بسم الله الرحمن الرحيم

::اخواني الاعزاء السلام عليكم ورحمة الله وبركاته ::

مثل ما تعرفون يا شباب جده بانه منذ يوم الاحد 20 ذي الحجه بدأت استقبال الطلبات لدى "زين" وسيتمر التقديم إلى الاربعاء 23 والكثير منكم عمل المقابله وانا كنت احدهم يا اخوان ولكن والله لا اعلم كيف سيتم الامر

عملت المقابله واللي سوا لي المقابله قالي أني اجتزت المقابله وقالي اني ساشغر وظيفة مشرف مبيعات فقط دون اي تفاصيل اخرى سألته متى الرد قالي خلال ايام ..يا أخوان هل هناك مقابله أخرى ؟ وكيف سيتم وهل في أحتمال اني ما اجتاز المقابله الثانيه لاني يا اخوان ما صدقت اجتاز هذي المقابلة لاني عاطل وما صدقت أني اجتزت؟ وإذا كان نعم ؟كيف ستكون المقابله الثانية -الاسئلة-المطلوب-الصعوبه ؟

وشكرا لكم يا اخواني والله يرزق الجميع يــــــــــا رب

الله يعينك اخوي وانا بعد سويت المقابله الاولى والثانيه مو مقابله هو اختبار على الكمبيوتر هذا على حد علمي والي سوواه معانا والاسئله هي سهله وتعتبر اختبار في النفسيه يعني مثلا ::

يقول لو جاك زبون وتكلم بلهجه عصبيه تزعل <<< هذا مثلا بس

وتكون الاجابه اختيارات مثلا
احيانا ,,, دائما ,,, ربما ,, وهكذا اخوي

هذا والله اعلم بس انا اقولك وش الي صار معنا ولا تنسى ان فيه بعد الاختبار فيه مقابله نهائيه ثالثه وانا قاعد انتظرها والله يوفقني ويوفقك ويوفق الجميع ...

تحياتي لك ................أخوكـ

شاب سعودي

حجازي ما تقلق ان شالله المقابلة بسيطه كلها عن نفسك وعن قدراتك وايش راح تشوف
نفسك بعد 10 سنوات من هالكلام وان شالله تعدي وهي اظن المقابلة الأخيرة والنهائية وبالتوفيق يارب

أخوي جداوي جزاك الله خير والله يوفقك وايانا يا كريم
بس يا أخوان إلى الان ما ردوا على أنا سويت المقابلة يوم الأثنين وقالي بنرد عليك خلال اليومين عشان المقابلة الثانيه ولا أحد اتصل فيني ..

اخواني عفوا على الإزعاج بس أنتوا سويتو المقابلة الثانيه؟يعني اتصلوا فيكيم؟

الله يوفقك يا حجازي عادي
بغيت أسألك أخوي هل تقديم جده مستمرين إلى الأسبوع الجاي السبت والاحد مثلاً


المنحووووووووووس

نعم اخوي قالوا ان التقديم تمدد إلى يوم الاثنين القادم
واسأل الله لك التوفيق ومثل ما انت عارف التقديم في مركز عبداللطيف جميل بالهنداوية خلف سوق الخيمه بشوي..

الله يجــــــــــــــــــــ 1000 ــــــــــــــ خير ــــــــــر ياحجازي والله إنك رفعت معنوياتي شوي

اخواني الاعزاء شاب سعودي وجداوي وكل من اتصلوا به شركة زين والجميع بلا استثناء:

توه واحد اتصل فيني يقول انه من اكسترا زين وقالي عندك بكره أختبار الساعه 11 بمعهد العالمية وعاد انا قلت بعد الله تعالى ما لي إلا اخواني أسالهم وأخذ العلوم منهم

اخواني وين معهد العالمية حق جده هذا؟؟ هو قالي انه في شارع المكرونه بس ما ادري وينه يا ريت تقولولي؟

هل الإختبار مع موظفين الشركه ولا اختبار على الكمبيوتر فقط؟

ما نصيحتك لي عموما عن الإختبار ؟

اخيرا أرجوكم يا اخواني تدعوا لي وان الله يسهلها علي غدا

بالتوفيق ياحجازي