قوات الامن الخاصة (( تجمع المقبولين مبدئيا واستفساراتهم ))

نايم طول السنه · #**271** (**permalink**) 21-07-2011, 01:51 AM

الحمدلله والصلاة والسلام على رسول الله وعلى آله وصحبه أجمعين

مساكم الله بالخير ياشباب عساكم طيبين ..

عندي سؤال يالربع . وينها أم الحمام . وين مركز التدريب حق قوات الامن الخاصه سمعت ناس يقولون مركزهم باآم الحمام ولا أدري وين آم الحمام هذي . دلوني جزاكم الله خير . والله يوفقني ويوفقكم .

مع المرآجعه وش اللباس اللي نتقدمه لهم . هل هو بالثوب أم بالبنطال أم الرياضه .

رهوب · #**272** (**permalink**) 21-07-2011, 01:53 AM

يجي من يفيدك للرفع موفق

رجل الحب والسلام · #**273** (**permalink**) 21-07-2011, 01:57 AM

شبــــــــــــــــــــــــــــــــــــــــــــــــ ــــــــــــــــــــاب السلام عليكم ورحمة الله وبركاته
حاب تشرحون ليا ماهي قوات الامن الخاصه وماهي اعمالهم ومهامهم وكيفية التدريب يعني شرح موجز والراتب ايضا انا جتني رساله تفيد بقبولي مبدئياً علما انني احمل بكالوريس + دبلوم الكلية التقنيه وطولي 188 وزني 119
ارجو ان يكون الرد واضح ومفضل
حتى لا اخذ مكان غيري يكون بحاجه لها

تحياتي

أبٌو لَيْآنَ · #**274** (**permalink**) 21-07-2011, 01:58 AM

اقتباس:

المشاركة الأصلية كتبت بواسطة مدافع صلب

هذا وصف للام الحمام :-

أنت جآي مع طريق مكة السريع بيجيك مدخل الريآض اللي هو نقطة تفتيش بعد مآآتطلع مع جبل العآرض ، يعني طلعه مرة كبيرة ،، بعدين تمشي على طوول لا تلف يمين ولا يسآر ،، روووووح بيبدأ الطريق ينزل ويطلع مع وآدي لبن ، بيجيك قصر الملك عبدالعزيز للمؤتمرآت وآآآآآضح مرررة على يمينك بعده يجيك لوحة مكتوب وسط الريآض أو وسط المدينة يمين ،، أول مآآتلف يمين تمشي تقريباً 4 كيلوا على مآآ أظن بعدين يجيك كوبري مكتوب عليه ( طريق الأمير تركي بن عبدالعزيز الأول ) بعدين تطلع معه وتآخذ يوتير يعني فوق تحت وتجلس ع الخدمة تمشي تقريباً 500 متر أو أقل وبتشوفهم على يمينك ،،

*************

إذا صرت جآي من المدينة من عند القصيم ، أول مآآتدخل الريآض من جهة الشمآل - يعني شمآل الريآض - تمشي على طول لا تلف يمين ولايسآر هذآ أسمه طريق الملك فهد طبعاً بتشوف برج المملكة والفيصلية على يسآرك ( هذا للتأكيد أنك مآشي تمآم ) إذا صآرت الفيصلية على يسآرك بعدهآ يمكن كيلوا وآحد بيجيك ميدآن كبير عليه أعلام السعودية هذا تقآطع طريق الملك فهد مع طريق خريص ، تطلع يمين كأنك كأنك رآيح لمكة ( بتشوف لوحة مكتوب مكة ) ، أول مآآتطلع يمين بيجيك أول مخرج أتركه ثآني مخرج ( الأمير تركي بن عبدالعزيز الأول ) أطلع معه وتجيك الإشآرة رووح على طول مع طريق الخدمة تقريباً 500 متر أو أقل وبتشوفهم على يمينك ،،

والمطلوبات
- نسخة من الشهادة الدراسية مصدقة من الجهة التعليمية
2- نسخة من شهادة السيرة والسلوك إن وجدت
3- (6) صور ملونة 4*6 مكشوف الرأس
4- نسخة من الهوية الوطنية مع الأساس
5- نسخة من بطاقة العائلة لوالد المتقدم موضح بها اسم والدته
6- نسخ من شهادة الدورات الحاصل عليها إن وجدت
7- وضع جميع الأوراق في ملف علاقي

كما نود إعلام المتقدمين بأن الكشف الطبي المبدئي هو مرحلة من مراحل القبول، يعقبها المقابلة الشخصية والكشف الطبي النهائي والمسح الأمني والفحص عن المنشطات والمخدرات واختبار اللياقة البدنية، وأي اختبارات أخرى يتطلبها القبول.
وكذلك نحيط المتقدمين باالحضور
للكشف الطبي المبدئي والمقابلة الشخصية
بالزي الرياضي بدون الحذاء الرياضي،
وعلي المتقدم حلاقة شعر الرأس رقم أربعة،
والحضور في تمام الساعة السادسة صباحاً في الأيام العادية والتاسعة صباحاً في خلال أيام شهر رمضان المبارك،
وسيكون الدخول من البوابة الجنوبية لقوات الأمن الخاصة بأم الحمام.

بتوفيق للجميع . . ،