ياصاحبي فسرتها غير تفسير
ماني مضر فيها على موتة النار

لاتامن الدنيا ترى مابها خير
مثل البحر مايامنه كل بحار

تضحك وروس أنيابها كالمناشير
كم عالي فيا غدا الصبح منهار

حتى ولو شفت الزهر والنواوير
عقب الحيا تصبح لواهيب وغبار

حالي ياأبوتركي كما حالت الزير
ماذاق حلو النوم من سبة الثار

عانيت من مبطي وانا توي ا صغير
والخافي أعظم كان بينت الاسرار

ليته من أسباب الهوى والغنادير
اوسبته زود الخساير والأسعار

ياليتها ضيقه تجي تالي اعصير
ياشاعر المره طويلين الأشعار

وفي حروة المذن عقب ياكل الطير
لااوحيت ذكر الله غدا كل مرار

صبرت لكن اليــــالي مدابـــــــير
وطبع الرجل يصبر ولو صار ماصار

يمكنها خيره وللذنب تكفـــــير
لامن دنت والموت قصاف الاعمار


وتقبلوا تحياتي
اخوكم السلاطين