**permalink**) 22-12-2011, 11:13 PM

ياعيال بالله لاهنتم تكفون وضحو لنا كلآم عفريت ذا

سبحان الله وبحمده - سبحان الله العظيم

قوقل سكاكا · #**7433** (**permalink**) 22-12-2011, 11:17 PM

م يصير ،،

الله يعوضني بأحسسن مآبيهآ ي رجآل

عوآفي لك

م يصير · #**7434** (**permalink**) 23-12-2011, 12:48 AM

اقتباس:

المشاركة الأصلية كتبت بواسطة بريماسون

والله لو ادري اني بدخل الدورة معك او على شاكلتك لاسحب عليها

شوف حبيبي حاول إنك م تتجاوز حدودك
كل اللي هنا أعتبرهم أخواني يعني إذا م عجبك شي من الكلام اللي هنا لا تتمسك فيه وتطبقه
ترآ منت مجبور
وما أرضى لأحد يغلط على أخواني
والله يعوضك باللي خسرته

alhoote · #**7435** (**permalink**) 23-12-2011, 01:04 AM

اقتباس:

المشاركة الأصلية كتبت بواسطة عبدالرحمنٍٍ

السلام عليكم ورحمه الله وبركاته

أخي الحوت أنا من الدفعه الاولى ونقبلت على وكيل رقيب وبعدين لما جيناهم كان النقيب الاحمد موجود ويقول الي شهادته ثلاث سنوات وكيل رقيب وبدا ينادي بالاسامي وبعدين وقف وراح وقعد حوالي ساعه ورجع وقال اي واحد شهادته الجامعه المتوسطه كان سنتين ونص او سنتين او ثلاثه كلهم عرفاء ونوقع تعهد طبعا هذا الكلام قبل تقديم الامن العام والمخدرات والسجون الحين كل القطاعات عطو على السنتين ونص وثلاث سنوات وكيل رقيب بكل القطاعات العسكريه الا الدفاع المدني أكيد الحين الي مقدم باكرليوس بالدفاع على وكيل رقيب يقول أروح الامن العام أفضل لي ويعطوني رقيب والي معه دبلوم ومقدم على الدفاع اكيد بعد بيروح الامن العام وياخذ وكيل رقيب احسن من العريف الحين الي عرفناه أنه الرتبه المستحقه بالدفاع المدني للدبلوم سنتين ونص وثلاث سنوات وكيل رقيب وانا أتوقع من الي نقبلو نهائي بدفاع راح يصير نسحاب كثير ومن ضمنهم انا مقدم على الدفاع ثلاث سنوات دراستي ونزلوني عريف بعد التردد والحين الامن العام قبلني وكيل رقيب والسجون كذالك والمخدرات كذالك

السؤال هنا ممكن أنهم يغيرون الرتبه لنا ويعطوننا وكيل رقيب تبي تقولي الارقام مش مثل الامن العام الامن العام كثيره أقولك السجون قليل الي طالبينهم والمخدرات مثلها لماذا لا يعطوننا حقنا الدفاع انا الحمدالله نقبلت نهائي بدفاع بس الامن العام قبلني وكيل رقيب ونا شكلي بروح وكيل رقيب الا اذا صار شي وغيرو الرتب الدفاع المدني وعطونا حقنا

أرجو ان تجاوب اخي الحووت على خبرتك وماتشاهد بالمعهد وماتسمعه

واذا ماعندك اي خبر عن الكلام الي قلته أنا أطلبك أنك تسال عن الكلام الي قلته انا وفقك الله ونبي نشوف الرد جزاك الله خير

كلامك صحيح وانا معك 100%
الغريب ان الوظائف نازلة من وزارة الداخلية يعني كل القطاعات تحت مسمى وزارة الداخلية
ويمكن هذا الي خلى الدفاه المدني يتاخر في دخول الكلبة للدورة
واتمنى ان يتم مراجعة الشروط وتوحيدها .
يعني الطول اتفقوا على ان يكون 168 سم ليش ما يتفقون على الرتبة لكل شهادة
ويريحون العالم
واذا استمر الدفاع المدني في هالشروط اكيد العالم بتروح لباقي القطاعات وتخليهم .

alhoote · #**7436** (**permalink**) 23-12-2011, 01:07 AM

اقتباس:

المشاركة الأصلية كتبت بواسطة yasir

ياجماعة عطوني رايكم
جتني رسالة البارح تم قبولك مبدئي لاكن موعدهم السبت بعد بكرة وأنا مامعي شهادة غوص
اروحلهم ولا لا وحتى مامعي الا الثانوي لا دورة ولا ذي ولاذيك

وبعدين وشو الكشف الطبي الأولي ومن وين اخذة

تكفون افيدوني الوقت يداهمني

غريبة ان موعدك بعد بكرة
تاكد لا يكون السبت اللي بعده في شهر 2
على اي مركز بتراجع انت

alhoote · #**7437** (**permalink**) 23-12-2011, 01:23 AM

اقتباس:

المشاركة الأصلية كتبت بواسطة فرانشسكو

الحـــــوت الله لا يهينك وش رايك بذا الكلام

ههههه
الرجال شطح شوي

دخل اجراءات القبول مع الدورة وطلع من الخمس واربعين يوم ورجع مع الباكستانية ( سديق)
اول اجراء عند الدخول للدورة هو قياس الطول وبعدها ما فيه اي اختبارات ثانية .
باقي المعلومات الي قال عليها كلها انتم خلصتوا منها في القبول

عزوز التميمي · #**7438** (**permalink**) 23-12-2011, 01:25 AM

اخوي الحوت و م يصير

سؤال لا هنتو

انا دخلت الموقع ولقيت تحدد موعد الكشف الطبي يوم الثلاثاء القادم في الطايف ولله الحمد

السوال الحين هل انا بسوي الكشف الطبي في نفس الموعد وبالطايف

ولا يعطون اوراق الكشف الطبي ويقولون لي خلصها بالمدينه الي انت فيها ..؟؟

عبدالرحمنٍٍ · #**7439** (**permalink**) 23-12-2011, 01:33 AM

اقتباس:

المشاركة الأصلية كتبت بواسطة alhoote

كلامك صحيح وانا معك 100%
الغريب ان الوظائف نازلة من وزارة الداخلية يعني كل القطاعات تحت مسمى وزارة الداخلية
ويمكن هذا الي خلى الدفاه المدني يتاخر في دخول الكلبة للدورة
واتمنى ان يتم مراجعة الشروط وتوحيدها .
يعني الطول اتفقوا على ان يكون 168 سم ليش ما يتفقون على الرتبة لكل شهادة
ويريحون العالم
واذا استمر الدفاع المدني في هالشروط اكيد العالم بتروح لباقي القطاعات وتخليهم .

أخوي الحوت مشكور على الاجابه وأنا أناشدك أخي الكريم أنك تسال عن الموضوع هذا بدفاع وياريت تكلم الرائد الاحمد ان الموضوع الي انا طرحته وتقول الكثير يتكلم عن هذا الموضوع وانا أعرف كثير يا اخي الحوت يقولون اذا الدفاع ما عطانا الرتبه المستحقه سووف نا ذهب الى الامن العام أكيد الواحد يدور المصلحه له .

أتمنى أتمنى منك أخي الحوت البحث في هذا الموضوع مع الرائد الاحمد والله لو انا قرريب من الرياض لاكان ذهبت وسالته بما انك قرريب والسبت بتحضرر ياريت تفيدنا والكثير يستفسر عن الموضوع هذا لن الكثير بيروحون للامن العام والدفاع راح تصير فيه مشاكل وكل شوي سووف يطلعوون دفعه الى متى اذا كل دفعه طلعت وقالت نفس القلناه نفس الطريقه بعد ياريت ياريت تبحث وانا أطلبك خاااص اخي الحوت أنك تستفسر عن الموضوع وسوف ننتظر منك الرد أخي الكريم

حسن كو · #**7440** (**permalink**) 23-12-2011, 07:28 AM

اقتباس:

المشاركة الأصلية كتبت بواسطة alhoote

كلامك صحيح وانا معك 100%
الغريب ان الوظائف نازلة من وزارة الداخلية يعني كل القطاعات تحت مسمى وزارة الداخلية
ويمكن هذا الي خلى الدفاه المدني يتاخر في دخول الكلبة للدورة
واتمنى ان يتم مراجعة الشروط وتوحيدها .
يعني الطول اتفقوا على ان يكون 168 سم ليش ما يتفقون على الرتبة لكل شهادة
ويريحون العالم
واذا استمر الدفاع المدني في هالشروط اكيد العالم بتروح لباقي القطاعات وتخليهم .

إش الي

يا الـ حووت .. !!

ههههههههههه

الله لا يحرمنا منك ومن جديدك يا بعدهم ..

بيسـ~