السلام عليكم,,,,,

اللهم صلي على محمد واله اجمعين

قصيدة أكثر من رائعه ..
للشاعـر (( سـالـم الـبـدوي ))



كل شبر بهالوسعيـه ملـك ربـي تعلميـن
وأعلم إن اللي خلقني هو خلق لـك هالعيـون
،
،
،
لكن أنتي من جلستي وأنتـي فينـي تحدقيـن
كن ما به ناس غيري بهالكراسـي يجلسـون
،
،
،
لو سمحتي عاد سمعي وحتى لو ما تسمحيـن
المهـم اللـي بقولـه تسمعينـه ويسمعـون
،
،
،
ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون
،
،
،
الركادة عاد زينة والحياء فـي البنـت زيـن
وفيـك آزم لا ركـادة ولا حيـاءٍ يـذكـرون
،
،
،
تعرفينـي أعرفـك؟ ما أذكـر إنــا ملتقـيـن
لا أعرفك من تكوني ولا تعرفي مـن أكـون
،
،
،
وإطمأني أن كان قصدك بس فينـي تشبهيـن
ما هـو أنـا اللي تعرفينـه والبشـر يتشابهـون
،
،
،
مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون
،
،
،
وإن كان قصدك شي ثاني عاد قولي وش تبين
خايف إنا نصير فرجة واللي ما أشتروا يتفرجـون
،
،
،
وإذا ع البال عاجبتنـي لا يحوشـك تحلميـن
صدق ربعي من جمالك فيـك صـار يمدحـون
،
،
،
بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون
،
،
،
ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون
،
،
،
وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون
،
،
،
إنتـي خرسـا أسألـك ولا مانـك تسمعيـن
قالوا ربعي ذي كفيفـة قلـت لا لا تمزحـون !!!
،
،
،
لين شفتك يوم رحتـي يمسكونـك باليديـن
ما دريت إلا عيونـي أربـع أربـع ينـزفـون
،
،
،
آه ياني منه مشهـد يـوم شفتـك ترحليـن
جيت اشوف عيون ربعي لقيت كـل يدمعـون
،
،
،
قلت سنّـة هالحيـاة وحـن ترانـا مؤمنيـن
الله اللـي مسيّرنّـا بيـن كافـ وبيـن نــون
،
،
،
وكل أبونا نختلف مع إننا مـن أصـل طيـن
سبحان يلي مصورنا ولله في خلقـه شـؤون
،
،
،
يعني حنا كل أبونـا عـاد إسمنـا بنادميـن
وليا قضى ربك أمر وقـال لـه كـن فيكـون
،
،
،
فينـا يلـي رازقــه خيـر رب العالمـيـن
وفينا يلي هو لعطفه بحاجة القلـب الحنـون
،
،
،
وفينا يلي مـا شكـى مـن علـةٍ كالآخريـن
صـمٌ وبكـمٌ وعمـيٌ فـهـم لا يفقـهـون
،
،
،
بس قليل عـاد فينـا للنعـم هـم شاكريـن
والله يرزق هالخلايق من حيث هم لا يعلمون
،
،
،
وتدري عادك يالكفيفة حنى تراى متشابهيـن
وإن ما عمت أبصارنا لقلوب أهـم إلآيعمهـون
،
،
،
يالكفيفة يالعفيفـة إن قلـت آسـف تقبليـن
يغفر الله ذنوب عبده ليا خطا وهـل تغفـرون
،
،
،

....؟

عجبتني بجد بجد

واتمنى تعجبكم


اغلى التحايا

مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون
،
،
هذولا الحريم ها اليومين ريحات فيها والرجال تستحي وهي عينها قويه هههههههههههههههههههههههههه

والله كأني شايفه يجيب المرض لكن يبي يسوي دعايه لعمره


مشكوره خيتوووووووووووووووووووووو

ذحين بارجع أعلق على القصيدة ككل

لين شفتك يوم رحتـي يمسكونـك باليديـن
ما دريت إلا عيونـي أربـع أربـع ينـزفـون

آه ياني منه مشهـد يـوم شفتـك ترحليـن
جيت اشوف عيون ربعي لقيت كـل يدمعـون

لا حول ولا قوة إلا بالله
الحمد لله الذي عافانا مما ابتلاهم
وفضلنا على كثير ممن خلق تفضيلا

قلت سنّـة هالحيـاة وحـن ترانـا مؤمنيـن
الله اللـي مسيّرنّـا بيـن كافـ وبيـن نــون

اللــــــــــــه يصبرهـــا...

يالكفيفة يالعفيفـة إن قلـت آسـف تقبليـن
يغفر الله ذنوب عبده ليا خطا وهـل تغفـرون

،بعد شــــــــــــــــو..؟؟!!
بس الاعتراف بالحق فضيلة..
،ـــــــــــــــــــــــــــــــــــــــــــــــــ ــ
قصيدة رااائعة ومــــؤثرة
يسلمو طمووووحة