بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين ...إخواني الكرآم أعضاء وزوار منتديات البطاله..أسعد الله اوقاتكم بكل خير أمابعد,,,

قريت كثير من الإخوان الاعضاء يسأل عن موقع الكليه وكيف لون الملف ......إلخ

قلت أبختصر الموضوع من عندي لأني إنتهيت ولله الحمد اليوم بعد صلاة العصر..وأبقولكم وش المطلوب بالضبط ...خطوه خطوه...

1-تحمل الإستماره من الموقع الألكتروني التابع لوزارة الدفاع والطيران والمفتشيه العامه..ثم تطبعها.
2-تعبي الإستماره كآآمله وبكل دقه وبخط وآآضح...(إنتبهوا فيه مدققين على الإستماره بالحرف الواحد).
3-تصور صوره ملونه 4×3 المطلوب بالإستماره صورتين..بس ضروري جداً تآخذ كل الصور معك ..ماراح أقولك إحتياط لكن هناك راح ياخذون منك صورتين زياده.
4-ختم من العمده(تروح لأقرب مركز شرطه عندهم وتختمها)
5-صورة لبطاقة الأحوال للطالب.
6-صورة لبطاقة الأحوال لوالد الطالب.
7-صوره ..من نموذج إختبار القياس...والتحصيلي.
8-صورة من السجل المدني للأب=كرت العايله.
9-بالنسبه للملف فهو ملف أخضر شفاف..(انا شريته من كتبه بالدرعيه..وتلقاه بالمحطه اللي مقابل كلية الملك عبدالعزيز الحربيه قريبه مره من الكليه..يعني تقدر تروح كعابي....يبيعونه هناك)
10-رقم التسجيل=رقم الطلب يعني لازم تكتبه.
11-بعد إكتمال الأوراق ..تخرمها إذا ماقدرت..عندهم دباسات وخرامات وكل شي .
12-تروح لهم لازم معك إثبات..ومايسمحون للي معك بالدخول بس أنت.
13-تنتظر دورك مع اللي جالسين ..يسلمونك(بطاقة مراجعه.)ويفضل إنك تطلبها بنفسك عشان تختصر الوقت عليك..
14-تاخذ صورتين وتدبسها بالمكان المطلوب..وتكتب اسمك ورقم التسجيل (هذا على الكرت الأصفر)
15-تكتب إسمك ..ورقم إثباتك..وعمرك..ورقم جوالك..ورقم جوال مساعد..والكليه اللي طلب الإلتحاق فيها.

16-دعوآآآآآآآآآآآآآآآتكم لي بالقبول النهائي

وأنا موجود طول اليوم هنا ..اللي بيسأل عن شي..يتفضل(لاتقول سؤال غبي..إسأل عن كل شي..صغير ولاكبير...خذ رآآآآحتك

((مع خآآلص وأصــدق تمنيآآتي للجميع بالتوفيق في الدارين...وعقبال القبول النهائي كلكم إن شآآء الله))....والسلام عليكم ورحمة الله وبركاته

يعطيك العافية تصدق اليوم اضطريت ارجع البيت عشان الصور الزيادة الحمد لله على كل حال ان شا الله بكرة نخلص بس بالله كم ساعة قعدت على ما جا دورك؟

جزاك الله ألف خير ما قصرت على التوضيح للأخوان
والله يكرمنا جميع بالقبول النهائي قولوا آمين

طبعاً أنا إنقبلت مبدئي بالبحرية

وداز الرياض اليوم من الطائف

وكل أموري خالصة وبسلم الأوراق بكرة والله ييسرها علينا جميييع

طيب ما قلت لنا متى موعدك للكشف والمقابلة؟

تحياتي لكم.

بيض الله وجهك يابن العم مااااااااقصررت وتستااهل التقييم
طيب التدقيق انا عندي اخطا بسيطه جدا يعني مثل ابكتب(عياد) كتبت عايد وبعدين شخبطت عليها با القلم با الخفيف وعدلتها>وفي اشياء قليله جدا نفس الطريقه
تووقع عادي؟؟
>>ابمشي إن شااء الله بكره الصبااح ويااليت ترد علي بدررررررري
وهل سويت الكشف الطبي؟
انا عندي ضعف نضر توقع امشي لو اجيب واسطه؟او البس عدسااااااات؟؟!

وبث

أخوي أنا حطيت في الورقه حقت المشهد واحد من الشاهدين هو أخوي فهل تمشي ولا لازم أغيره
ثانيا جدي ماعنده رقم سجل مدني ... أخليه فاضي ولا وش السووات