السلام عليكم ورحمة الله وبركاته ..

معكم أخوكم عبدالرحمن ..

حاب ادخل بالموضوع بشكل سريع وكلام واضح ..

انا العام الماضي كنت هنا بالمنتدى ومتحمس بشكل كبير ما بعد الاختبارات والاجتيازات ..

طال عمركم .. انا قدمت على الدفاع الجوي كلية الضباط .. حقت الثلاث سنوات ما بعد الثانويه

عن طريق الإنترنت .. فجاه تم ترشيحي مبديئآ .. ورحت الكشف الطبي ..

وكان طولي وقتها 169 .. وبغرفة قياس الطول والوزن عيت تضبط !

قالو طولك 163 !!!! وانا قايس طول 169 ويرصون على الراس

المهم عديته .. وحطو طولي 165 بالضبط ( لأن اللي ماسك ملفي واسطتي )

وكنت وقتها فيني ضعف النظر .. ورحت بعدسات وطبيب العيون ما درا اني لابس عدسات ..

( او انه مسلك لي لأنه على علم بالواسطه ) طبعآ كل دكتور يسئلك وش يقرب لك فلان
تم الاجتياز

ورحت المقابله الشخصيه .. ويحاول ينرفزك لكن خلك طبيعي ومتواضع

على العموم .. عطونا موعد بعدها بكم يوم اختبار اللياقه واللغه ..

اختبار اللياقه تعبت تعب غير طبيعي .. حسيت بعروقي اللي ببطني 4 لفات على المضمار

ويحمسووووونك بالركض ( مدخن على فكره ) وانصح كل واحد يترك الدخان قبل اللياقه


وانتظر النتايج على أحر من الجمر ( وقتها سويت عملية ليزك بالعيون كلفتني 10000 ريال )

ومستعد كامل الاستعداد للدفاع الجوي .. ( طبعآ اختبار الدفاع الجوي مع طلاب الحربيه )

على العموم .. سبحان الله جتني كذا شعور بعدم الإرتياح للعسكريه ..

المهم .. كنت اتمناها لين فجأه الصبح وانا متابع بحماس بهذا المنتدى الجميل ..

نعتذر لعدم قبولك ونتمنى لك التوفيق ..

بعدها تسكرت الأبواب كلها بوجهي ..

واتصل على الواسطه ( عميــــــــــد )

السالفه كذا .. كذا .. كذا ..

طيب انت ملزم تبيها ؟

ايه والله أبيها ..

العميد : طيب أنا بحاول وارد لك خبر

والى يومكم ما رد لي خبر

رغم انه شقيق الوالد من الأب والأم اصغرها سنآ

جامعة الملك سعود رفضتني

وجامعة الإمام رفضتني .. ودخلت بالواسطه فيها قسم شريعه ترم ثاني ..

وسحبت ملفي .. ما داومت ..

على العموم لحد يتحمس كثير والله فيه اللي احلى من العسكريه

وان ما كتب لكم الله السنين تمشي بسرعه يمديكم تصيرون مناصب جامعيين عسكريين

فيه الامنيه والحرس وغيرها جامعيين اذا ملزمين فيها .. وفيه ملازم تحقيق تبع هيئة التحقيق

وفيه كثيييييييييييير


انا احاكيكم الآن من جهازي الخاص
بالعمل بشركة الإتصالات السعوديه بالتعاقد مع الخطوط السعوديه
عصفورين بحجر واحد .. الراتب ولله الحمد 7000 ريال .. من غير البونص والتذاكره المجانيه
والفنادق المجانيه
مع عدم الإستمرار مع أخذ الخبره

والتقديم على أمريكا .. طيار نقل ركاب بعثات الخطوط السعوديه

> ماتوقعت أبد اصير طيار جتني من الله ولله الحمد ..

والله يرزق الجميع

الى اللقاء وآسف على الإطاله

هههههههههههههههههههههه

>> توقيعي قديم

اللي تحت

موفق بإذن الله ... لك مني أجمل تحية .

وياك يا رب .. حياك

للرفع عشان الناس تقرا وتستفيد

شـكرا لك وبارك الله فيك... لك مني أجمل تحية . موفق بإذن الله ... لك مني أجمل تحية .

لا حول ولا قوة إلا بالله

ياخوي والله خوفتني احس اني ما راح انقبل نهائي للكلية الحربية

لكن الله كريم بأذن الله

الله يسهل عليك ان شاء الله

.

قصه دراميه كثيرآ منا قد عاش فصولها ..
الله يوفقك ويزرقك ويفتحها بوجهك وباذن الله نشوفك احد المناصب العاليه في هاذا البلد ..



.