اخواني اصحاب هذا الصرح الشامخ لا اعلم من اين ابتدي او اسطر حروفي لكن يعلم الله اني فى حاله

ودي ابوح عن مافي مكنوني انا من مواليد 2\7\1405 الى يومك هذا لا دخلت الجامعه وعندي شهاده ثانويه فقط

كل مافكر ادخل الجامعه تاتي الي الافكار المزعجه عمرك راح انت الان بسن 27 ماراح يفيدك بشي

اربع سنوات او خمس الا عمرك 31 وللمعلوميه عندي طفل ومطلق وعلى وظيفه راتبها 1800

يعني الهموم من كل جهه انا حبيت كتابة موضوعي هذا انو احد من الاخوان يرسم لي مخطط ياتيني بافكار

يحاول يحفزني والله اني اكتب الان وانا بحالة ياس شديده حتى التعبير يخوني

أخوي أول شيء قول الحمد لله ...

فحالك أفضل بكثير من حال غيرك من البشر ..

أنا بصراحة لا أعلم لماذا تتحطم على الشهادة الجامعية

فالكثير من الشعب يحمل شهادة جامعية ولم يجد وظيفة براتبك الذي تحصل عليه أنت ....!

وأنا أنصحك بصراحة بالبحث عن وظيفة حكومية حتى لو عسكرية ...

فيها استقرار وراحة بال بإذن الله ..

وصدقني الحيـــاة مجرد سويعات نعيشها لا تستحق كل هذا الهم ...

أستغفر ربك بعد كل صلاة 100 مرة وترقب النتيجة الخيالية في حياتك....

إن كان راتبك الحالي يوفر لك لقمة عيش أنت وطفلك كل يوم فأنت في خير كبير .....

الله يوفقنا وإياك وبإذن الله ربي يرزقك في حياتكـ ويعوض عليك ما تجده نقص فيها ......!

والله مافيها شي اخوي
انت مره الجامعه بس بتلاقي ناس والله من مواليد ابوي وانا ادرس معهم
حتى اذكر واحد كان معنا والله انه عمره فوق 50 ولاقال عيب ولا شي كل هذا علشان الشهاده
توكل على الله وشفلك تخصص حلو وبعدين فيه اترام صيفيه تخلص الجامعه في اقل من 3 ونص
مثل ماقلتك الدعوه والله عادي نص الجامعه اعمارهم فوق 30

والله والله ياكثرهم اللي يدرسون واعمارهم فوق 35

الله يذكره بالخير ابو خالد الشمري اخذ الملخصات منه وجيته ببيته مره وصدمني لقيت اولده يدرس معناا بالجامعه بكلية ثانية وهو عمره 53 وتخرج معي قبل سنه بالعكس توك شباب يا اخوي شد حيلك وحاول دبر امورك واشتر لك ليموزين لو اطلع لك فاليوم 100 ريال بالشهر 3000 الاف ابرك من وظيفتك ام 1800 وتربطك ربط واليموزين حريه متى مابغيت تكد كد

السلاح الوحيد
قراءت القران

اخوي عاطل تشتغل في الامن تعال وقدم عندنا يمكن يعطونك وظيفه حلوه الظن رواتب عندنا تبدا 3000

بس ترا الدوام شوي طويل

فيه وضايف بمطاعم اشوفها راتبها اتوقع 2500
انت ابحث لا توقف وستغفر وربك بيفرجها

اخوي انصحك ان تبحث وظيفه مسائيه بمكاتب العقار لو اربع ساعات باليوم لوفرضنا يكون الراتب 1500 بالشهر اضف عليها راتبك الاساسي 1800 بيكون مبلغ ممتاز واكمل الدراسه الجامعيه انتساب وباذن الله بكذا يكون تحسن وضعك ماديا واخذت الشهاده الجامعيه وبالنسبه لطلاقك وابنك لاتحزن فغيرك كثير وصل بهم العمر 40 سنه ولم يستطع الزواج والبعض تزوج ويبحث عن طفل وانت احمد ربك لديك وظيفه وطفل والحمد الله على كل حال والتوفيق بيد الله سبحانه