السلام عليكم ورحمة الله وبركاته

بخش بالموضوع سيده لاني ماني مصدق



انا ياشباب اليوم رحت للمقابله لشركه نسيت اسمها وقالو عندهم وظائف لشركة النايفات وعندهم للبنك الفرنسي


المهك دردشو معي وتقابلوا معي ووقعت اوراق وكذا وقبلوني بالبنك الفرنسي تسويق قروض وكذا

وقالي دوامك يمكن بس ساعه بالبنك ثم بكيفك تروح ميداني تجيب عملاء
ولك راتب وعموله وفهمني بعض اسرار وطرق الشغله

انا ماخفيكم اني استانست خاصتا يوم قالي ان شغلي مع بنك ولانها جت بوقت انا بامس الحاجه للوظيفه
وحمدت ربي

لاكن قابلت واحد خوفني شوي يقولي مافيه استقرار وظيفي وبتنكرش باي وقت ومافيه مستقبل
مع ان االمدير الي قابلني كان مريحني بكلامه وقال والله كنت فيها وعلمني كل شي كان يسويه والعمولات الي كانت تحيه وانه مطلوب منه شي قليل جدا من العملاء كل شهر


عاد انا اهم شي المستقبل لاني ابي اجيب دورات وادرس جامعه انتساب

ابي ياجماعه تعلموننا برايكم بالوظيفه وخاصتا الي جربو
وتتقعون اقدر اثبت فيها او لل مع العلم اني فيني شوي شوية خجل وهذا الي شايل همه وزياده حطمني الي قابلته *

للرفع. نرجو المساعده ياخوان ومعلومات عنها وهل فيها استقرار

الوظيفه ممتازه عموما القطاع البنكي ممتاز بالنسبه للبزنس

لكن البنك السعودي الفرنسي بالنسبه اعلاميا ضعيف نسبيا يعني ماله دعايات ولا برامج تسويقيه


كيف بيدعمك من ناحيه انك تسوق عروضك على العملاء

انما كاوظيفه ممتازه لانك بتتعرف على ناس وعلاقات كبيره ممكن تنتقل من بنك الى اخر بواقع الخبره اللى راح تكتسبها

وبالامكان التثبيت فيما بعد ان اثبت تواجدك

اخوي انا توظفت فيها وما جلست الا شهر انسحبت منها لعدم قدرتي عليها والوظيفة على العموم حلوه بس لازم تتعب تقريبا الراتب ما بين 3200 الى 3500 من غير العمولات العمولات لازم تجيب 9 قروض في الشهر ولازم يكون المبلغ 430000 والوظيفة تعتمد على اسلوبك في التسويق الدوام فيه حرية شوي الساعة 8 توقع ثم تخبر السوبر فايزر حقك وين بتروح تسوق فيه وعلى العموم الوظيفة هاذي اهم شي عندهم تجيب لهم قرووض دامك تجيب كل شهر 12 او 14 ماحد يقدر يفتح فمه حتى لو ما تجي الا 10 بس ياويلك اذا قل اداءك يعني ما عاد في قروض انواع المذلة والاهانة

جزاك اااه خير

فرحتني وخوفتني بنفس الوقت

وعليكم السلام

جربها شهر ان جازت لك وإلا اضرب الباب

ليتك ذكرت لنا الاسرار والطرق تبع هذه الشغله عشان نستفيد منها مستقبلاً وتفيد الزوار إلا اذا كانت هذه الاسرار تضاهي سرية البرامج النووية

حياااك طال عمركــــ

احيان الحاجه الماسة للوظيفة تخلينا نضحي بحاجات ونكون حنا الضحيه أرجو التأني ...

ولاصرت في بداية حياتك وفي بداية عمرك دور على شي ممتااز اوجيد لاتدور حاجات من هالرخيص .

ندخل بالموضوع وعذرني لو طولت ونا نقلت عن واقع تجربة صاحبي وبراحتك ..

لاتفكرني اني ابقطع رزقك او اكرهك بالوظيفه بس اعطيك معلومات ماتعلم عنها . ونت استخير ونت ادري بمصلحتك ..

الوظيفة هذه مافيها رااحة نفسية ... بمعنى اصح انت تخرج للبحث عن العملاااء وليس العملاء من يبحثون

عنك !!!! شاااهد الفرق .. انا اتوقع انك بالدمام وبضربلك مثال يعني مشااوير للخبر للجبيل لهافمون للشركات الكبيرة عشان تقنع موظفيها بالقرووض ..

طبعا العميل يمكن يستجيب معك ويمكن لا ...

وبمعنى ااصح تحط راسك على المخده وتفكر كيف بتجيب العملااء لليوم التااالي وهكذا تعيش بدوااامه مالها

اخرر وبالنسبة للترررسيم مابها ترسيم كلام جرااايد والتوفيق طبعا من الله ولست عالم الغيب لكن المعطيات الي

اشوفه انه مابه تررسيم الوظيفه بالسنه تطرح 3 مرااات او اربع مرات وش دل عليه هذا ..

وبرضوو انا جبت لك هالكلام من اخويانا ضيع من عمره 7 شهووور مرمرو عيشتة والحين اشتغل بمصنع كرتون مرتاح الباااااال .

وبعطيك نقطة مهمه المشرف الي قابلك هذا مووظف رسمي تجيه عموولة منك ورااتبه ارقاااام كبيرة
يعطيك القمر بيد والشمس بيد لكن الوااقع من يستفيد !!!؟؟ ماراح تستفيد ترسيم ولا استقرار وظيفي ولا حاجه ضياع في ضيااع ونت الضحية وهم الصيادين..!!

طبعا انا شخصيا سويت مقابلة قبل 7 شهور ونعجب فيني مشرف منهم لما لدي من خبرات ولكن ماعجبني عرض الوظيفة لتسويق القروض وتركته وتخيل كل شهر شهرين يدقون !!؟؟ ابتلشت فيهم لو انها وظيفة رسمية مادقو ولا تنزلوو بس لانهم محتااجين .

تقبل مروري .................

مشكورين ياخوان على اردود

اخي الهاجري قال لي واحد مثل كلامك. وانا من الرياض

طييب بسالك انت والاخوان وش رايكم. انا قابلوني اليوم شركة معلوماتي وظيفة منسق بيانات
براتب اساسي ثلاث الاف تجريبي وبعدها يجي البدلات يجي حول اربعه او اكثر

وايضا قابلوني شركه مقاولات مصنع خراسان تبع شركه متعاقده مع بن لادن او تبعه اسمها الجدوع مافهمت براتب ثلاث الاف وست ميه مع اوفر تايم لو ابي

مادري اختار ايش من هالثلاث.

ارجو الافاده لان الوظايف جتني فجاه وكلهم وقعت لهم ومعي فرصه يومين احدد

اتمنى تفيدوني بالافضل لاني اول مره اتوضف

واذكرو الله. لان سبحان الله لي فتره طويله ابحث وجت ذولي مره وحده

وشكرا لكم يا احسن منتدى للعاطلين نفعتوني بكل شي جزاكم الله خير

مثل ماقال احد الاخوه التسويق حلو ويكسبك علاقات عامه ويمكن تطور وتصير شي كبير
لكنه بالمقابل يتعبك اذا ماعندك الاسلوب اللي يجذب العملاء ممكن عندك اسلوب بس العرض اللي يقدمه البنك مايجذب
العميل مافيه المميزات اللي تريحك بتسويق يمكن تتعب بالاقناع والتسويق لكنه فاشل عرضا
انت قارن بين الوظيفتين الثانيات لاني مافهمت بضبط وش الافضل او وش الوظيفه بضبط
بس حط اساسيات بالمقارنه الراتب +مسمى الوظيفه +الشركه اللي بتشتغل فيها هل هي شركه كبيره ولامعه وفيها حوافز يخليك تستمر معها سنوات او لا
البنك من حيث الحوافز فيه بس استقرار وظيفي منعدم متى ماجبت لهم دلعوك ومتى ماقدرت تجيب ابتدى شغل الضغط
ايضا الحمد لله انت قدامك 3 خيارات اختيار الافضل لك لو كانت وظيفه 1 كان قلت لك اشتغل فيها لين يجيك الافضل واهم شي الخبره لكن الحمد لله الخيارات واجد