السلام عليكم ورحمة الله وبركاته

يالربع انا حصلت لي واحد يدخلني جامعة الملك سعود بالرياض

وواحد من عيال عمي كويتي في الكويت دبر لي واسطة بجامعة مدري كلية والله مدري

الوكاد اني ادرس جيلوجيا لمدة 6 اسابيع اذا جبت فيها معدل كويس احول الى ( هندسة - مساعد طبيب )

او اني اكمل على الجيلوجيا نفسها

المهم اذا الله وفقني وخشيتها وخلصنا من الجامعة هل هي معتمدة عندنا في المملكة ؟

ووش التخصص الزين اللي له فرص وظيفية اكثر ؟

واي نصايح تقدمونها لي بكون شاكر لكم

وجزاكم الله خير

جامعة الملك سعود أي تخصص ؟
انت فيك تشدّ حيلك في دراسة الهندسه والطب في الكويت ؟
وبالنسبة للاعتماد والله بحثت لك ومالقيت شي مفيد

لكن الأفضل انك تسأل واحد بالوزارة عشان تتأكد


والله يوفقك ويقدم لك اللي فيه الخير يارب

الله يجزاك خير يالغالي

والله ما اعرف لي واحد بالوزارة اساله

وبالنسبة لتخصص سعود والله مدري بس ماهو هندسة ولاطب

جامعة الملك سعود أول سنة تكون تحضيرية بالنسبة للتخصصات العلمية,,

يعني من البداية ما تقدر تختار التخصص الا اذا عديت السنة التحضيرية.

بالنسبة للدراسة بالكويت هل هي برسوم أو مجانية؟

وهل الجامعة حكومية أو أهلية؟

ع العموم اذا كانت الجامعة الموجودة بالكويت حكومية فأكيد راح يكون معترف فيها بالسعودية.

أما اذا اهلية أنصحك تستفسر من موقع وزارة التعليم العالي بالكويت اذا معترف فيها او لا.

وبالتوفيق,,,,,

هلا بك يالغالي

بالنسبة للجامعة حكومية ماهي اهلية

وانا الحين في الكويت وبكرة دوامهم وبروح اقدم وللحين محتار والله