تسجيل الدخول
|
|||||||
تأسس الموقع عام
2006
Site was established in 2006
|
|||||||
| أضف رد |
|
|
LinkBack | أدوات الموضوع | انواع عرض الموضوع |
02-01-2008, 05:50 PM
|
||||
|
||||
الـفـضـيـحــة الـكــبرى...!! لا تفوتكـــم
إجـــــتماع المـــــدرسين
المدير: شوفوا لكم حل بثالث جيم, فشلونا سمعتهم واصله آخر الدنيـا وجانا كم إنذار من وزارة التربية والتعليم كله بسبتهم. وبكره بيجينا مـوجه مخصوص علشانهم. الأستاذ فاروق الفستئاني (الفستئاني): (بلهجه سوريه) شوووف استااااز تالت جييم مابيجي من ورا راسون إلا المشاكيــل ,انا بأتريـح (اقترح) توزعون على المداريـس التانية, كل مدرسه ارمي عليها شي اتنين تلاتي وريح راساك أخـــي. رائد الفصل (حسـنى شـمعة) (لا شعوريا): نفصلهم !!!! وأبطل دروس خصوصية يعني وإلا إيـه!!!..أصـدي أنا عندي فكره هايله حتحسن صورتهوم أودام الموقـه (الموجه) وحخليه يئول إن كل الكلام اللي سمعه عنهم إشاعات المدير: بس شوف يا حسني هذي آخر مره لك إنت وياهم والا فصلتهم كلهم وأولهم إنت. بشوف وش تسوي فيهم, والا هم وش بيسوون فيك طابـور الصبـاح مشهد طابور المدرسه الصباحي: الطلاب صافين والمدرسين والمدير مع الموجه. حسني شمعه ماسك ميكرفون الإذاعه المدرسيه: والآن الإزاعه المدرسيه لهزا اليوم مع.. تالت قيــــم. المدير مستغرب للأستاذ فاروق: والله اللي فشلنا فاروق فسـتئاني باستغراب: "تالت جيــــم, العمــى" ويروح للإذاعه بسرعه طلاب الطابور ضحك واستغراب يلتفتون على بعض وهم يقولون ثالث جيم... ثالث جيم..!! بيجيبون العيد حسني الشمعه يعطي الميكرفون لعلي الدب. ويقول لهم ياولاد زي مااتفقنا, وروهم إنكو أد المسئوليه. " الإذاعـة المـدرسـية " علي الدب يجرب الميكرفون: الوو الوو... أخوه سعد المعصقل من وراه "حول حول" علي الدب: "مدير المدرسة الفاضل, آبائي المدرسين, إخواني العيال: سعد أبو عصاقيل سليمان العربجي, وممدوح وحميدان.. الأستاذ فاروق يضرب علي الدب على قفاه طااااخ, إحكي ولاه. علي الدب: السلام عليكم ورحمة الله وبركاته , أسـعد الله صباحكم باليـمن والبركات, خير ما نستهل به إذاعتنا لهذا اليوم آيات عطرة من القرآن الكريم يتلوها على مسامعكم الطالب: حمود المطوع. يجى حمود المطوع ويقرا سورة قصيرة بصوت رخيم. علي الدب: أما الآن مع فقرة هل تعلم للطالب حميدان حميدان بصوت عالي: هل تدري. هل تدري إن للذبابة ستة أعين. هل تدري وإلا ماتدري إن الفار يصيب بمرض الطاعون. هل تدري وإلا ماتدري أن إذا قطعت شوارب الصرصور يقعد يخبط في الجدران. هل تدري وإلا ماتدري أن لكل قطو برميل زبالة مخصص يسكن فيه وشكـرا. علي الدب أما الآن مع حكمة اليوم والطالب: سلوم المفهي. سلوم المفهي يقرب.. يمسك الميكرفون بيد واليد الثانيه في مخباه تحوس يدور الورقه اللي فيها حكمة اليوم. يطلع الورقه ويقول: "حكمة اليوم" ويفتح الورقه ويقرا بصوت عالي "البضاعة المباعة لاترد ولاتسبدل" يسكت شوي ويناظر الورقه ويكمل "شماغ, طاقيتين, شراب العايله, ثلاث فنايل علاق, سروال سنه, ***رية .." وهو جالس يقرا إلا وذاك الكف على قفاه من الأستاذ فاروق وهو يقول "العمى شو حمااار... ولاه طلع الورأه (الورقه) ياللي فيها حكمة اليوم مو فاتورة ملابســاك "سلوم المفهي, طيب طيب يدخل فاتورة ملابسه بمخباه. علي الدب: الآن مع موضوع الصباح للطالب: "أخوي سعد أبو عصاقيل" سعد يفتح ملف أخضر علاق ويقرا, "أعزائي المشاهدين, موضوع حلقة اليوم العطلة الصيفية (مـدمن فضائيات) " لقد رحنا في العطلة الصيفية أنا وأهلي إلى بلدي الثاني لبنان" علي الدب: تراه تسـذوب, بالعـطله رحنا لخـوالي بشـقراء. سعد يلتفت إلى علي الدب بزعل ويكمل "ولكن علي الدب لم يكن معنا" ويطلع لسانه لعلي الدب رحنا بالطيارة و كانت أمي خايفة جداً جداً لأنها أول مرة تركب طيارة, بس أنا أصلاً دايماً أركبها, وفي الطيارة جت شغالة الطيارة وجابت لنا القهوة والشاي ثم جت وقالت اقلطوا على العشاء, وقلطنا في المقلط مع العفش, وكان الطيار واقف على روسنا ماسك اللبن وقال سموا على عشاكم, يالله إن تحييكم, وكان مفطحاً شهياً. وخلصنا وغسلنا, وكان مساعد الطيار ماسكن الفوطه والطيب وأعواد الأسنان. وعندما وصلنا لمـطار المـلك خـالد حقهم, ذهبت أنا لتختيم الجوازات والرخصه والاستمارة وذهبت أمي للتطبيق, وكنت أتحدث لغتهم بطفاقة لأني أمي وأبي مامعهم لغه. وقال لي العسكري: جواز مين هيدا؟.. فقلت له: بييَ (أبوي باللبناني), وقال: "وهيدا؟" قلت: مييَ (أمي). وهيدا؟ قلت: خييَ (أخوي) وقال "وهيدا؟" قلت: نييَ (أنا) وكان جوازي وقال لي أبوي ما شااااء لله عليك يا وليدي إنك بلبل سداح في اللغه اللبنانيه الفصحى, التفت عليه وقلتله, إي لاكــان, ثم التفت للبـنـانـي وقلت له تـرى أنا سـعودي مانيب زيكم. وشكله كان مستغرب يحسبني لبناني. وفي لبنان سكنا في مدينة بيروت مشيط وكانت مدينة جميلة فيها مـزارع بكل مكان, ولم أشوف عندهم تـراب, علشان كـذا مافيهم الاشـهب, ورأيت دولاً كثـيره, وشفت دوله وماعرفتها, يوم دققت مكتوب عليها, بورسعيـد, وشفت اللمملكة العربية السـعودية الشـقيـقة (وش عنده اللبناني). ثم ذهبنا إلى الأهرامات وكل واحد منا ركب له على واحد, أنا ركبت على الخنـصر, وأخـواني واحـد ركـب على البنصـر, وعلي الدب ركب على الوسـطى, يلتفت لعليان أجل رحنا لخوالي هـا. "أما أبوي فركب على أبو الـهول لأنه يشبهه". وكانت رحلة سعيدة, ورجعنا بالسيارة ومررنا على تونس الخضراء, والسودان السوداء في الـطريق عبينا بنزين بعشرة لأنا فلسنا, وكملنا الـطريق إلى أن وصلنا بالرفـاء والبنيـن. وإلى اللقـاء في الحـلقـة القـادمـة. علي الدب أما الآن .. صوت جوال يدق من مخبا علي الدب ويطلع الجوال والميكرفون بيده وطبعاً صوت المتصل واضح لأنه قريب من الميكرفون وكل الطابور يسمعونه.. صوت حرمه: "ألو .." علي الدب: "هـلا بهـالصـوت, ممكن نتعرف؟ الحرمة: "وجع يمصع ضلوعك .. أنا أمك حصيصه!!" عليان بصوت مرتبك "يمــه" طلاب ثالث جيم اللي وراه "إسم أمه حصيصه ... إسم أمه حصيصه (بما فيهم أخوه سعد أبو عصاقيل) علي الدب: يمـه شغلي الرادو, بتشوفينا أنا وأبو عصاقيل على قناة المدرسه إف إم. حصيصه: الرادو ما يشتغل, إنت ناسي إن دشنا خربان,"علي" وراك سارقن جوال أبوووك, أنا زاهمتن عليه وطلعت لي إنت ! علي الدب: "مهوب أنا, أنا أصلاً صار لي إسبوع ماشفت جوال أبوي" حصيصه: أجل اللي تكلم منه وشو؟؟!! "هـذا مهوب أنا, أنا أخـوي سعـد.!!!" حصيصه: أشـوى أحسبه إنت. علي الدب يلتفت على سعد المعصقل: "إنت معلم إمي إن الجـوال مـعي يالحروش" سعد يحاول يكلم أمه في الجوال: "يمه يمه, حنا الحين في الإذاعه وإنتي على الهوا.. عندك مداخله والا طبخه؟" علي الدب, والآن مع الشيـفه (الطباخه) أمي. حصـيصـه: ماشيفه إلا إنتم وأبوكم, وتسـكر الخـط... الأستاذ فاروق يمسك راس علي الدب وسعد المعصقل ويصكهم ببعض ... طرااااااااااااخ وياخذ الجوال. كمـل ولاه فورتللي دمـي. علي الدب: "أما الآن مع نشيدة الصباح وسليمان العربجي بعنوان "عصـفوري الصغير" علي: سليمان وش عندك لابس بدلـه حمرا. سليمان: لأني أول مره بمسك ميكرفون قدام الجماهير. سليمان ياخذ المكرفون ويقول "أحـلى تحيه لشباب ثالث جيم اللي على البيست, وأحلـى تحيـه للموجه والمدير وأحلى تحيه للوكيل بغيابـه, وياشباب اللي يبغى أغنية يكتبها على منديل ويعطيها المدرسين يوصلونها لي.. سليمان العربجي: "أويــــــــلي, أويلـي, أويـلي أويـللللي" "سـود العيــووووووون إكبـــــــــار .... والشــامــه حـلــوووووه" "شـــــــايل جـمــال الكـووووون ... وباليــني بــلـوى" يحط الميكرفون تحت ابـطه, ويقول "يلا كلنا سـوى .. ياثالث جيم" هالعيون شلون املــــها سحر ذوبني بغزلهــا (يلتفت لصف أول) بوسه من عندك حبيبي تسوى عندي الدنيا كلها... طلاب المدرسـه كلهم يرددون وراه ويغنون وتنقلب المدرسه مرقص وهيصه. -------------------------------- السعـــــوده المدير بعصبيه: ماني قايلكم.. فشلتونا كله منك يا حصني (يقصد حسني) خلاص ضف وجهك إنت وطلابك, مالقيت تحطهم في الإذاعه إلا يوم جا الموجه, والله مايندرا وش بيصير فينا ويدخل عليهم شاب سعودي في مقتبل العمر تظهر عليه علامات النشاط والحيويه (جنتل مان) "أنا المشرف الطلابي الجديد" جايكم من إدراة التعليم لحل مشاكل بعض الطلاب اللي عندكم. المدير: "بس وهذي هي, أقصد.. مدير المنطقه التعليميه ما أصدر معك قرار.. يعني "نقل .. فصل .. سجن .. تعزير" المشرف بإبتسامه: "لا.. وليه كل هذا, المسأله وما فيها إن الطلاب عندكم عندهم إمكانيات وطاقه مهدره ماعرفنا كيف نستغلها في صالحهم, أنا متابع موضوع ثالث جيم عندكم من بداية السنه وأعرف إن عندهم طاقات جباره بس يبغى لها تتوجه التوجيه الصحيح, بس يحتاجون بعض الإهتمام والوقت" ماعندهم مواهب أو هوايات معينه؟ الأستاذ فاروق: "ايه بلا, عندون مواهب في اللعانه والإجرام" المشرف: "لا, أنا أبغى الأشياء المميزه فيهم ما حاولتوا تستغلونها في صالحهم وصالح المدرسه ومجتمعهم ووطنهم" حسني شمعه: دول أبالسه المشرف: "كل إنسان فينا لازم يكون مبدع في شي مهما كان, بس يبغى مين يكتشف هالعملاق اللي في داخله ويصقله, حتى لو كان ماهو مميز أكيد بيكون عنده هوايه لشي بتفيده وتفيد مجتمعه وتشغل وقته إذا عرفنا نستغلها" المدير يرد وشكله تأثر بكلام المشرف: "كلامك منطقي" ***************************************** الهـــــروووووب الكـــــبييييييير المشرف مع الأستاذ حسني يراقبون طلاب ثالث جيم وهم يهربون من المدرسه... علي الدب ياخذ الشنط والكتب, ويحذفها من الدريشه ويوصلها لبرى المدرسه من قوة الحذفه. سعد أبو عصاقيل يركض وينط على السور المرتفع ويجمع الكتب, ويقرب السياره لهم. سلوم المفهي هرب وجلس يرسم على الجدران صور كاريكاتوريه للمدير والمدرسين وعياراتهم. حسني للموجه: زي ما انت شايف سعادتك ... حنئولك إيه والا إيـه دول مجرمين محترفين. المشرف: ماشاء الله إبـداع, قمه في المهارات. *------------------------------------------------* شبـــــاب المستـــــقبل وبـعـد كـم سنه وبعـد أن أصبح المشرف السـعودي مسـئولا عنهم... صار سعد أبو عصاقيل اللي ينط السـور بـطل المملكه في الوثب العالي. الدب اللي يحذف الكتب من الدرايش بطـل آسيا في رمي الجله. وسلوم اللي يرسم على الجدران أخذ جائزة المركز الأول في الفن التشكيلي على مستوى الخليج.... 
|
|
02-01-2008, 07:55 PM
|
||||
|
||||
|
الله يعطيك العاافية قسم بالله فطست من الضحك والله ذا الاولاد موب صااااااااااحين ههههههههههههههههههههههههههههههههههههههه والله قصة من جد تجنن والاحلى من ذلك انها قصة هااااااااااااادفة اي والله ما فيه أحسن من المدرس السعودي هو اللي يحس بأبناء بلده وبس الله يزول .....................<<<<خلني ساكته بس
|
|
02-01-2008, 09:10 PM
|
||||
|
||||
|
يعطيك العافيه قصه روعه مسليه ومفيده بعد
|
|
02-01-2008, 09:35 PM
|
||||
|
||||
|
هههههههههههههههههههههههههههههههههههههههههههههههههه ههههه
|
|
02-01-2008, 10:04 PM
|
||||
|
||||
|
هههههههههههههههههههههههههههههههههههههه
|
|
02-01-2008, 10:40 PM
|
||||
|
||||
|
صراحه،،،، يعطيك العافيه على القصة ابداع وإنت مشاء الله عليكِ عندك موهبة انشاء القصص >يعني التعبير ميه ميه< قصه هادف ،،، لو تقدري تصمميها على فلم كرتوني ،،،،،،، ياليت،،،،
|
| أضف رد |
|
(( لا تنسى ذكر الله )) |
|
|
|
|
العرض العادي
