السلام عليكم ورحمة الله وبركاته
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
كيف حالك إن شاء الله دائما بخير ؟

انا شغال في شركة اكسيوم تيلكوم.. وراتبي كامل 4500 ريال وينزل في الراتب بالضبط 4000 الف ريال شوي
طبعا انصعقت من كلام الموظف الي بالشركة يقول شركتنا متعاقدة مع بنك الراجحي فقط !
وانا حسابي في بنك الرياض ..
قلت ابي اخذ قرض قالوا لازم تفتح حساب في الراجحي وتسوي تثبيت راتب ومدري شنو وسالفة !
لما استفست عن القرض ونسبته قال لي الموظف في بنك الراجحي النسبة ( خمسة ونص )

لما سالت اصحابي كل شخص طق ع راسه يقول يالله مرااا كثيرة الفوائد !

رغم انه القرض الي باخذه لمدة خمس سنوات يعني حول الـ 69 الف ..

بس المصيبة الكل يذم بنك الراجحي ..

ابي افهم هالآليه هذي............ !
هل فعلا مااقدر اخذ قرض من بنك ثاني ؟ نهائيا مافيه امل؟ نغسل ايدنا!

واانا لحد الان مااستفسرت عدل من الموظف في شركتنا اكثررر لانه عطاني اياها بوجهي يوم قلت ابي تثبيت راتب ع بنك الرياض قال لي مافيه الا الراجحي ..

مصيبة والهي بس نبي نسمع ردودكم..

والقرض ابيه عشان ابي اخطب واتزوج طفشنا من العزوبية ..

[align=center]
اخوي الكريم اتمنى لك التوفيق وين ماكنت
انا اقترح عليك انك تمر البنوك وتقول لهم عن عملك وراتبك وبيفيدونك وحسب علمي ان اذا كان بنك الراجحي بيعطيك فغيره يعطيك لان يكون اسم الشركة مدرج في السستم حق البنوك واذا حاب اي مساعدة ممكن تضع رقمك و اتواصل معك او ايميلك
والله يوفقك ويسهل امرك يارب
[/align]

مثل ماقاللك اخوي طالب تمويل
دق على اي بنك
هم اصلا يبون يسئلونك وش جهة عملك
ويبين الكلام
هل شركتكم ضمن هالبنك ولا لأ

بالتوفيق
والله يجمع بينكم بالخير

السلام عليكم ورحمة الله وبركاته

بالامكان اسوي اتفاقيه بين البنك السعودي الهولندي وشركة اكسيوم

بس رتب لي زياره لكم مع المدير المالي

الله يعينك .......

او المدير المفوض بالتوقيع بالشركة

انا ازوره وارتب الاوراق لكي اعمل معه اتفاقيه بين البنك والشركة

الأخ صاحب الموضوع .. صحيح ان الموضوع قديم لكن ماحبيت أمر بدون ما افيدك

انا موظفه في بنك الراجحي ونسبة التمويل الآن فيها عرض نازله لـ 2.5

وبشكل تقريبي اذا تبي تاخذ تمويل وراتبك 4000 .. راح يطلع لك في حدود ال79200 ريال

اي سوال او استفسار انا حاضره

والله يسهل لك امورك