السلام عليكم

انا تم قبولي مبدئياً بالدفاع الجوي
وبعدين تم قبولي لباقي الاجراءات
وسلمونا الاوراق حقت الادله والعمده
واليوم كان التحليل
صراحه ماتوقعت الشيء اللي صاير أبد
حسيت أن الواسطه خصوصاً بالجيش راح تدمر مستقبل البلد
كل واحد يضبط للي يقرب له والا من جماعته والا من منطقه يحبها
أما الباقي عليهم السلام


التحليل ومادراك مالتحليل
تخيلو ياعالم التفتيش اذا جيت تحلل على ناس من بد ناس
يعني أنا شخصياً وكذا شخص معي فتشونا قبل ندخل دورة المياة تفتيش مطار
وفيه ناس يعطونهم أكياس بول وانتم بكرامه داخل عيني عينك

ولو تدخلون دورة المياة تشوفون أكياس البول على الارض مرميه عيني عينك

السؤال هنا

أنا صحيح كنت أتعاطى حشيش سابقاً
لكن مابقى شيء ماسويته

من جلوكوز وأبرة لزنكس وثوم وجري حتى الدخان قطعته
وسباحه والفوار ابو حبوب صفراء اللي تجي زي شكل الفلين
وحبوب مدرر البول وبقدونس وجرجير وبيره ومويه بكميات كبيره

وأمارس الجري بشكل يومي لدرجة أني أصبت بتمزقات من عدم الراحه
ومع هذا كله قلقان من الفحص

لكن يوم شفت أهل الواسطات بارده مبرده يجي مبسوط وياخذ كيس البول وانتم بكرامه من العسكري ويعبيه بالعلبه ويطلع والبسمه شاقه نص وجهه

حسيت بالقهر والغبنه
حسيت أنهم ماهم كفو يكونون تحت قيادة الجيش
حتى أني أحبطت أحباط تام
وكرهت شيء أسمه عسكريه بعد ماكنت متحمس
وين الامانه وين الصدق
صحيح أني غلطان وكنت أتعاطى لكن فعلت بالاسباب وبعد ماجاني القبول المبدئي
قررت أترك كل حاجه وأتوب لله وأشوف الفرصه اللي جتني من الله وبدون أي واسطات

مافيه أنسان معصوم عن الخطأ
لكن حسيت وانا بالدفاع أن القطاع كله لقبيله معينه
تغاضي عن الطول الرسمي لاهل الواسطه
تغاضي عن الوزن الرسمي لاهل الواسطه
تخيلو واحد مايوصل لكتفي ومع هذا مقبول
وأنا عارف أن فيه ناس أولى منه وكانو يستحقون مكانه

تخيلو بعض الاسماء اللي تمت لهم بصله
ينادون عليه أكثر من مره وتلقى العسكري يتلفت لان أخر أسمه لقب ال ؟؟ نفس قبيلته
اما باقي الاسماء نص الاسم ومش حالك

أنا ماراح أتحطم لو ماجاني قبول بسبب التحليل
لاني على خطأ وأعترف بهالشيء ولكن نفعل بالاسباب ونتوكل على الله

بس يوم أشوف ناس بنفس الخطأ لكن مشت أمورهم علشان يقرب له والا من منطقه يحبها
وقتها بس بتحس أن العسكريه ماتشرفك مع أحترامي

والادهى والامر
الضباط داخل المسجد وقت التحليل يقولون لك طف جوالك حرام ومسجد وماتخاف الله
وهم بأنفسهم داخلين بالجزم داخل المسجد
ماقرر يخلع الجزمه تقديراً وأحتراماً لبيت الله
لكن قادر يهزء الطلاب علشان يقفلون جوالاتهم مايبي يسمع صوت
ويتعذر بأنه بيت الله

هل يعقل هاذي عسكريتنا ؟!
أنا باقي ماطلعت نتائج التحليل
لكن خلاص طابت النفس من جد
حتى الفحص الطبي ماراح أحضره
لاني شفت شيء ماتوقعته أبد
وكلامي لعل وعسى يشوفه أحد المسؤلين ويحد من هالظاهره لو بقطاع الجيش فقط
لان الجيش هو عمود البلد من غيره راح نضيع
أهل الواسطات بكرا ماراح تفيد واسطاتهم على الجبهه
وراح تتاكدون من كلامي بكرا
شخص ماتعب بالوظيفه ماراح يتحمل يكون قدها
المفروض يغيرون القطاعات كل قطاع بأسم قبيله معينه
وأنتهى الحديث

والله انك كفوو ثم كفوو قسم بالله انك صادق في كل كلمه قلتهااا
انااا زيك انقبلت قبول مبدئي في الدفاع الجوي وسويت اختبار ليقاقه وقست الطول عندهم طلع 169 والوزن 60
وشهاده علوم طبيعه النسبه 75
ليش ماقبلوني في القبول الثاني مب حرام
بس مانقول حسبي الله على الظالم
موفق بإذن الله ... لك مني أجمل تحية .

الحقيقة اهنيك على شجاعتك يا الغالي

اهم شيء انك اعترفت بغلطتك ولله الحمد لك يارب العالمين

بخصوص موضوعك انا معاك في كل شيء قلته 10/10

قسم بالله ناس زلايب علشان عندهم واسطة يخشون العسكرية آه يا الغبنة

يلا عقبال ما نشوفك معلق النجمة بأذن الله

موفق بإذن الله ... لك مني أجمل تحية .

الله يكون في عونك وهي ماهي نهاية المطاف الله يوفقك ويوفقني ويوفق كل عاطل وانا لم يتم قبولي بالدفاع انا من شفت العسكر اللي حاظرين يوم الجري يضحك مع فلان وانت ولد فلان وانت وانت حسيت بينهم شيء بينهم قرابة او شيء بينهم اتفاق لا ومرة عسكري قال لواحد شفيكم يعيال فلان مافيكم الطويل قلت بس انتهت الواسطة بدت
.................................................. .................................................. ........................................

اكثر من الاستغفار وربي اني اكثرت من الاستغفار والله وفقني
قال الرسول صلى الله عليه وسلم
من لزم الاستغفار جعل الله له من كل هم فرجا، ومن
كل ضيق مخرجا، ورزقه من حيث لا يحتسب

الي خايف من دمه يروح لخوي الي ماله بلخراب ويسحب منه ونتم بكرامه

.



شد حيلك ، وباذن الله ربي يرزقك بـ قطاع افضل منها ..


.

قووووووووووووووول الحمد الله ع كل شي

أشكركم على ردودكم
وللمعلوميه وتأكيد للمعلومات فوق
الى الان ماطلعت نتيجه التحليل
وأنا واثق 70 بالميه أني راح أعدي التحليل
لكن خلاص طابت نفسي من القطاع بكبره
واذا العسكريه على النمط هذا العسكريه كلها مابيها
لان اذا بالاجراءات المبدئيه كذا الشغل
أجل بعد التعيين كيف بيكون
والواحد يفكر لبعيد مايفكر بالشهر الجاي والا الراتب الجاي
توقعت مع التقدم ومع الحضاره أن الكلام القديم تغير
لكن للاسف تأكدت بأم عيني أن هالشيء صحيح