01-01-2008, 06:29 PM
|
عضو متواصل
|
|
تاريخ التسجيل: Aug 2007
المشاركات: 83
معدل تقييم المستوى: 35
|
|
|
نصيحة للعاطلين عن العمل مهم جداً
السلام عليكم ورحمة الله وبركاته
اخواني واخواتي عندي نصيحة يمكن سمعتوا فيها ويمكن .. لا
يمكن تقولون هذا مجرد كلام .. المشكلة اننا نسمع كلام كثير لكن مانطبق
عيبنا الوحيد هو التشمت والتذمر وهالشي هذا والله العظيم يحطم الشخص
انا اول ما قريت مواضيع بالمنتدى ورأيت ردود صراحة قمة التحطيم ..
صحيح فيه تشجيع وصحيح فيه مساعدة .. وصحيح فيه ناس اكيد استفادوا من المنتدى بحياتهم .
انا ماابغى اطول بالموضوع لأنه فيه ناس مايحبون الكلام الطويل .. وبكذا ماراح اقدر اوصل النصيحة .
*** أي شخص سواء كان شاب او شابة يملك شهادة ايش ماكانت ويعرف موظف اجنبي بقطاع عام ( حكومي )
ويكون الموظف الأجنبي هذا يملك شهادات مثلك وخبرات مثلك .. صدقني مكانك هو مكانه ..
وحاول عن طريق الجهة بأن تقنعهم بالشي هذا .. أو راجع مرجعهم الأساسي .. ( الوزاره يعني )
انا اعرف ناس كثير استفادوا من الشي هذا وكانت فاتحة خير لهم ولأسرهم .. لان هناك نظام بمعظم الوزارات يحتم عليهم فتح التوظيف للسعوديين
مثال واقعي : والله العظيم انا اعرف شخص عرض على موظف ( غير سعودي ) مبلغ عشرين الف
فقط لينقل مكانه .. يعني الشخص هذا يجي مكان الاجنبي .. والأجنبي يروح مكان السعودي .. بمنطقة ثانية .
طبعاً رفض الأجنبي المبلغ والفكرة .. بفاكس فقط لإدارة التعليم .. تم إقالة الموظف الأجنبي وإنهاء عقده .
واحلال الشخص هذا مكانه .. وتعيين شخص اخر سعودي مكان الموظف المنقول .. تخيلوا .....!!!
هذي نصيحتي وانتم عليكم بمعرفة الوظائف بكل جهة ( اكرر حكومية ) يشغلها اجانب ..
انا اعرف ان النصيحة هذي ماهي حل للجميع ... لكن يمكن لبعضكم فقط ..
سامحوني على الإطالة واستروا على ماواجهتوا .. هالكلام اللي اقوله مايقوله اي احد .
وانا حاضر بأي مساعدة وشكراً لكم .
|
العرض الشجري
