بسم الله الرحمن الرحيم
السلام عليكم ورحمة الله وبركاته
تجربتي اليوم الاربعاء 19/8 كان يوم اكثر من رائع في اسكان البحرية طريق الخرج وعكس المتوقع بعكس ما حصل امس في الفجص والمقابلة فقد كان يوم عصيب على العموم نرجع لموضوعنا في البداية كان الوصول الساعة 4 نصيحة للي بيروح بدري يتوضا من البيت لان مافي ماء عند البوابة طبعا تيممنا وصلينا على الازفلت وقعدنا على الارض في الازفلت شوي الى ما جات الباصات نادونا كل واحد بسمه وعطونا ارقام نعلقها في الفلينة ثمن راح بنا الباص لمكان الاختبار عند البوابة يعطونكم سندويشات من طقة لوزين وعصير ربيع وماء ثمن يدخلونكم على الاختبار الي مدته ساعتين ونصف فيزيا ورياضيات وانجلش طبعا في البداية بيلقي العقيد عليكم كلمة عن الكلية والتخصصات بعد التخرج وان 30 من الدفعة بيحولونهم على حرس الحدود البحري ثمن يبدا الاختبار انجليزي سهل جدا والفيزيا اصعب شوي ورياضيات اصعب بصراحة الاختبار كله سهل بس انا مضيع شوي طبعا الانجليزي نصه لسننق والباقي اسئلة سهلة جدا والظباط متعاونين اذا ما فهمت شي اسال وبيعطيك الجواب على طول ثمن بعد ما خلصنا ركبنا الباصات وعلى الصالة وزعونا 9 فصايل كل فصيلة 10 وعند كل فصيلة مدرب والتمارين هي وثب وضغط وبشم ومدربنا كان جدا متعاون في البطن سويت7 حطلي 40 وبعدين الجري 50 متر وبعدين سباق 600 متر نصيحة يا شباب لا تشربون ماء قبل السباق لان في ناس قالهم المدرب لا تشربون وشربو ورجعو الله يكرمكم وبعدين يطلعونكم على الباصات والي ما عنده سيارة في باص يوصله لمنطقة تجمع التكاسي لان ما فيه تكاسي عند البوابة خرجنا الساعة تقريبا11 بعد ما انهد حيلي من ال600 متر لكن بصراحة الجو كان فلة والظباط كذلك حقين فلة وسوالف وحان الوقت لشد الرجال للشرقية عذرا على الاطالة وفالكم القبول النهائي واي سؤال انا في الخدمة موفق بإذن الله ... لك مني أجمل تحية .