استفسآرآت الدفاع المدني (شروط + مستندات + روابط) الجزء الثاني 1432

alhoote · #**3131** (**permalink**) 02-09-2011, 11:08 AM

اقتباس:

المشاركة الأصلية كتبت بواسطة م يصير

[align=center]حبيبي الحوت أخذ ملف علاقي أخضر عادي أبو أطرافه حديد وإلا أخد اللي أطرافه بلآستيك ؟؟؟
لأن بعض القطاعات يشترطون نجيب اللي أطرافه بلآستيك
تعرف مابي أتقروش عندهم ويردوني عشان ذآ الشي !![/align]

ملف علاقي اخضر باطراف حديد
هذا هو المطلوب

alhoote · #**3132** (**permalink**) 02-09-2011, 11:09 AM

اقتباس:

المشاركة الأصلية كتبت بواسطة عيون مساهير

الصراحه صراحه يعني سؤال ذكي

تعرف مانبي ناخذ ملفين اثنين وشوله الخسائر ونخاف هناك مافيه مكتبات نبلش باعمارنا

وتعرف قابلين واحد وعشرين الف ويدورون الزله علينا

لا تخاف محد ماخذ الا نصيبة في هالدنيا
المطلوب ملف علاقي اخضر باطراف حديد

alhoote · #**3133** (**permalink**) 02-09-2011, 11:11 AM

اقتباس:

المشاركة الأصلية كتبت بواسطة شيبتهم

السلام عليكم ورحمة الله وبركاته
كل عام و أنتم بخير .... والله يعيدها علينا و عليكم بحالن طيب

يا جماعة الخير أنا انقبلت مبدئي ولله الحمد( عريف ) ومعي معهد التدريب العسكري المهني و شهادة اتمام دورة فرد اساس و الكليه التقنيه .. بس ما معي شهادة غوص و سباحه و أنا بفضل الله أجيد السباحه بأمتياز ....
وما أدري هل شهادة الغوص و السباحه شرط أساسي بالقبول ، يعني انا ما معي شهادة غوص .. بيرفضوني لا قدر الله ؟؟ ........ ارجوكم أفيدوني موعدي بعد أسبوع ....... و أستغفر الله لي و لكم

من وجهة نظر شخصية ومن خلال استعراض ما احتواه موقع القبول
اقول لك شهادة الغوص مطلوبة واختبار السباحة والغوص الزامي
والله يوفق الجميع .

alhoote · #**3134** (**permalink**) 02-09-2011, 11:23 AM

اقتباس:

المشاركة الأصلية كتبت بواسطة بحر الهلاك

"بتلقف شوي واجاوب على اللي اعرفه

دامهم قبلوك وانت معك تقنية وماعندك شهادة غوص اجادة سباحة يختبرونك انت تعرف تسبح لو على خفيف لان الافضلية للشهادة اللي معاك && هذا اولاً

سادسا

موقع الدفاع الافندي بالرياض

حي الصحافة شمال الرياض

شف لك اقرب تاكسي وبعشرة ريال يدلك الموقع وخلصنا مايبغالها قرقرة

ثالثاً

بطاقة الاحوال لازم تكون الجديدة والان اغلب القطاعات المدنية والعسكرية
تطلب الهوية الوطنية الجدية

يعني غيرها ولايكثر قرقرة

.

تاسعاً

بالنسبة للتعين على حسب ماتعرف لهم

تصنيفات يعني

يعني لو تقدم في الرياض وتخلص اوراقك ممكن تكون دورتك في الشرقية

الدليل ياعزيزي

واحد اعرفه خلص اوراقه في سكاكا الموقرة " الجوف"

وحطو الدورة بالشرقية

قلعوه يعني

خامساً

بالنسبة للاجراءات فهي على حسب مزاجهم

ممكن شهر ممكن اسبوع
طبعا ماهو على طول تجي لهم وثاني يوم تبي تدخل الدورة

ماهي فوضى الدنيا

ثامنا

اتمنى من شخصك الكريم انك استانست من اجاباتي المتواضعة

وشكلي بنجلد مع صلاة الجمعة بالشوحط

ومع السلامة ياسعادة البيه

بحر الهلاك مشكور على اللقافة
اجابتك الاولى: على شهادة السباحة : لاحظ ان كل الوظائف وظائف ميدانية والوظائف الميدانية مطلوب عليهم شهادة غوص . ارجع للموقع وتاكد .
اجابتك الثانية : موقع المركز انتقل من حي الصحاقة الى حي الناصرية في نفس مبنى معهد الدفاع المدني اللي جنب مرور الناصرية ولهم سنتين وشوي هناك .
اجابتك الثالثة :المشكلة فقط في بطاقة الاحوال اللي الصورة ملونة فيها اذا كانت الصورة ممسوحة لان ما يقدرون يطابقون صورتك مع البطاقة .
اجابتك الرابعة :الرجال يسئل عن التعيين وانت تتكلم عن مكان عقد الدورة واللي انت تعرفة اللي خلص اوراقة بسكاكا ودورتة الحين بالشرقية اكيد مكان تعيينة بيكون في منطقة الجوف .
اجابتك الحامسة :انهاء الاجراءات مرتبط ببعض الجهات الاخرى يعني مستشفى قوى الامن ما يقدرون يتحكمون في اجراءاتهم لان كل القطاعات تحول لهم مهوب الدفاع المدني لحاله . لكن اجراءات الدفاع المدني يمكن تخلص باسبوعين الى ثلاث اسابيع .
اجابتك السادسة :استانسنا باجابتك بس كلها من جنبها ليتها صح

بالتوفيق

alhoote · #**3135** (**permalink**) 02-09-2011, 11:27 AM

اقتباس:

المشاركة الأصلية كتبت بواسطة الرمية الملتهبة

حبيبي اسمحلي تصحيح لو تكرمت

كان يوجد خيار طبعا عند ظهور رقم الطلب

وهذه صورة تثبت كلامي , وانا طبعت الطلب حقي ومسحت بياناتي ونزلته بموضوع بالمنتدى

شكرا لجهودك ياعزيزي

انا عارف وانا اخوك
لكن الحين انت استعلمت عن نتيجتك
المفروض انه طالما قبلك مبدئي يعطيك خيار طباعة النموذج
مهوب يطلبة منك وانت مقدم ما تدري تقبل ولا ما تقبل .
العام نفس المشكلة وقلنا لهم ليش ما تحطون خيار للطباعة بمجرد الاستعلام عن النتيحة وتطلع مقبول . قالوا فيه مشكلة قي الموقع وبنعدلها وما يحتاج تطبعون النموذج .
خلاصة الكلام ما يحتاج طباعة النموذج

alhoote · #**3136** (**permalink**) 02-09-2011, 11:30 AM

اقتباس:

المشاركة الأصلية كتبت بواسطة دمامي شرقاوي

يعطيك الف عافيه يا الحوت وما قصرت وكلامك ما يزعل ابد
بصراحه انا جربت قست النضر وزي ما قلت الحروف الكبيره اشوفها اما الصغيره لازم نظاره
وانا مقدم على وضيفة سواق الي يشوف الحين السياره كبر الحرف الصغير
وانا محتار ماني عارف ويش اسوي خايف اخد الدوره بـ 1500 ريال لشهادة الغوص وآخر شي انطرد والسبب لبس النضار وهم طالبين 6000 الاف والمقبولين المبدئي 20000 الف يعني اتوقع اي واحد بيغلط في حرف بينطرد شلون حال الي يلبس نظاره ما اقول الا الله المعين

بغيت اسأل يا الحوت الحين لو رحت اختبار النضر بالنضاره هلى مباشرتآ انطرد . و هل قطاع العسكريه الي مشددين النظر .

لو رحت لهم وانهيت اجراءات القبول كلها .
ما عليهم منك
اللي بيطردك هو المستشفى لانه هو المسئول عن النظر .
والقطاعات العسكرية كلها عندها نفس الاجراءات بخصوص النظر
مالك الا حل واحد اذا وصلت عند الدكتور وقالك راسب قلة يعطيك مهلة تسوي ليزك
لان المستشفى هو اخر مرحلة للرسوب وبعدها كلها اشياء روتينة .

alhoote · #**3137** (**permalink**) 02-09-2011, 11:32 AM

اقتباس:

المشاركة الأصلية كتبت بواسطة عادل حائل

[align=center]

يعطيك العافيه ياخوي الحوت بس انا بين القصيم والجوف انا من حائل وعارف ان حائل مافيها دورة
[/align]

الله يعينا وياك
والله الي اعرفة بعد ان القصيم الظاهر ما فيها شي
الجوف يبغالك تتاكد لاني سمعت ان فيها نادي يعطي شهادة بس مدري عن تدريبهم
لان التدريب اهم من الشهادة .

alhoote · #**3138** (**permalink**) 02-09-2011, 11:34 AM

اقتباس:

المشاركة الأصلية كتبت بواسطة بحر الهلاك

مركز تدريب منطقة مكة المكرمة .موجود في مدينة الطائف
في حي أم السباع .وانت جآي من اشارة الجنووب داخل على الطايف شارع حسان بن ثابت يجي على يدك اليمين مركز صحي .(مبنى جديد )مركز التدريب خلف المركز الصحي
او انك تمسك شارع حسان من ثابت متجة لخط الجنوب من اوله الين توصل أخر إشاره فيه الي بعدها خط الجنوب وتديور منها ويجيك على اليمين مركز صحي .( مبنى جديد )مركز التدريب خلف المركز الصحي .

اشوى ذا المرة ردك صح
بس شكلك سارقة
مدري من وين

alhoote · #**3139** (**permalink**) 02-09-2011, 11:44 AM

اقتباس:

المشاركة الأصلية كتبت بواسطة االمهااجر

السلام عليكم ورحمه الله وبركاته

كل عام وانتم بخير

انا انقبلت قبول مبدئي ولله الحمد
العقبال للقبول النهائي ان شاء الله

والعقبال للجميع بالقبول

وموعدي يوم 13 / 10 يوم الاحد

بمنطقة الجوف

وعندي كم سؤال الله لايهينكم

1- انا سجلة بالموقع اني مـــا عنـدي شهادة سباحة ولا غوص !!
السؤال يعني شهادة السباحة مالها داعي ولا كيف؟؟؟؟ مع العلم اني
معي شهادة الكلية التقنية سنتين وست اشهر تخصص حاسب آلي - دعم فني

2- هل شهادة الرخصة العمومي و السباحة والغوص ليست ضرورية للي معهم شهادة دبلوم سنتين ونص ؟

3- بعد المقابلة متى يتم اخبار الناجح بموعد الدورة ؟ ومتى موعد الدورة ؟

4- معي صورة مصدقة من شهادة الحاسب الآلي مدتها 6 اشهر و الاساس ضايعه
السؤال :- هل يقبلون الصورة المصدقة و لا لازم الاساس ؟

5- هل يقبلون شهاد الحسن سيرة والسلوك اللي من الكلية التقنية
ولا لازم اللي من وزارة التربية و التعليم

وشكراً و بالتوفيق للجميع

1- من وجهة نظر شخصية شهادة السباحة والغوص ضرورية لان وظائفهم ميدانية حسب اعلانهم وطالبين للوظائف الميدانية شهادة غوص .حتى لو معك الكلية التقنية لانك مقدم على وظيفة ميدانية .
2- اذا انت مدخل رخصة عمومي فانت مطالب بها واي شي ادخلتة في الموقع بيطلبونة منك .
3- تمر مراحل القبول بعدة خطوات قد تستغرق من ثلاث الىاربع اسابيع ، بعدها بيكون فيه مفاضلة وقبول نهائي .يعلن عند انهاء كافة اجراءات القبول في الدفاع المدني .
4- في الغالب بيقبلون الصورة المصدقة لكن بتجي مرحلة المطابقة لازم تكون معك الاصل . انصحك تقدم على المركز اللي اخذت منه الدورة يطلعون لك شهادة بدل فاقد . باسرع وقت لانك بتحتاج لها .
بعدين اذا انت ما ادخلت الشهادة في النت في موقعهم ما راح يطلبونها منك .
5 - صحيح يقبولن الشهادة اللي من الكليةالتقنية وتكفي لانها اخر مرحلة درست فيها .

alhoote · #**3140** (**permalink**) 02-09-2011, 11:46 AM

اقتباس:

المشاركة الأصلية كتبت بواسطة بحر الهلاك

يمكن لو تعرف تسبح لو ماعندك شهادة اتوقع ماعندي علم اكيد بس هم ماقبلوك الا عشان شهادتك

التقنية وبعدين يوم سجلت وش كتبت انت ؟؟

هل تملك رخصة عمومي؟ نعم لا..
على ماسجلت عليه اذا كتبت نعم وانت ماعندك الله يعينك عليهم معقدين

بالنسبة للشهادة اذا عليها طبق الاصل تكفي الا اذا طلبوها او خذ ورقة من الكلية ان الشهادة ضايعة واللي معاك صورة طبق الاصل حتى تطلع بدل فاقد

السيرة والسلوك حقت الثانوي وزارة التربية والتعليم

وانت عندهم اذا طولك زين وكل شي تمام يعطونك اوراق المستشفى بيوم المقابلة واذا ما عطوك وقالو لك بنتصل عليك اعرف انها تصريفة

الدورة هم بيدقون عليك ويعلمونك التفاصيل لاتشيل هم

من اين يا اخ العرب؟

اذا انك قريب حول تقهو وافطر عندنا عيدية

لا تعليق