استفسآرآت الدفاع المدني (شروط + مستندات + روابط) الجزء الثاني 1432

alhoote · #**3081** (**permalink**) 01-09-2011, 05:04 AM

اقتباس:

المشاركة الأصلية كتبت بواسطة دمامي شرقاوي

ما اقول الا الله يرزقنا بوضيفه احسن منها وانا تم قبولي المبدئي بس ما بروح والسبب انه في اختبار النظر في الحروف الكبيره ما يحتاج نظاره اما الحروف الصغيره لازم نضاره وعندهم الي يلبس نضاره غير معدي ما اقول الا حسبي الله ونعم الوكيل . الي عنده الواسطه مريح ولا هامنه شي الله لنا .

طيب انت جربيت تقوس نظرك عند مستوصف اهلي وتخلية ينصحك وش المطلوب منك عشان تعدي هالمرحلة .
بعدين على فكرة كل الوظائف الحكومية فيها كشف نظر .
جربت تسوي ليزك او الترا ليزك .
على طول حكمت على انهم بيرفضونك بدون ما تسوي اسباب تساعد على قبولك
انت بكلامك تقول انا بجلس في البيت الين تجيني واسطة .
فيه الف حل لمشكلتك
بس انت ما عندك استعداد انك تحلها .
اعذرني اذا كثرت عليك الكلام بس هذا هو الواقع
قبل شوي واحد يقول بسافر الرياض عشان دورة غوص
ليش ما قال ما اعرف اغوص وبجلس
واللي عنده واسطة هو اللي بينقبل .
فكر في الموضوع
وبالتوفيق

alhoote · #**3082** (**permalink**) 01-09-2011, 05:14 AM

اقتباس:

المشاركة الأصلية كتبت بواسطة مدريديستا

والله مامعي شهادة سباحة وغوص والله يعين ابروح لهم
اذا فيها خير لنا انقبلنا

اسمح لي
لا تقول هالكلام
هذا كلام وحيلة الضعيف
اساساً انت ما عندك رغبة في الوظيفة
وما عندك استعداد تسوي شي عشان تتوظف
اذا الله منعم عليك وما تحتاج الوظيفة
فقل الحمد لله ماني بحاجة الوظيفة رغم انهم قبلوني مبدئي
اما تجي تقول ما اعرف اسبح ولا عندي شهادة
وانت قاري الشروط وعارف الموضوع من الى فهذا الكلام مرفوض
بعدين بتقول ياليت ( وامانة اذا قلت هالكلامة ) تذكر كلامي اللي كتبتة لك الحين .
اعذرني اذا ثقلت عليك بالكلام لكن بعلم الله اني ابي مصلحتك
وانا اسف على اي كلمة بتحس فيها ان مالي حق اقولها لك .
والله يوفقك .

م يصير · #**3083** (**permalink**) 01-09-2011, 05:17 AM

[align=center]حبيبي الحوت أخذ ملف علاقي أخضر عادي أبو أطرافه حديد وإلا أخد اللي أطرافه بلآستيك ؟؟؟
لأن بعض القطاعات يشترطون نجيب اللي أطرافه بلآستيك
تعرف مابي أتقروش عندهم ويردوني عشان ذآ الشي !![/align]

عيون مساهير · #**3084** (**permalink**) 01-09-2011, 05:20 AM

اقتباس:

المشاركة الأصلية كتبت بواسطة م يصير

[align=center]حبيبي الحوت أخذ ملف علاقي أخضر عادي أبو أطرافه حديد وإلا أخد اللي أطرافه بلآستيك ؟؟؟[/align][align=center]
لأن بعض القطاعات يشترطون نجيب اللي أطرافه بلآستيك
تعرف مابي أتقروش عندهم ويردوني عشان ذآ الشي !![/align]

الصراحه صراحه يعني سؤال ذكي

تعرف مانبي ناخذ ملفين اثنين وشوله الخسائر ونخاف هناك مافيه مكتبات نبلش باعمارنا

وتعرف قابلين واحد وعشرين الف ويدورون الزله علينا

alhoote · #**3085** (**permalink**) 01-09-2011, 05:23 AM

اقتباس:

المشاركة الأصلية كتبت بواسطة المهيب بدر

يا شباب أنا مقدم على رتبة رقيب
وعندي كم سوال ياليت تفيدوني جزاكم الله خير
1-بالنسبة لورقة الفحص وين نسوية بالرياض
2-أنا اعرف اسبح عادي فقط يعني ما اعرف عالظهر هل مطلوب اني اسبح عالظهر واغوص

والله يعطيكم العافية وكل عام وانتم بخيررررر

اقرب مركز صحي في الحي اللي عند بيتكم
او اي مستوصف اهلي
او اي مستشفى حكومي .
السباحة على الظهر موضوعها سهل
افتح اليوتيوب واكتب السباحة على الظهر واعرف كيف تصير
ازرق لاقرب نادي وشف لك واحد بعلمك السباحة على الظهر .
وبس

شيبتهم · #**3086** (**permalink**) 01-09-2011, 05:24 AM

السلام عليكم ورحمة الله وبركاته
كل عام و أنتم بخير .... والله يعيدها علينا و عليكم بحالن طيب

يا جماعة الخير أنا انقبلت مبدئي ولله الحمد( عريف ) ومعي معهد التدريب العسكري المهني و شهادة اتمام دورة فرد اساس و الكليه التقنيه .. بس ما معي شهادة غوص و سباحه و أنا بفضل الله أجيد السباحه بأمتياز ....
وما أدري هل شهادة الغوص و السباحه شرط أساسي بالقبول ، يعني انا ما معي شهادة غوص .. بيرفضوني لا قدر الله ؟؟ ........ ارجوكم أفيدوني موعدي بعد أسبوع ....... و أستغفر الله لي و لكم

alhoote · #**3087** (**permalink**) 01-09-2011, 05:24 AM

اقتباس:

المشاركة الأصلية كتبت بواسطة فايق و رايق

يقولوون في دفعت أرقام مقبولين مبدئي جديدة راح تنزل ؟؟؟؟؟
هل هذا الخبر صحيح؟؟؟؟

انا اقول لك لا تجلس تنتظر يسحبون ولا ما يسحبون
قدم على الجميع ومتى ما سحب الدفاع المدني وطلعت ذيك الساعة قرر انت

alhoote · #**3088** (**permalink**) 01-09-2011, 05:26 AM

اقتباس:

المشاركة الأصلية كتبت بواسطة الرازف الله

السلام عليكم ورحمة الله وبركاته
كل عام وانتم بخير وصحه وسلامه... وعساكنم من عواده
والله ياشباب انا اتمنى ان الخبر صحيح الى يقول فيه دفعه ثانيه بس ماسمعه الى في المنتدى
بس اذا هو صحيح الله يوفقهم واذا هو مو صحيح الله لا يعطيه عافيه الى حط امل عند ناس
وضحك عليهم ياعله بتريله تشوته على ميتين

بعض الامل يولد الاتكالية
والاتكالية تضيع الواحد
يجلس الواحد يتكل على ان فيه سحب ثاني
ويتقاجئ انه لا صار سحب ثاني
وضع عليه تقديمات القطاعات الثانية

alhoote · #**3089** (**permalink**) 01-09-2011, 05:29 AM

اقتباس:

المشاركة الأصلية كتبت بواسطة ميسي الشرقية

ليييش نجيهم بلبس رياااضه
احنا 20 ألأف وبيشوتون منا 14 ألف
معقوله بعد ما يلعنون خيرنا بالميدان والفحوصات يقولون اقلب وجهك
والله انا بجيهم اذا قالو بدل بعشق على الخامس وبرررجع
لأني الحممد لله مقبول بشركة الكهرباء واخاف بعد ما يكرفونني الدفاع المدني ما يكون عندي طاقه للدوام بالكهرباء

ههههههه
اجل بيكرفونك
الله يعينك على الكرف
تبي نصيحتي خلك على شركة الكهرب اخير لك
وريح بالك ولا تعشق خامس ولا ريوس

alhoote · #**3090** (**permalink**) 01-09-2011, 05:33 AM

اقتباس:

المشاركة الأصلية كتبت بواسطة فيصل البقعاوي

ياعيال انا ماذكر تسجيلي زين الي متاكد منه اني مسجل بغوص والظن معه عمومي وانا مامعي عمومي
وش الحل اخذ الغوص واجيهم والا يقولون وين رخصتك العمومي ويطردوني اتتعب على قل سنع
وش رايكم

اللي اعرفة ان اللي ما يجيب اللي مسجلة في النت
ما يقبلونة حتى لو رخصة عمومي .
اذا تبي تطلع الشهادة حتى لو ما قبلوك السنة هذي تكون معك الشهادة للسنة الجاية وتطلع رخصة عمومي .

استفسآرآت الدفاع المدني (شروط + مستندات + روابط) الجزء الثاني 1432

إستفسارات ونتائج الوظائف العسكرية

بسم الله الرحمن الرحيم السلام عليكم ورحمة الله وبركاته / هذا الموضوع خآص بإستفسآرآت الدفاع المدني لعام 1432 هـ الجزء الثاني / الجزء الاول اصبح مرجع...

استفسآرآت الدفاع المدني (شروط + مستندات + روابط) الجزء الثاني 1432

تسجيل الدخول

استفسآرآت الدفاع المدني (شروط + مستندات + روابط) الجزء الثاني 1432

إستفسارات ونتائج الوظائف العسكرية

بسم الله الرحمن الرحيم السلام عليكم ورحمة الله وبركاته / هذا الموضوع خآص بإستفسآرآت الدفاع المدني لعام 1432 هـ الجزء الثاني / الجزء الاول اصبح مرجع...

استفسآرآت الدفاع المدني (شروط + مستندات + روابط) الجزء الثاني 1432