السلام عليكم ورحمة الله وبركاته


اليوم حاب اطرح عليكم موضوع , منوع وخفيف واتمنى من اخواتي النساء يتقبلن مابين السطور بصدر رحب , وهذا ماتعودناه منهن ..سعة الصدر ,

بصرآحه مواضيعي كثيره ومتشعبه ..ولكن ودي اختصر ,

ويكون النقاش عام وهادئ ..لااتهم المرأه ولا المرأه تتهمني ..
الموضوع عباره عن نقاش ,, للفائده ..


..

كثير مانسمع بالسوق ..يافلانه من وين جيتي ..جيت من السوق ..

يافلانه وين رحتي ..رحت للسوق ..يافلانه وش تبين ..أبي السوق ..

..

تدرون ان االمشكله مو ان المرأه تفكر او تبي او انها بس بالسوق ..

لالالالا ..انتم واهمين ..

..

موضوعنا لما تدخل السوق ..الله مايكره شي إلا إذا كان فيه مفسده للأنسان ..
لأن النبي عليه السلام قال( ابغض الاماكن إلى الله اسواقها ..واحبها إلى الله مساجدها)

..


والله ياأخوان اني اتهاوش انا واخواني بسبة السوق كلن يقول والله ماروح ..



..

ابي اعرف شي واحد ..الحين البنت لما تروح للسوق ليه تحط مكياج وتتغنج وتحاول انها تجذبك ؟؟؟؟ عفوآ تفتنك .. اسف ..تستفزك ..ولا تدرون بالعربي تغريك ..
تبيك بأي طريقه تتكلم معها ...

الحين كل الكشخه لمن ؟؟؟؟

انتي رايحه للسوق ليه تلبسين كل هاللبس ؟؟؟

المشكله انها لو تزوجت افشل ثوب عندها تلبسه .. ولاتحط لاكحل ولا روج ..ولا تتعطر..

مدري وين تروح هالكشخه ايام المسخره السوقيه ..!!!

بصراحه بصراحه ...انا اتمنى من كل بنت تجاوبني بكل هدوء ليه البنت تلبس هاللبس

ومنهو له ؟؟؟

..


انتظروا جزئي الثاني ..يانساء تعالن إلى كلمتن سواء ..

الله يهدي الجميع

وانتم ياعيال وين تروحون وماترجعون لبيوتكم إلا الفجر ماخذين البيت فندقة !
جلسة مصارحة

هههههههههههههههه
اولا مو الكل تلبس وتتدلع في السوق
ثانيا طبع البنات يحبون الزين والكشخه في سوق او غيره لانه فطره مو شرط تكون لابسه عشان تستفزك انت او غيرك
يعني تبونا نعفن عششان تفكونا منكم خخخخخخخخخخ

ثالثا وهو الاهم البنات يروحون السوق لانهم فطريا يحبون يشترون ويتسوقون ويمشون عيالهم او اخوانهم في الالعاب
لكن انتم وش تبون في السوق بالذات اغلب المولات كل المحلات تقريبا نسائيه ؟؟؟

وعليكم السلام ورحمة الله وبركاته
اولا:اهلا وسهلا فيك بما انك عضو جديد
ثانيا: طبعا مايحتاج اقولك ان السوق غريزه في المرأه وبالنسبه للكشخه موكلنا مثل بعض بس اذا تبغى تعرف ليش ان البعض يتكشخون ويتغنجون اقولك هذي طبيعة المرأه لاشافت رجال تحب تظهر انوثتها سواءا بالحركات او الكلام او المشيه وهذي الشي فطريا فيها

يمكن في بنات يحبوا يلفتوا النظر ، تحس انها مبسوطة لما تسوي كدا
وطبعا ماني منهم

ابشرك بتنحل هذي القضيه قريبا بيسون سوق خاص فيهم

وبنشوف بعدها تراهم يزينون ولا
تبى الصراحه هم يرفعون الظغط من هذي الناحيه الله يهديهم بس

تبي الصراحة أنا أمووووت بالسووووق والسبب أعرف اللي طالع وأشوف الجديد وأشتري اللي أحتاجه وأسعر اللي يعجبن وهكذا وأصبحت الآن بالأسواق مكان لترفية الأطفال ويوجد ألعاب بصالات مغلقة ... يعني اللي عندها أطفال تأخذهم معها وتمشيهم وتفرح قلوبهم .... أما سالفة أنها تتزين أنا معك بهذه النقطة ليه تتزين وبيتها وقدام زوجها ماتتزين ويشوفها بأبشع صورة الأولى تتزين لزوجها مو لغيره ... الله يهديهم بس .. والحمد لله عمري ماتجملت عشان السوق ...أروح بإحترام وأتسوق بإحترام وأدب ...

أخوي ..,

بما أن الموضوع جلسه مصارحة .؟

أولا ذهاب المراه للسوق شي طبيعي لعده أسباب حبها للشراء ومتابعة الجديد

وشي فطري خلقها الله عليه وهو الجمال والتزين ...........؟ لاكن

وضع المكياج والتكشخ ولفت النظر هذا تصرف سيئ من قبل الفتاة

ومحرم فيي ديننا الاسلامي الحنيف ...؟

أسئل الله الهداية لبناتنا

كل الشكر

وعليكم السلام ورحمة الله وبركاته

آنآ معاك صحيح انو ابغض الاماكن عند الله الاسواق وعني ما احب اروح بدون حاجه

بس آخووي الحين مو نفس اول يدخلون السوق عشان حاجه يخلصونها ويطلعون لااا الوضع تغير ..!!

الحين تقدر تقول ان السوق صار زي النزهه فتحصل انهم يروحون لآي مجمع ويجلسون لك

بالكفي يتقهون بعدها يتعشون لك بأي مطعم والصغار يلعبون بالالعاب ..

يعني حتى الناس صاروا يتقابلون بالمجمعات ..!!

اذا رحت لأي مجمع ارقى فوق للمطاعم وشوف تحصل لك على الطاولات المغلقه عائلتين ثلاث قهوه

وشاهي وفله ووسوالف حتى انو اغلب البنات الحين يتواعدون مع صحباتهم بالمجمعات يجلسون

بالكوفي وشوي يتسوقون بعدها يتعشون وعلى ذا الحاله ..

طبعآ اللي متواعدين مع اهلهم ولا اللي متواعده مع صاحباتها مستحيل انها تروح السوق بدون ما تتضبط

وتكشخ ..لانها مضطره انها تكشف وقت مايجلسوون مع بعض .. فلازم تكون مترتبه ومتضبطه

يعني لاتستغرب لما تشوف اي وحده بالسوق كاااشخه ومتزينـــــه ومو شرط كل بالسوق جاين لحاجه..!!

وما انكر في بنات الله يهديهم يبدعوووون بالمكياج كانو رايحين لزواج ..!!!

ما اقول غير الله يهديهم والله يسترني فوق الارض وتحت الارض ويوم العرض ولايشمت فيني عدو ولا حاسد وجمسع بنات المسلمين ..