قوات الامن الخاصة (( تجمع المقبولين مبدئيا واستفساراتهم ))

أنسآك · #**951** (**permalink**) 08-08-2011, 02:00 AM

اقتباس:

المشاركة الأصلية كتبت بواسطة تروك العتيبي

نسيت اسأل ..!

هل كل الأوراق المطلوبة ومن ضمنها ورقة القبول المبدئي اخرمها واحطها بالملف ..؟

يعني اعطيهم الملف باللي فيه ولا ما اخرمها ..!

والصور وين احطها ابقى ماسكها ولا كيف ..؟

جـ1- ماتدخل للفحص ولا تركب مع الباص الا اذا معك ورقة القبول المبدئي .

جـ2- أخرم كل اوراقك وثبتها بالملـف ..

جـ 3- الذيب يسبـع وضـعه

أنسآك · #**952** (**permalink**) 08-08-2011, 02:05 AM

اقتباس:

المشاركة الأصلية كتبت بواسطة عاطلين ياوطن

ياشباب انتم تسألون ناخذ كرت العايله ولا لا
انتم خلوا اوراقكم جاهزه عشان اول مايقول عطني الورقه الفلانيه اعطوهم اهم شي ربي يوفقكم وصدقوني لاتنسون الدعاء الارزاق مو بيدين الخلايق

ياليت ياليت يا اخوان اللي انقبل واللي راح للمقابله يعطينا علومه من طقطق لسلام عليكم من وش لبس وكيف اخلاق العسكر بالتعامل وش سألوه وطلع على الميزان ولا لا
ومادري كم الطول المطلوب والوزن المطلوب من حد كم لحد كم

نخيتكم وربي انا مدري البس ثوب وغتره ولا اجيهم بالبدله مع رمضان
والله يعين بس اطلع حق الرياض من العربيات بالحرم اشتغل فيها والله يعين

بأنتظاركم يالغالين

أولاً : اذا لبست ثوب يأخروك وتوقف بالشمس ويمرمطوك ..

ثانياً : ألأخلآق عاليه جداً وقمة الإحترآم .. بس إنت خلك محترم معهم وبيحترموك ( الجوال صامت وتنزل الطاقيه وتنتظم معهم وتفهم كل اللي يقولوه لـك ) .

ثالثاً : كرت العائله مايطلبون منك الاصل من اول مقابله يبون صورة من كرت العائله موضح بها اسم الوالده الله يخليها لك . في المقابله الثانيه يطلبو اصل كرت العائله .

رابعاً : الطول 170 .. الوزن ما ادري .. انا وزني 63 وطولي 177 وإنقبلت الحمد لله .

أي إستفسآر انا جاهز ..

أنسآك · #**953** (**permalink**) 08-08-2011, 02:08 AM

اقتباس:

المشاركة الأصلية كتبت بواسطة تروك العتيبي

[align=center]
الله يوفقك ويسهل امرك
وجزاك الله خير على الرد
بس انا ابي استاجر ولا اعرف مكان قريب من أم الحمام .."
هل احد منكم يعرف مكان اقدر استأجر في فيه قريب من أم الحمام ..؟
[/align]

حي العليا ..

أنسآك · #**954** (**permalink**) 08-08-2011, 02:11 AM

اقتباس:

المشاركة الأصلية كتبت بواسطة اجامل ايامي

يا شباب انا موعدي يوم 13 / 9
وانا من جدة ابي اعرف وين ام الحمام بالضبط في الرياض لاني ماعرف احد هناك

ياطويل العمر والسلامه ، اذا جاي بسيارتك اسئل .. إللي يسئل مايتوه ..

اذا مو بسيارتك صاحب التكسي تقول له ابي مركز قوات الامن الخاصه ب أم الحمام .. ويوصلك لهم

تروك العتيبي · #**955** (**permalink**) 08-08-2011, 02:12 AM

اقتباس:

المشاركة الأصلية كتبت بواسطة أنسآك

جـ 1- المقابله الاولى لا تحتاج لأصل كرت العائلـه .

جـ2- البطحاء كلها هنود وباكستانيين ما انصحك تستاجر فيها ، فيه شقق مفروشه قريبه من مركز قوات الامن الخاصه تقدر تستاجر فيها وتروح للمركز على رجولك مسافة 3 دقائق

جـ3- انا إستأجرت في حي العليا ، واخذ مني وقت تقريباً 10 دقائق وصلت الساعه 8:45 ولقيتهم صافين طابور ، أنصحك تروح للمركز الساعه 8 صباحاً ..

الله يوفقـك يارب .. وندخل الدوره سوا

[align=center]
آمــــيــــــن يا رب الله يسمع منك
وجزاك الله خير وماقصرت
[/align]

شرقاوي دوت كوم · #**956** (**permalink**) 08-08-2011, 03:54 AM

والله امي متوفية ((الله يرحمها))

ولا عندي شهادة وفـااة سـواء ورقة استلام جثــة

وهي انسقط اسمها من كرت العائلة لانها متوفية .....

ولا ادري كيف اثبت لهم اني امي سعودية .....

أنسآك · #**957** (**permalink**) 08-08-2011, 04:46 AM

اقتباس:

المشاركة الأصلية كتبت بواسطة شرقاوي دوت كوم

والله امي متوفية ((الله يرحمها))

ولا عندي شهادة وفـااة سـواء ورقة استلام جثــة

وهي انسقط اسمها من كرت العائلة لانها متوفية .....

ولا ادري كيف اثبت لهم اني امي سعودية .....

إذآ الكرت جديد يطلع اسم الوالده فيه الله يرحمها ويسكن روحها الجنه .. ويكون مكتوب جنبه ( متوفاه )

حلم الفتى العاطل · #**958** (**permalink**) 08-08-2011, 05:59 AM

اخوي اولا الله يرحم امك ويسكنها فسيح جناته ويرحم اموات المؤمنين والمؤمنات امين يارب العالمين

ثانيا انا مثلك امي متوفيه رحمة الله عليها

وكلمت العسكري قالي تجيب معك التالي : برنت من الاحوال + شهاده الوفاه الاصليه وصوره منها

وطبعا الكلام هذا اليوم توي جاي من المقابله

وبالتوفيق

عاطل ال عآطل · #**959** (**permalink**) 08-08-2011, 09:55 AM

ي شبـإب انا موعدي 16 / 9 ... بس الى مستغرب منه قدمت اول مافتح التقديم
ليه صكوني الا نص رمضإن يمكن على شان كتبت شهاده حإسب ..؟؟؟ < مدري ،
الشي الثاني اقسـم بالله خايف ي عيال طولي 172 ووزني 85 .. تتوقعون يقبلوني ..؟؟؟ < مدري ،