استفسآرآت الدفاع المدني (شروط + مستندات + روابط) الجزء الثاني 1432

يمقن عاطل · #**7661** (**permalink**) 26-12-2011, 07:43 PM

اقتباس:

المشاركة الأصلية كتبت بواسطة عاطل الا شوي

آخوي مايصير
انا طبعت ورقة الكشف الأولي الطبي
من الموقع ورحت الاول المستوصف اللي بالحي قالوا لازم مستشفى حكومي
ورحـت مستشفى الأمير سلمان وقالوا لي عند مركز الملك سعود للأمراض الصدرية
لما رحـت لهم هنآك قالوا ماعندنا / (بس وظائف مدنية) أستغربت من هالكلمة
المهم // انا اللي ابي اوصل له
(المستشفى اللي يسوي لي الكشف هذا وين؟؟؟)

اي مشتشفى حكومي او اهلي طال عمرك الموضوع بسيط انا سويته في مستوصف اهلي بميه ريال الله يوفقنا جميع

يمقن عاطل · #**7662** (**permalink**) 26-12-2011, 07:49 PM

اقتباس:

المشاركة الأصلية كتبت بواسطة ضامي ا

ياشباب انا عندي موعد يوم السبت مبدئي وابغى اللي يعرف طريقة لبس ادوات الغوص يعلمني تكفون يارجال

اذا انت من نجران ولا تعرف قريب لك بيرسله لك اقدر اخدمك انا عندي سي دي مشتريه ب500 اقدر اعيرك اياه

يمقن عاطل · #**7663** (**permalink**) 26-12-2011, 07:53 PM

اقتباس:

المشاركة الأصلية كتبت بواسطة مشاغب جدا

اتوقع والله اعلم انه الورقة الصغيره اللي عطوك اياها حقين الادلة الجنائية

انا سلمتهم اوراقي بالاضافه الى ورقه الادله الى الرائد احمد قال شيلها تجينا رسمي يعني هاذي تفيدك انت اذا بتستلمها هما تجيهم رسمي فيها بصماتك واسمك وارقامك

ضامي ا · #**7664** (**permalink**) 26-12-2011, 08:00 PM

اقتباس:

المشاركة الأصلية كتبت بواسطة يمقن عاطل

اذا انت من نجران ولا تعرف قريب لك بيرسله لك اقدر اخدمك انا عندي سي دي مشتريه ب500 اقدر اعيرك اياه

ههههههههه مشتريه بخمس مية كثر منها
لا لا تسلم اخوي ماتقصر ما ابغى اكلف عليك يمكن يخرب خخخخ

وأنابعدعاطل · #**7665** (**permalink**) 26-12-2011, 08:57 PM

اخوي م يصير

المسبح الي انت اختبرت فيه كم طوله وعمقه ويخلونك تغوص بدون معدات قبل

لاهنت يابعدي

سيف الشعر · #**7666** (**permalink**) 26-12-2011, 10:02 PM

اقتباس:

المشاركة الأصلية كتبت بواسطة ضامي ا

ياشباب انا عندي موعد يوم السبت مبدئي وابغى اللي يعرف طريقة لبس ادوات الغوص يعلمني تكفون يارجال

انصحك تاخذ دوره انا بعطيك الي عندي
اول شي تاخذ حزام الاثقال على حسب وزنك بالعاده يحطون لك 4 كيلو وكل ماصرت اثقل تحتاج اكثر اوزان انا خذيت خمسه لاني دب اشوي

تلبس الاوزان وهي على شكل حزام تلبسها على بطنك بتصير حول سرك وتشدها بحيث انها ماتضغط على بطنك ولا تنزلق منك
خذ النظاره علشان تسوي فاهم قدامهم حطها على عيونك بدون ماتلبسه واشفط من خشمك هوا واصبر خمس ثواني اذا ماطاحت النظاره سليمه اللبسها او بس علقها بارقبتك علشان تلبسها اذا جهزت
عقبها تشوف الاسطوانه قدامك تلبسها كانها شنطه ولها طريقه اللبس شف الي قدامك كيف يلبس واللبس مثله يعني توقف الاسطوانه مدري كيف اشرح لك لكن شفهم وسو مثلهم بتشوفهم طوابير قدامك يلبسون ا>ا لبست الاسطوان وشديت احزمتها تعرف جلسة الرجال وقت العزيمه الي تجلس على ركبتك المهم تجلس هالجلسه وتلبس الزعانف واذا فيه جزمات اللبس اول شي الجزمات تلقاهن جنب الزعانف بعدين تلبس الزعانف ماعليك انا اعطيك الصوره بالاختبار بتشوف العالم وتقلدهم لبست الجزمات وزعانف الاسطوانه تذكر بالوقت هذا انك بطه يعني بتمشي على ورى وتوقف على طرف المسبح .
ابشرح لك بعض الادوات قبل اعلمك طريقة الطبه
طبعا عندك ثلاث ليات يعني خراطيم او اسلاك
واحد ينفخ البي سي وينسمه طبعا مثل ماتعرف انت معك اثقال يعني الي بيرفعك الهوا الي بالبدله الي لابسها واسمها بي سي والي بنزلك انك تنسم البي سي بتحصلهن زرين جنب بعض اقصد فوق بعض.
اللي الثاني خرطوم تحطه بفمك وبتعضه تتنفس منه

تتنفس بفمك شهيق وزفير والخرطوم بفمك وتعضه علشان لاينطلق واول ماتمسك الخرطوم انفخ فيه علشان لو فيه ماء يطلع علشان لاتغص علينا ونبلش بك

الخرطوم الاخير هذا ماعليك منه يعني صحيح انت بتسوي فاهم وتناظر له لان فيه بوصله وكمية الهواء النقي المضغوط الي بالاسطوانه وفيه شي ثالث نسيته ممكن يكون العمق ناسي مدري وشو بالضبط كل الاشياء
............
نرجع للوضيعة النزول بالماء ترجع وتمشي على ورى وتوقف على طرف المسبح معطيه ظهرك
تلبس النظاره تجيب الخراطيم كلهن تخليهن قدام قدام كتفك الايمن او الايسر يعني لاتخليهن ورى ظهرك واحد من الخراطيم لو تذكر قلت لك انه يلعب دور يرفعك وينزلك فيه زرين جريهن واعرف وش الي ينفخ والي ينسم وجرب انفخه ونسمه علشان تتاكد ان كل شي سليم الحين انت تبي تطب المسبح يعني لازم تنفخه علشان اذا طبيت المسبح ماتغوص على طول خله منفوخ وتمسك خرطوم الهوا وتحطه بفمك تنتنفس فيه اشوي تعود عليه تحط يدك بعدها اليمنى على النظاره والخرطوم كانك بتعطي نفسك كف يدك مبسوطه تحطها على النظاره والخرطوم حق الهواء (الفايده علشان الماء لايضرب النظاره ماتطيح وعلشان خرطوم الهوا مايطيح منك)
الحين يدك اليمنى علىا لنظاره والخرطوم يدك اليسرى تخليها ورى ظهرك على الاسطوانه مجرد ان يدك تمسك الاسطوانه والخرطومين تاكد انهن قدام يعني ماهن ورى ظهرك الي بقن خرطوم البي سي الي ينفخ وخرطوم الي فيه كمية الهوا والبوصله والعمق.
الحين تبي تطب على ظهرك بتشوف العالم وسو مثلهم ابعلمك الطريقه انا تثني ركبك اشوي وتحني ظهرك وتطب على ظهرك يعني كانك شجره ضربوها بفاس وطاحت ماتنط ماتسوي اي شي.
الحين انت بالماء والبي سي رافعك لان فيه هوا الحين ابعد يدك عن خرطوم الهوا وخلك عاضه وتنفس عاد وتمسك الخرطوم الي ينفخ ويفرغ البي سي هذا اهم شي الحين تمسكه بيدك اليمنى او اليسرى حسب موقعه تعطي اشاره انك مستعد ويعطيك اشاره الي معك انك تغوص

تنسم البي سي على شوي شوي وحافظ على توازنك انت طريقة الغوص انك تنزل وانت واقف تفرغ البي سي وبتنزل غصب عنك حافظ على توازنك لين توقف تحت الماء طبعا لازم يهايط بك الي معك تحت ويخيلك تجلس جلسة التشهد علشان يشوف توازنك
لاتقلق من شي بتحس بقوة الضغط واذانك بتتسكر الحل تسد خشمك بايدك وتنفخ بقوه من خشمك لين يروح الضغط وتقدر تاشر على اذنك وهو بيفهم وبعدين تسوي حركة الضغط وبعدها تعطيه اشاره ان كل شي تمام زي الي تحت

وبيعطيك اشاره انك تروح تسبح طبعا يالوح يدينك ماتحركهن وانت تسبح انت عندك زعانف بس تحرك رجلك وتسبح بالراحه ادا اعطاك الاشاره رح اسبح طبعا ماتروح كعابي

تسبح على بطنك بس تحرك الزعانف وبعدين ترجع له ممكن يرمون لك ثقل تجيبه ويعطيك اشاره اذا خلص علشان تنفخ البي سي وتطلع فوق الاشاره زي هذي

طبعا بعلمك حركه علشان تاخذ درجات زينه اذا بغيت تنفخ البي سي وتطلع تظغط عليه وتمسكه بيد تنسمه بشويش ويدك الثانيه ترفعها فوق كنك باول ابتدائي وودك تجاوب على سوال سئله المدرس ترفع يدك فوق لين ماتطع من الما وتتاكد انك خلاص طلعت للسطح الماء الحكمه لو سالك احد وش ذي الحركه ياولد قله علشان لو فيه شي فوقي مايضربه راسي سواء حديدة السلم الي بالمسبح او بالبحر قوارب او اي شي.
انتهينا وانت طلعت الحي اتروح تسبح للسلم حق المسبح ماتروح على بطنك السباحه على ورى بس تحرك الزعانف اذا وصلت تفصخ الزعانف تعطيهم وتفصخ النظاره وترقى انت واسطوانتك

انا اخاف اني ناسي شي لكن هذا الي قدرت عليه اي واحد عنده تصحيح ترى الكمال لله وحده

سيف الشعر · #**7667** (**permalink**) 26-12-2011, 10:13 PM

اقتباس:

المشاركة الأصلية كتبت بواسطة وأنابعدعاطل

اخوي م يصير

المسبح الي انت اختبرت فيه كم طوله وعمقه ويخلونك تغوص بدون معدات قبل

لاهنت يابعدي

مافيه غوص بدون ادوات كل شي بادوت الا اختبار السباحه لكن العمق مدري حنا بالقصيم العمق اربعه متر

وأنابعدعاطل · #**7668** (**permalink**) 26-12-2011, 10:15 PM

ياشباب الي مقدم با الرياض
شهاده الثانويه الاصل في الكليه هل لازم اجيبه بس انا عندي صور مختوم عليهن با المدرسه
اخاف اذا ماجبته يشغلونن وش السوات يا شباب الفزعه تكفون

سيف الشعر · #**7669** (**permalink**) 26-12-2011, 10:23 PM

اقتباس:

المشاركة الأصلية كتبت بواسطة وأنابعدعاطل

ياشباب الي مقدم با الرياض
شهاده الثانويه الاصل في الكليه هل لازم اجيبه بس انا عندي صور مختوم عليهن با المدرسه
اخاف اذا ماجبته يشغلونن وش السوات يا شباب الفزعه تكفون

اذكر قالنا الضابط الي مقدم بالثانوي يجيب طبق الاصل لكن مدري اذا بيستقعدون لك او لا اذا انت بالقصيم هذا الي بيصير لك طبق الصال للثانوي والي عنده شهاده اعلى يجيب الاصل

وأنابعدعاطل · #**7670** (**permalink**) 26-12-2011, 10:51 PM

اقتباس:

المشاركة الأصلية كتبت بواسطة سيف الشعر

اذكر قالنا الضابط الي مقدم بالثانوي يجيب طبق الاصل لكن مدري اذا بيستقعدون لك او لا اذا انت بالقصيم هذا الي بيصير لك طبق الصال للثانوي والي عنده شهاده اعلى يجيب الاصل

جزاك الله خير

اجل اتوكل على الله

ترا انا من القصيم ماله داعي ارجع يقولون جب الاصل
الله يسهل الامور

استفسآرآت الدفاع المدني (شروط + مستندات + روابط) الجزء الثاني 1432

إستفسارات ونتائج الوظائف العسكرية

بسم الله الرحمن الرحيم السلام عليكم ورحمة الله وبركاته / هذا الموضوع خآص بإستفسآرآت الدفاع المدني لعام 1432 هـ الجزء الثاني / الجزء الاول اصبح مرجع...

استفسآرآت الدفاع المدني (شروط + مستندات + روابط) الجزء الثاني 1432

تسجيل الدخول

استفسآرآت الدفاع المدني (شروط + مستندات + روابط) الجزء الثاني 1432

إستفسارات ونتائج الوظائف العسكرية

بسم الله الرحمن الرحيم السلام عليكم ورحمة الله وبركاته / هذا الموضوع خآص بإستفسآرآت الدفاع المدني لعام 1432 هـ الجزء الثاني / الجزء الاول اصبح مرجع...

استفسآرآت الدفاع المدني (شروط + مستندات + روابط) الجزء الثاني 1432