شباب انا طالب متخرج من الثانويه العامه (علوم طبيعيه) هذي السنه بمعدل 83% قدرات 78 تحصيلي 71
طبعا قدمت على كليه الملك فيصل الجويه وقبلوني فيها قبول مبدئي طبعا جهزت الاوراق جميعا تقريبا ... ولكن قبل ما اروح واقدم الاوراق قلت خليني استشير بالاول احسن ... لكن اكثثر اللي استشيرهم ما وافقوني على هالفكره وقالوا لي : كمل الجامعه او الكليه الصناعيه او برنامج بترورابغ والشركات \.. احسن من العسكريه وانظمه العسكريه ومن هذا الكلام

والسؤال هنا الذي يطرح نفسه ما رأيكم انتم .. لانه ان شاء الله انكم ااخر من اخذ رأيه بالموضوع هذا .. تكفون ابي مشورتكم من ناحيه تجربه ومن ناحيه خبرات ومن المعلومات التي عندكم ومن ناحيه رأيكم ..!!

يارجال عصفور باليد ولا 443654 بالشجرة
رح الله يوفقك

نصيحه لك من أخوك إلي مايعرفك دام ان عندك هالشهادة وهالمعدل والقدرات والتحصيلي

اشلك بالعسكريه واصل دراسه ولاتضيع عمرك جالس فالبيت

ادخل جامعه أو كليه لها مستقبل وتخصص علمي مثل حاسب دعم فني هندسه تخصص حلوو
واجتهد وجب معدل فوق اربعه تلاقي وظيفه مدنيه افضل لك من العسكريه

لاتستعجل على العسكريه خصوصا توك متخرج العام هذا

ترى اغلب إلي يدورون وظائف عسكريه متخرجين من 1423 وجاي وباقي للحين مالقوا وظائف

ومعلومه حطها في بالك ترى الثانويه ودبلوم سنتين ونص الحين ماتسوي لك شيء

واصل دراسه بكالريوس او قدم على بعثه خارجيه

طور نفسك علشان ترتاح بالمستقبل كلها اربع سنوات تجتهد فيها وبعدها راحه مابعدها راحه

اسال مجرب بوانا اخوك العلم مافيه مثله ترى الي يعتمد على الثانويه ماياكل عيش

تحياتي لك

ياخوي رووووووووووووح هذي الجويه ماهي الحربيه روح وانت مغمض ولا تسال احد الى ان يقبلوونك قبول نهائي .. موفق

وش فيك ياخوي تتخرج طياااااااااااااااااار حربي
وعندك بكالوريوس علوم عسكريه
الله يوفقك وفالك القبول النهائي وتكون من حماة هذا الوطن

اسمع العلم الطيب
لاتسمع لكلام احد سمعت
لاتسمع لكلام احد

اللي تبغااااااه انت روح له
ان سمعت للناس ضعت اذا تبي الصراحه
كلن بيعطيك على رايه وتفكيره مايعرف وشميولك ولارغباتك

تراني مثل حالك اول ماتخرجت هذا يقولي كمل دراستك وهذا يقولي توظف وهذيقولي ابتعث الخ

سمعت كلامهم وهملت نفسي وهاذي نتيجة الاهمال سنه كاااامله ظيعتها

عشاني بس سمعت كلام غيري واهملت رايي انا

بس الحمد لله تداركت نفسي وبديت اصلح خطاي
صح من شاور ماضاع
اخذ الزين وكب الشين

والله يوفقنا وياك

طلبت النصح والمشوره

واجب علينا نقولك بالي جربناه
موفق بإذن الله ... لك مني أجمل تحية .

ياخي كمل
واذا ولاحظ اذا انقبلت نهائي استخير

اللعب على الحبلين دايم كمل بكل محل والي يقبلك نهائي فكر وقتها

ونصيحه رسول قال اقضو حوائجكم بالكتمان

اسمع ياخوي انت قدم ملفك لهم وكمان قدم ملفك للجامعة اذا جتك العسكرية روح لها بتدرس ثلاث سنوات بكون راتبك اقل شئ 7000 ومع الزيادات وحتى لو انقبل في الجامعة ودرسة 5 سنوات اكثر شئ بكون راتبك 7000 يعني تقريبا اللى يفرق انك عسكري او مدني وانت في اولى والاخير اسخير والله يسهل عليك

ألف مبروك .. لقد سعدت بهذا الخبر