السلام عليكم ورحمة الله و بركاته ..

حبيت اطرح لكم اماكن تتخيلوا انفسكم فيها (بقدر ماتقدرون وبما يسمحه قسم التخيلات بروسكم انكم تتخيلو ) هالمواقف او الاماكان

ياللا نبدأ ..

المكان الأول

تخيل انك ماعليك حذاء وعلى ارضيه دائرية صلبه لونها ابيض لماعة مثل السيراميك وتحس برجولك فيها بروده من برودة الارضية وتشوف وجهك اذا قربت للارضية لما تنزل راسك كأنك بتسجد .. وحوالينك جدران اللي تحيط فيك بكل الجهات بشكل دائري بعد ،، ونفس لون الارضيه ولماعة ،، لا فيه نوافذ ولا درايش ،، فيه ضوء بسيط يدخل عليك من سقف دائري مفتوح.. وانت تتكلم يطلع صدى وتنادي ماحد يسمعك وتصوت وماخليت بخاطرك الا وقلته وتعبت ماحد انتبه لك ...
.
.
.
.
.
.
.
.
.
.
.
اذا قدرت تتخيل نفسك بهالمكان ثق ثقه تامه انك (بوسط كوب حق شاهي ماهو شفاف بوسط درج بالمطبخ والضوء اللي جايك تراه من لمبة المطبخ البعيده )

-----

المكان الثاني

طيب تعال وتخيل معي انك في مكان مظلم مررررره ماتقدر تشوف شيء وتحس برجولك الارضية الصلبه وفيها شوية خشونه ماقدرت تمشي خطوه و حده وتذكرت ان معك جوالك وطلعته وفتحت القفل علشان تولع ضوءها حست انك في مكان ارضيته خضراء وفيه خطوط بيضاء بجنب بعضها تحت رجولك بعضها يجي من بعيد وبعضها يلف بزاوية تسعين درجة وبعضه يميل شوي وانت تشم ريحة خفيفة جداً كانها ريحة شيء بلاستيكي محترق ولما مشيت خطوات قدام وانت متهول من هالارضية تفاجئك اسطوانه دائرية كبيرة مرفوعة على صيخين معدنين كبار مرتكزه على الارض ومشيت شوي وتحصل فيه حفره دائرية لمكان مظلم وانت تناظر فيها ومعك الجوال ونزلته للمستوى هالحفره تفاجئت ان هناك شيء اسود مثبت ورى هالدائرة ،، بعدين قمت انت ومشيت شوي لقيت انك في حافة هالارضية وانت تصدم بجدار اسود لماع لما تحط جوالك تشوف لمبة جوالك عليه والسقف لونه اسود نفس لون الجدران ولما يلتقي فيه يلتقي بانسيابيه ولما رحت شوي وتحاول تقيس مقاس المكان اللي انت فيه لقيت ان عرضه بسيط لكن طوله كثير وتفاجئت ان فيه مكان معين يكثر فيه وصلات من السقف إلى الارضية الخضراء بلاستيكات دائرية على شكل اسطوانات منظمة بجنب بعضها وبينها ممرات واحيانا تنشب بينهن وهي شبه شفافه لما تقرب جوالك عليها تحس ان الضوء شبه يخترقها وتحسها تشع .. ولما تحاول تضم اسطوانه من هالاسطوانات البلاستيكية يديك ماتقدر تتلامس من الجه الثانيه ..
.
.
.
.
.
.
.
.

اذا قدرت تتخيل هالشيء فثق ثقه تامه انك بوسط (الريموت الكنترول حق التلفزيون والاسطوانات البلاستيكية هي الازرار)




والهدف من هالتخيلات تشغيل اسطوانات التخيل اللي بروسكم من يدري يمكن يطلع فيكم رسام ومهندس معماري ولا كاتب قصص اطفال


وابي كل واحد يرد يكتب لنا هو قدر يتخيل هالاشياء صح ولا لا ولا ينسى يكتب لنا مايمليه عليه خياله العبقري لأمكان ثانيه أكثر صعوبه واكثر خطورة بس لا يحطنا بوسط مروحه خاصة لما تكون شغاله لاننا راح ندوخ هههههههههه ...

التحيه وانتظر تخيلاتكم