14-07-2011, 02:42 PM
|
عضو نشيط
|
|
تاريخ التسجيل: May 2011
المشاركات: 160
معدل تقييم المستوى: 5713
|
|
|
اللي ناوي يفتح محل خضار وحاب يكمل ديكوره .. معلومات
السلام عليكم ورحمة الله وبركاته
أبشركم قربت أخلص محلي (محل خضار) وصرت خبيييييير من كثر ماادور على محلات تجهيز الديكور وغيره 
عموماً . . بعد أذن الإداره حبيت انقل لكم الأشياء اللي انا اكتشفتها عشان اللي ناوي يسوي محل مايتعب زيي ويفرفر على المحلات والمصانع والمعارض وخصوصاً الحراج لاني تعبت فيه ولا استفدت شي والبركه في الاجانب مطيرين اسعار المستعمل كانها سعر الجديد
خلاصة الفكره عشان اللي ناوي يفتح محل مايتعب ويختصر المشوار ويكون عنده فكره
المعروف ان محلات الخضار تعتمد على الرفوف والعرض وغالبها عن طريق النجار يعني خشب
بس الأكيد ان ديكور الخشب ماله نظره جماليه في المحل ومع مرور الوقت ممكن يخرب ويتقشر وغيره وسعر هالديكور بيكلفك من (6500) الى (8000) حسب مساحة المحل
بس انا حصلت ارفف جاهزه معدنيه اشكااالها مررره روعه والوانها حلوووه وتعطيك منظر حلو فالمحل وفيها مرايات راكبه ومايحتاج تفصيل ولا شي يعني من المستودع الى محلك على طول
مثلاُ اي واحد حصل له محل يقدر يجهز محله في يومين ويبدا يطلع رخصة المحل
واسعارها مررره مناسبه
وفي نظري ثلاث انواع على ثلاث درجات
النوع الأول وهذا الدرجه الاولى الممتازه جداً وشكلها روووعه
سعر الرف الواحد طبعاً مقاسه متر وفيه ثلاثة رفوف عرض بقيمة (1100) + طاولة عرض مقاسها متر في متر ونص بقيمة (1050)ريال
الدرجه الثانيه : قيمة الرف الواحد (متر) (560)ريال
والدرجه الثالثه : شكلها حليو قيمة الرف الواحد(متر) (490) ريال
وكلهم موجودين في شارع الخزان بالرياض عند :
مصانع الهفوف للرفوف و مصنع أضواء الباشا وهو اللي موجود عنده الدرجه الاولى ومجموعة العمران الصناعيه
اما الثلاجات الجديده طبعاً أسعارها كتالي:
ثلاجة عرض مفتوحه - عرضها 2م
قيمتها من (7500) الى (8500) ريال
ثلاجة تبريد (بابين ) 4250 ريال --- ثلاجة تبريد (باب) 2700 ريال
وبرضوا موجوده في شارع الخزان
واسعار ثلاجات العرض اللي حصلتهم في الحراج تفرق من (2000) الى (2500) عن الجديده بس المشكله ضمانها شهر فقط وماتدري تستمر او تخرب
عاد مكيفات السبيلت معروفه اسعارها حسب الوحده من (1500) الى (3700) ريال
والسقف المستعار المتر من (20) الى (30) ريال
اللوحه المتر من (170) الى (200) ريال
بس اللي باط تسبدي مكاتب العقار صارو يأخذون الحين على كتابة العقد (1000) ريال لعقد ايجار المحلات التجاريه مع ان لائحة انظمة وزارة التجاره تقول 2.5% من قيمة ايجار المحل
ليه كذا الله وأعلم 
اتمنى اني افدتكم وآسف ع الإطاله
ووفق الله الجميع
التعديل الأخير تم بواسطة نظره مستقبليه ; 14-07-2011 الساعة 02:45 PM
|
العرض الشجري
