اقتباس:
المشاركة الأصلية كتبت بواسطة عاطل الا شوي
الحمد لله مشت اموري ، امس اختبرت لياقة وقبلها المقابله الشخصيةوتدقيق البيانات
وكل ماخلص من شيء يعطوني موعد تجي في يوم كذا
وموعدي الآن يوم الإثنين : 15/2/1433هـ . ( موعد اختبار الغوص والسباحة)
حبيبي قلبي اللي اسمه ( م يصير ) ماقصر قال لي كذا وكذا وكذا . على رسالة خاصة
بس الإنسان نساي والله يعين . النسيان نعمة واحيانا تبهذل الشخص
فـ ياليت اللي اختبر اختبار الغوص والسباحة يعلمنا ( سباحة بطن وظهر ووقوف على الماء )
لاكن المشكلة تكمن في السؤال عن معدات الغوص ؟ !!
|
مبروووووووووووووك ي بعدي فرحت لك والله
الحين يجي دور إختبار السباحه والغوص
شوف ي قلبي المسبح طويل شوي تقريبا طوله 4 - 5 متر , وعمقه حوالي 3 - 4 أمتار وعمق متدرج
بيجلسون لجنة الإختبار على نهاية المسبح والمسبح مقسم إلى 5 أقسام
تجلسون فوق في المنصه وينادون مجموعات
كل 5 يوقفون جنب بعض على حافة المسبح بيعدين يقولون يلا نطوا
وتنط وتروح بطن ومثل م قلت لك خلي سباحتك خفيفه لا تسرع ولا تخاف عشان م تتعب
قبل لا توصل عنده بشوي بيقول لك وقف بيشوف حركة يدينك ورجولك داخل الماء بعدين يقول لك
تعال ريح شوي بعدين ترجع ظهر
إذا إجتزت السباحه بيقول لك خلاص رح إجلس على جنب تريح إلين يخلصون من كل الموجودين بإختبار السباحه
طبعا اللي ينجح يخلونه على جنب واللي م ينجح يطلعونه
بعدها ي بعدي بتجي وتلبس معدات الغوص وهي جاهزه بس تلبسها على طول
شوف أنا رآح أقول لك خطوات إتبعها وبإذن الله تعدي فيها
- إلبس النظاره وحطها فوق رآسك ( سوي فاهم شوي قله فيه معجون أسنان عشان أمسح فيها النظاهر عشان الضباب )
أنا قلت له كذا قال ي خي لا تقهرني هههههههههههههه
( هي ماهي مطلوبه بس طريقتها إنك تحط شوي معجون أسنان داخل عدسه النظاره وتفرك شوي بعدين تغسلها عشان م يجي عليها ضباب )
- بعدين إلبس حزام الثقل .
- خذ الزعانف وحطها ع الأرض جنب بعض .
- رح عند الإسطوانه ووقفها إمسك موزع الهواء وإضغط عليه شف يطلع هوا أو لا عشان تفك مقبض الهواء من الإسطوانه , بس أغلبها يخلونها مفتوحه .
- إلبسها وأعقتد تعرف طريقة لبسها لأنك تعلمتها .
- بعدين تعال عند الزعانف دخل رجلك اليمنى بالزعفنه وإرفعها وإسندها ع اليسرى وأقفلها
بعدين دخل رجلك اليسرى بالزعنفه وإسندها ع اليمنى وإقفلها .
- ونزل النظاره على عينك , وإنفخ الطفويه , وحط موزع الهواء في فمك
- رح لحافة المسبح وخلي ظهرك للمسبح وإسند ركبك وإنزل على ظهرك .
بيقول لك إنزل جيب أي شي بالأسفل , ورقة أو ثقل بعدين إطلع , طبعا بتفرغ الطفويه وبتنزل
إذا جبتها لا تطلع بالمعدات , وإنت بالمسبح أول شي إفصخ حزام الثقل وحطه ع المسبح من برآ
بعدين إفصخ الطفويه وحطها فوق أو بتلآقي احد فوق بيآخذها منك
بعدين بتطلع إنت إذا لقيت الإسطوانه واقفه أمسكها وإسدحها وإذا سألك ليه قل عشان م تنكسر
( عشان يعرف إنك فاهم بعد
)
إذا سألك بيسألك أشياء عاديه , مثلا ع الجاكيت وش أسمه بتقول الطفويه , والحزام طبعا حزام الثقل
أو يقول لك وين اللي ينفخ الطفويه واللي ينسمها أشياء سهله
أنا كنت آخر واحد ترآ م غصت قال لي إلبس لما لبست قلت لها وين المعجون قال ليه قلت عشان م يصير فيه ضباب بالنظاره ضحك وقال م شاء الله فاهم
قلت ايه قال أفصخ خلاص لا تغوص نآجح يوم فصختها قلت بأسدح الإسطوانه
قال ليه قلت عشان م تنكسر قال أقول لا تقهرني خلاص والله إنك ناجح هههههههههه
لأن هذي أشياء درستها لما أخذت شهادة الغوص
أدري سولفت كثير بس أبيك تآخذ إحتياطاتك
والله يوفقك ي رب
05-01-2012, 04:53 PM
العرض العادي
