قصتي مع قوات الامن الخاصه من التقديم الى القبول النهائي

فواز المغربي · #1 (**permalink**) 21-07-2011, 04:50 AM

السلام عليكم ورحمة الله وبركاته
اخواني الاعضاء انا اخوكم فواز المغربي
التقديم بوحده التشريفات
قدمت العام بقوات الامن الخاصه تخصص تشريفات(موسيقى)
دورتهم 3 اشهرفرد اساسي الرتبه جندي والتخصص سنتين
وقتها التقديم ملفات رحت بالموعد وقدمت ملفي طبعا بالسرى (من سبق لبق)واخذه طولي وكان طولي 172 والوزن مناسب الحمد لله (انتبهو في فني ياخذ الطول والوزن مطوع ودب لونه اسمر شوي في علامه بجلده كأنه برص الله لا يبتلينا وقصير شوي المهم تراه مررره شديييد ) حاولو لما ياخ طولكم تشدو نفسكم شوي عشانه بالملي يحاسبكم المهم اخذ طولي وقالي طولك 169 ماينفع قلت له لا انا طولي 172 وتصايحت معه قاسه من جديد بعد ملاعنه وطلع 172 الحمد لله وبعدها عطوني رقم قبول كان 151 وقالولي روح لنقيب يعطيك موعد عطوني هو بشهر 6 تقريبا بعدها باسبوع رجعت طبعا قالو تجي بلبس رياضي قلت طيب وجيتهم ع الموعد وماسولنا اختبار لياقه قالو مقابله مع مدربي الموسيقى وقابلتهم عليهم اسئله غريبه مثال
نص ونص كم يساوي=واحد
نص وربع وربع ونص=اثنين
ثلث وثلث وثلث ونص ونص واربع ارباع=3
زي كذا وبعدها قالولي قول النشيد الوطني اهم شيانك تنشده واذا سألك ارفع صوتك وجاوب بسرعه اهم شي تركز انا سألني ايش اسم امك جاوبته بسرعه قالي تسمع اغاني قلت مو دايم قالي غني قلت له اقول النشيد الوطني افضل ؟ قال ايه قوله قلته ولحنته زين بعدها عطوني موعد ثاني تقريبا بعدها بيومين ر وقالو لبس رياضي
رجعتلهم على اساس انه اختبار لياقه خمونا وقالو وزن ونظر طبعا قبلها خلونا من الساعه 6 الصبح لين 10 جالسين بالمدرج الي بالملعب طبعا متنا من العطش وجاوبو لنا ماء باااااارد كلهم نزلو يشربو واثقلو بالشرب انا يوم جيت اشرب خلص الماء المهم هذي حركه منهم على اساس الي يثقل بالماء يفرق الوزن ويطلعونه برا المهم والله الي اثقلو الشرب طلعو قالولهم وزنكم زايد انا حمد ربي اني جلست عطشاان ههههههه
عديت الوزن والنضر بعدها قالو موعد مقابلوه تقريبا بعدها باسبوعين وجيتهم قابلت رتب كبييره منهم
1 الرائد لقبه البراك
2 وعميد لقبه الصقير
3 عميد لقبه الشيخ هذا حق التجنيد
4نقيب لقبه الشيخ
وما اذكر البقيه لانه الكلام ذا العام
المهم عديت وعطوني اوراق الكشف والبصمات وخطاب الاحوال
والاستماره ترا انتبهو خلصوها بسررعه هم يقولو شهر ماعليكم منهم حاولو باقل من كذا قالولي وين تبي الكشف قلت بمكه وكتبو مكه ورحت وجيتهم بعد 15 يوم تقريبا وسلمتها كان تقريبا بنص شهر 7 وقالو انتضر اتصال وانتضرت طولو ماتصلو الا 10 او 11 رمضان قالو راجعنا انتبو اتصالاتهم دايم بوقت غلط يعني مو صبح يمكن عصر مغرب عشا هذا وقته تقريا وذا الرقم الي اخبره يتصلو منه 014625059
المهم جيتهم الا وتحليل مخدرات وانواع النفسيه ههههههههه
كثير ماقدر يتبول الله يكرمكم المهم عدت على خير وقالو انتضر اتصال الي هو القبول النهائي
وانتضرنا عدا رمضان والعيد وذي القعده وبتاريخ 14 ذي الحجه اتصلو وللاسف ماتصلو علي لانه حطوني احتياط وكانت الدوره ب1_1_1432 وكان عددهم 50 شخص
المهم مانقبلت وربي يعوضني
التقديم الثاني بوحده الازاله
قدمت بالوحده ذي ازاله وابطال المتفجرات المهم رحت اختبارهم دخلوني على حظيره كلاب الله يكرمكم وخلوني اخرجه من الحظيره واصيح وانا خارج كلب جاي كلب خارج وخرجوني معه لقفص كبير خارجي مكشوف وخلوني الاعبه المهم الكلب اسمه تيقو(مانساه هههههههههههههه) واعطوني منشفه ملفوفه لونها ابيض ويوقلو ارميها ويجيبها وانت ماسكه حاول قد ماتقدر لا تخليه ياخذها انت اسحبه لاتخليه يسحبك وبعدها ودوني قفص صغير عشان الكلب يزق الله يكرمكم وخلوني اشيل فظلته بالكريك وشلته وانا حايم كبدي المهم عديت الاختبار ورحت مقابله مع عميد المتفجرات لقبه القرفان وقالي ايش اسمك ومن هو رئيس مجلس الوزراء واسئله ماخبرها وقالي وش شفت بالحظيره وايش شفت بره هم يبون واحد شديد ملاحظه
وعديت من المقابله وقالو انتضر اتصال واتصلو بعدها بشهر7 طبعا قبل شهر وشوي وقالو تعال رحت مقابله شخصيه وكذا وعديت وعطوني الكشف والبصمات وكل شي وخلصتها الحمد لله ووديتها وقالو انتضر اتصال ودعواتكم بالقبول هذي المره واتمنى منكم الدعاء من كل قلبكم

والي يبي استفسار انا حاضر

لواء ركن مظلي · #2 (**permalink**) 21-07-2011, 04:56 AM

وش ذا ياخوي والله ما اسوي كذا لو الراتب عشره الاف
قال تسلاب قال
تقبل مروري
موفق بإذن الله ... لك مني أجمل تحية .

فواز المغربي · #3 (**permalink**) 21-07-2011, 04:59 AM

اكل العيش وانا اخوك مافيه عيب
منور مرورك

غريب الحياه · #4 (**permalink**) 21-07-2011, 05:07 AM

الله لا يبارك فيها من عيشه دامهي زي كذا أوليا موسيقى وتالي كلاب ...
على العموم الله يوفقك دام انك تبيها ولاكن عندي سؤال هل اختبار النظر عندهم في القبول والتسجيل يفحصون على عمى الالوان أو لا وشكرا

فواز المغربي · #5 (**permalink**) 21-07-2011, 05:12 AM

اقتباس:

المشاركة الأصلية كتبت بواسطة غريب الحياه

الله لا يبارك فيها من عيشه دامهي زي كذا أوليا موسيقى وتالي كلاب ...
على العموم الله يوفقك دام انك تبيها ولاكن عندي سؤال هل اختبار النظر عندهم في القبول والتسجيل يفحصون على عمى الالوان أو لا وشكرا

انا عن نفسي ماختبروني عمى الوان

دعواتكم لي وانا بانتضار استفساراتكم

فواز المغربي · #6 (**permalink**) 21-07-2011, 05:14 AM

للرفع

ابو عطفه · #7 (**permalink**) 21-07-2011, 05:14 AM

الله يوفق يارب

ويرزقنا بالوظيفه المريحه

مع اني يائس لاكن املي بالله مو بخلق الله

خآلد العتيبي · #8 (**permalink**) 21-07-2011, 05:24 AM

[QUOTE=فواز المغربي;4925847]السلام عليكم ورحمة الله وبركاته

وعليكم السلام ورحمة الله وبركاتة

نص وربع وربع ونص=اثنين

تصحيح نص وربع وربع ونص = واحد ونص

عسى الله يوفقك ويسر امورك