[بجي عام 2012 وهالشي للحين موجود]

آهات وله · #1 (**permalink**) 19-07-2011, 04:48 AM

كنت ارد على حدا المواضيع بكل استغراب !
لالا موب معقوله اكيد يافلانه تبالغين او هالسالفه قديمه وجايه تهكينها علينا

معقوله للحين فيه ناس تفكر كذا وقلت اذا فيه فهو مقتصر على كبار السن بس !..
وش اللي يخليهم يتمسكون بـ هالنظره ؟
فيه اشياء كثير تغيرت وش معنى هالشي ؟
هل هو الخوف ؟
او الوسوسه ؟
او حب تملك واستقواء ؟

لين شفت بعيني ! وفي مجتمعنا (السعودي مب الاسري)
بعد كذا اقتنعت ان هالشي لايمكن يتغير بالنسبه لهم , او يكون بمشيئة الله ..

المشكله صارت اسطوانه تردد من ظمن الحكي وممكن بدون وعي لانه تعود اللسان عليها ..

تشوف ثنتين يسولفون ترى فيه عزيمه الاسبوع الجاي بتجي فلانه وفلانه وفلانه (وفلانه وبناتها) ..تجي علة من العلّل وتشطح > ياعوينتي فلانه اللي ماعندها عيال ؟
ماشلت هم الحرمه قد ماشلت هم البنات لو انهم موجودين ! وش شعورهم لو سمعو هالكلام ؟
استنقاص مب طبيعي طيب البنت وش فيها والله يااحيانا انها تجي اطلّق من 60 رجال !

كثير نسمع :
البنات مابهم بركه
البنات وجه شر
البنات علّه وعاله

في الحاله هذي (فقط)
صراحه مالوم بعض البنات لو انحرفوا
مالومهم لو جتهم حاله نفسيه
مالومهم لو حاولوا الانتحار

فما بالك لو يصير ظمن هالضغوطات الاسره نفسها ! يعني غير المجتمع تجي الاسره نفسها وتزوّد الطين بلّه
وهالشي يكونون اخذينه من اللي حولهم شي طبيعي يتأثرون كلنا على ارض وحده !!

بعض الناس عندهم نظره ان لو الشخص عنده ولد واحد كذا ملك الدنيا وذاق طعم الذريه
ولو عنده 6 بنات صار المسكين اللي ماعنده سند ولا ولد ولاتلد

مع ان البنت باغلبية الاحوال هي اللي بتفيد والديها سواء بنت / متزوجه/ مطلقه

لكن النظره البايخه من المجتمع في كل حالاتها تشوف انها مكسورة الجناح وناقصه وماتفيد بشي ! وعاله على اهلها
للحين مترسب ومعشش في مخهم (وأد البنات واسوداد الوجه منها)
رغم ان الاسلام حرم هالشي ورغم انها من خصال الجاهليه الا ان البعض يشوفها رجوله وحكمه ونظره صحيحه !

يمكن ببالهم بالطريقه بيحافظون عليها ويصونونها بالعكس ذا اكبر غلط البنت كائن حي ترى مب جماد ولكل فعل ردة فعل

عطها ثقه وعزز فيها تصير قدها وقدود
عطها كلام حلو وسليم تعقل وتصير مؤدبه

بين لها انها مب قد الثقه وغير صالحه للعيش صدقوني بتخربها

عطها كلام مب حلو ومحطم اللي ينكسر صعب يلتئم

يعني بالليّن والرفق تصير احسن وحده وشغل الاستقواء ابداً ماينفع

قالها حبيبنا صلى الله عليه وسلم (رفقاً بالقوارير)

قوارير ياناس شف عمق التشبيه وتأثير الرفق عليه

خصلة الجاهليه هذي نبي نمحيها من جذورها شلون ؟
نتمسك بدينا صح .. نشوف كيف كان محمد صلى الله عليه وسلم يعامل المرأه بنت او زوجه او اخت
كيف كانت لها قيمه ومكانه كيف كان يعتمد عليها وانها نصف المجتمع بحق وحقيقي مهوب مايكمل النص ويقوم الا بالقياده
اسماء نساء كثير خلد اسمائهن التاريخ بالعلم والشجاعه والطب و و و الخ
واللي بيبحث يشوف ..لا بدون مايبحث اسماء اثبتت نفسها علناً ماتحتاج للبحث والاشهاد

[ احب اقول انه لما كتبت هالموضوع مهوب معناته هالشي موجود عندي او عند اي احد بيقول لالا انا الحمدلله ماعندنا اللي تقولين حبيت اظهر انه للحين هالشي موجود فعلاً مااختفى , لكن بشكل باطن]
وادري ان الموضوع واسع بس خلوكم على خط .. استنقاص البنت وضعفها وانها مهيب قد شي بالحياه !
ومانستغني عن تقليعاتكم

مما رآق لي

روح مطير · #2 (**permalink**) 19-07-2011, 07:04 AM

...........
تذكرت وحده الله رزقها في بنت ولما جو الناس يباركون صاروا يقولون.."معليش اصبري ان شاءالله يعوضك بالولد،وثانية تقول:احتسبي الأجر.."
وش هالمستوى اللي وصلنا له!!!!
شيء مخجل بصراحه

آهات وله..
حديثي هنا ..ذو شجون

كل الشكر لك

فاتنه · #3 (**permalink**) 19-07-2011, 12:51 PM

وكلوو كوووووووووووووووووم اذا شافواوحده متاخره عن الزواج ينظرون لها بنظرات الاسى ويفضلون يحبطونها بالشياب والمتزوجين زي قولت مو جايك الشاب العزابي
الحمدلله ان فيه رب وان كل شئ بيده
موضوعك رائع اختي تشكرين عليه

عاليمول · #4 (**permalink**) 19-07-2011, 12:53 PM

برافو على المعلومات الزينه
هههههههههههههههههههههه

اميرهم كلهم · #5 (**permalink**) 19-07-2011, 01:56 PM

مشكلت البنات هنا التعميم
والله والله انا لما اكتب موضوع ماأعمم ولكن البنات مدري ليه يعممن كل اخطائنا
بالله بالله عليك وابى كل بنت تجاوب ..وانا استغرب والله من بعض البنات

تجي تقول انا اخوي وانا ابوي وانامدري منهو مايسوي لي شي وتتشكى ..........وهي 24 ساعه على النت ..

وفصفص وسنكرس وماتاكل إلا من افخم المطاعم ....................طيب انتي بكذا كلامك متناقض .............!!!

شوفي حنا عندنا اخطاء ...............بس عندنا ايجابيات

انتن عندكن اخطااااء .................بس عندكن ايجابيات .................

المشكله وين .....................؟؟ ............المشكله وش الحل .................................................؟ !!

آهات وله · #6 (**permalink**) 19-07-2011, 04:55 PM

اقتباس:

المشاركة الأصلية كتبت بواسطة اميرهم كلهم

مشكلت البنات هنا التعميم
والله والله انا لما اكتب موضوع ماأعمم ولكن البنات مدري ليه يعممن كل اخطائنا
بالله بالله عليك وابى كل بنت تجاوب ..وانا استغرب والله من بعض البنات

تجي تقول انا اخوي وانا ابوي وانامدري منهو مايسوي لي شي وتتشكى ..........وهي 24 ساعه على النت ..

وفصفص وسنكرس وماتاكل إلا من افخم المطاعم ....................طيب انتي بكذا كلامك متناقض .............!!!

شوفي حنا عندنا اخطاء ...............بس عندنا ايجابيات

انتن عندكن اخطااااء .................بس عندكن ايجابيات .................

المشكله وين .....................؟؟ ............المشكله وش الحل .................................................؟ !!

طبعا قلت مو كل البنات
والله يهدي الجميع

ناصرالجميشي · #7 (**permalink**) 19-07-2011, 04:46 PM

اللة يصلح الجميع

آهات وله · #8 (**permalink**) 19-07-2011, 05:03 PM

روح مطير

فاتنه

عاليمول

ناصر

اشكركم على المرور العطر

أمواج حائرة · #9 (**permalink**) 19-07-2011, 05:20 PM

بصرحة كل الكلام الإ قلت موجود
على أرض الواقع فيه ناس متخلفه
ومتعصبة عندها خصلة الجاهليه

عاطله منحوسه · #10 (**permalink**) 19-07-2011, 07:53 PM

والله انك صادقه الى الان موجودة هالامور والمشكله محد نافعهم الااحنا ونقوم بخدمتهم ؟

والولد بس يقوم بخدمه وحدة لهم يشوفونها ويين ؟ ويحسبونها لهم طول السنه

مجتمعنا رجعي بهالامور مستحيل يتعدل ((( الله لنا الله المستعان)))

ياحظنا الاشقر ميل وصير ابيض هههه << دعابه

شاكرين لك طرحك

تسجيل الدخول

[بجي عام 2012 وهالشي للحين موجود]

إستراحة الأعضـاء

كنت ارد على حدا المواضيع بكل استغراب ! لالا موب معقوله اكيد يافلانه تبالغين او هالسالفه قديمه وجايه تهكينها علينا

[بجي عام 2012 وهالشي للحين موجود]